Үндэсний их баяр наадмаар тав давж, Дорнод аймагт сүүлийн 10 жил тасраад байсан улсын цолыг авчирсан шинэхэн начин Д.Анарт хүндэтгэл үзүүлэх наадам тус аймагт боллоо. Энэхүү бэсрэг наадмыг Аймгийн ЗДТГ, Залуучуудын холбоо, МСУХ хамтран зохион байгуулж, аймаг сумын цолтой 64 бөх барилдаж, соёолон насны хурдан морь уралдуулж , халх сурын харваа зохион байгуулсан байна.
Наадмын үеэр шинэ начинд УИХ-ын гишүүн Х.Болорчулуун “Залуус” хорооллын 2 өрөө байр, УИХ-ын гишүүн, ХНХ-ын сайд Н.Номтойбаяр, аймгийн Засаг дарга М.Бадамсүрэн, Нутгийн зөвлөлөөс Улаанбаатар хотын Хархорин цогцолбор хороололд 2 өрөө байр, Дорнод аймгийн Дашбалбар сумаас Улаанбаатар хотод байрлах 1 өрөө байрыг тус тус бэлэглэжээ.
О.ӨНӨР