Сар бүрийн 3-ны өдрий цусаа бэлэглэх өдөр болгон тэмдэглэдэг бол өнөөдөр 87 дахь удаагийн “Цусаа бэлэглэх өдөр” тохиож байна.
Уг арга хэмжээний үеэр 70 буюу түүнээс дээш удаа цус, цусны бүрэлдэхүүн хэсгээ бэлэглэсэн “Хүндэт донор Ц.Амарсанаа “ХҮРЭЛ ДОНОР” цол тэмдэг, “Хүндэт донор” Б.Долгормаа “Бахархал 50”, Г.Гэлэгдорж, Б.Өнөрцэцэг нарт “Бахархал 40” тэмдэг, мен цусны донор Б.Хүдэртулга, Ч.Дхагвасүрэн, Т.Баярсайхан нарт “Бахархал 30” “Бахархал 20”, “Бахархал 10” тэмдгийг тус тус гардууллаа.
Ч.Амарсанаа (Хүрэл донор): Би 2011 оны наймдугаар сарын 29-ний өдөр анх цусаа өгсөн. Одоо 11 дахь жилдээ цусаа бэлэглэж байна. 2016 онд “Хүндэт донор” болсон бол өнөөдөр “Хүрэл донор” боллоо. Маш их баяртай байна. Цаашлаад алтан донор, топ донор болох болно оо. Цусаа өгснөөр хүн өөрийгөө эрүүл гэдгийг мэдэх боломжтой байдаг бөгөөд зүрхний үйл ажиллагаанд их сайн. Цаашлаад цус хэрэгтэй, шаардлагатай өвчтөнүүдэд тусалж байгаа хэрэг. Мөн 1-дүгээр бүлгийн цустай хүнийг зөвхөн донор гэж ойлгож болохгүй. Цусаа өгч буй бүх хүмүүс донор. Би ойр тойрны хүмүүстээ байнга цусаа бэлэглэхийг уриалж, цааш нь түгээдэг.
150-аас олон удаа цусаа бэлэглэсэн алтан донор 8 байгаа бол 100-аас олон удаа цусаа бэлэглэсэн мөнгөн донор 50 гаруй байна.
2022 оны 5 сарын статистик үзүүлэлтээр цус цуглуулалт 2020 оны мөн үеэс 448 нэгж буюу 19 хувь, 2021 оны мөн үеэс 826 нэгж буюу 43 хувиар өссөн үзүүлэлтэй. Хөдөлгөөнт хэлбэрээр цус цуглуулалт 2020 оны мөн үеэс 240 нэгж буюу 33 хувиар, 2021 оны мен үеэс 551 нэгж буюу 134 хувиар өссөн үзүүлэлтэй, Суурин хэлбэрийн цус цуглуулалт 2020 оны мен үеэс 208 нэгж буюу 13 хувиар, 2021 оны мөн үеэс 275 нэгж буюу 18 хувиар өссөн үзүүлэлтэй байгаа аж.
Н.Эрдэнэбаяр (ЦССҮТөвийн захирал): Монгол улсад цусны алба үүсч хөгжөөд 60 дахь жилдээ золгож байна. Энэ хугацаанд 150 мянга орчим хүн цусаа бэлэглэсэн. Мөн 50-аас дээш насны донорууд жилээс жилд нэмэгдэж байгаа бөгөөд 35 хүртэлх насны залуучууд 75 хувийг эзэлж байна. Ковидын хатуу хөл хорио, олон давлагаа явсан нь цусны нөөц, аюулгүй байдлыг хангахад тодорхой хэмжээнд шалгуур болсон. Донорын тоо ковидгүй байх үеэс илүү нэмэгдсэн. Өнгөрсөн жил улсын хэмжээнд 36 мянган донор цусаа өгсний 27,260 нь Улаанбаатар хотоос өгсөн байдаг. Энэ жилийн эхний улирлын байдлаар авч үзхэд 4сард цуглуулна гэж тооцоолсон цусыг 3 сард цуглуулсан нь 30 гаруй хувиар нэмэгдсэн сайн үзүүлэлттэй. Бусдын төлөө цусаа өгдөг ачтан донорууддаа баярлалаа.
2022 оны 05 сарын цус, цусан бүтээдэхүүний үйлдвэрлэл 2020 оны мөн үеэс 1120 нэгж буюу 16 хувиар, 2021 оны мөн үеэс 771 нэгж буюу 37 хувиар өссөн үзүүлэлтэй, эмнэлэгт олгосон цус, цусан бүтээдэхүүний хэмжээ 2020 оны мөн үеэс 70 нэгж буюу 1 хувиар, 2021 оны мен үеэс 246 нэгж буюу 5 хувиар тус тус өссөн үзүүлэлтэй байна.
М.САЙНЗАЯА