Сар шинийн өмнө Францын нийслэл Парис хотноо жүдо бөхийн олимпийн эрхийн оноо олгох “Их дуулга” тэмцээн болсон билээ. Энэхүү тэмцээний дараа Олон улсын жүдо бөхийн холбооноос жүдочдын чансааг шинэчлэн гаргажээ. Эрэгтэй, эмэгтэй тус бүр долоо нийт 17 жингээс чансаа гарахад Монголын гурван жүдоч жиндээ тэргүүлсэн байна. Тодруулбал, эрэгтэй 66 кг-д Д.Төмөрхүлэг, эмэгтэй 48 кг-д М.Уранцэцэг, 52 кг-д Д.Сумъяа нар юм. Мөн эрэгтэй 60 кг-д Г.Болдбаатар гуравдугаар, 73 кг-д С.Ням-Очир 10, 90 кг-д Л.Отгонбаатар 11, эмэгтэй 63 кг-д Ц.Мөнхзаяа 7 байрт бичигджээ. Харин Казахстан улсын нэрийн өмнөөс барилдаж буй Парисын “Их дуулга”-ын аварга Г.Отгонцэцэг чансаагаа 16 хүртэл өсгөсөн байна.
