“Рио-2016” олимпийн наадмын эрх олгох Ази, Номхон далайн бүсийн боксын тэмцээний хагас шигшээ тоглолт өчигдөр өндөрлөлөө. Манай Үндэсний шигшээ багийн таван тамирчин тулалдсанаас 64 кг-ын жинд хүч үзсэн Армийн дэлхийн аварга, ОУХМ Б.Чинзориг Киргизстаны Эрмек Сакеновыг 3:0 (29:28, 30:27, 29:28)-ын харьцаатай хожсоноор “Рио-2016” Олимпийн наадамд оролцох ширэн бээлийтнүүдийн анхны эрхийг эх орондоо авчирлаа. Азийн наадмын аварга Д.Отгондалай Японы Д.Наримацутай хүч үзэн 3:0 ээр ялалт байгуулан мөнгөн медалийн болзлыг биелүүлж, Олимпийн эрхийн хамт авсан.
75 кг-д дэлхийн Универсиад наадмын хүрэл, Азийн Залуучуудын аваргын хүрэл медальт Н.Шинэбаяр хагас шигшээд дэлхийн аварга Казакстаны Жанебек Алимханулытай өрсөлдөж 3:0-ээр ялагдсан. Мөн 69 кг-ын жинд Б.Түвшинбат Тайландын боксчинд 1:2, 49 кг-ын жинд Г.Ган-Эрдэнэ Узбекстаны Х.Дусматовт 3:0 ээр ялагдав. Манай тамирчдаас Д.Отгондалай, Б.Чинзориг нар эрхээ шууд авсан бол үлдсэн гурван тамирчин дахин нэгэн халз тулаан хийн ялбал Риог зорих эрхтэй болох юм.