Дэлхийн сонгодог урлагийн хөгжилд хувь нэмрээ оруулж, олон улсын тавцанд Монгол Улсын нэрийг дуурсгаж яваа балетын гоцлол бүжигчин Д.Алтанхуягийн гавьяаг үнэлж Монгол Улсын “Соёлын элч”-ээр өргөмжилсөн байна.
Гадаад хэргийн сайд Л.Пүрэвсүрэн өргөмжлөл гардуулах үеэрээ“Монгол Улсыг хилийн чанадад сурталчлах, соёл, урлаг, түүх, спорт, хүмүүнлэг, шинжлэх ухааны хоёр талын хамтын ажиллагааг хөгжүүлэхэд дэмжлэг үзүүлэх хүндтэй үүргээ биелүүлэхэд тань Монгол Улсын Гадаад хэргийн яам бүх талаар дэмжиж ажиллах болно” гэдгийг онцолжээ.