Франц улсын нийслэл Парис хотын “Centre d’entrainement Olympique” спортын ордонд уламжлалт “Гран-При” олон улсын III дахь тэмцээн гурван төрлөөр болж өндөрлөлөө.
“Хилчин” спорт хорооны бөх, олон улсын хэмжээний мастер Л.Төртогтох нэгдүгээр тойрогт бельгийн бөх Абдулла Омаровыг 7:0 онооны харьцаагаар хожиж хоёрдугаар тойрогт унгарын бөх Иштван Веребт 1:6 онооны харьцаагаар дийлдэж дагах барилдааныг П.Өсөхбаатартай хийж 4:3 онооны харьцаагаар дийлж хүрэл медалийн төлөө барилдаанд шведийн бөх Найб Илалдаев Итаевыг цэвэр даржээ.
“Сүлд” спорт хорооны бөх, олон улсын хэмжээний мастер Ж.Чулуунбат нэгдүгээр тойрогт хийлж хоёрдугаар тойрогт вэнэсуэлийн бөх Луис Филипп Урбанижед 5:9 онооны харьцаагаар хожигдож хүрэл медалийн төлөө бразилийн бөх Антуан Брага Абоутай хүч үзэж 10:0 оноогоор хожлоо.
Болгар улсын нийслэл Софи хотын “UNIVERSIADA” SPORT HALL” спортын ордонд алдарт бөх Дан Колов болон Никола Петровын нэрэмжит 53 дахь удаагийн чөлөөт бөхийн олон улсын уламжлалт тэмцээн гурван төрлөөр болж тэмцээний сүүлчийн өдөр дэвжээнд ганцаараа гарч 65 кг-ын жинд хүч үзсэн олон улсын хэмжээний мастер Б.Номин нэгдүгээр тойрогт словакийн бөх Мукола Болотнякийг, хүрэл медалийн төлөө барилдаанд македоны бөх Дежан Митровыг ялжээ.
Манай эрэгтэй бөхчүүд 2016 оны хоёрдугаар сарын 5-7-ны өдрүүдэд Турк улсын Стамбул хотын “Ahmet Cömert Sports Hall” спортын ордонд болох туркийн алдарт бөх Я.Догугийн нэрэмжит 44 дэх удаагийн чөлөөт бөхийн олон улсын уламжлалт тэмцээнд оролцоно.