Яг одоо Чингисийн талбайд Дэлхийн зохистой хөдөлмөрийн өдөрт зориулсан Хөдөлмөрийн өдөр болж байна. Жил бүр уламжлал болгон зохиодог“Хөдөлмөрийн хөгжлийн түлхүүр” нэртэй энэ өдөрлөгийн гол зорилго нь ажилгүй иргэдийг ажилд зуучлах юм. Энэ жилийн Хөдөлмөрийн намрын өдөрлөгийн яармаг нь
Улс орны эдийн засгийн байдал сайнгүй байгаа энэ цаг үед 60 орчим байгууллага, 20 гаруй хөдөлмөрийн бирж, нийслэлийн дүүргүүд хамтран одоогоор бүртгэлтэй байгаа сул ажлын байрны захиалгуудыг иргэдэд түгээж, бүртгэн ажлын байранд зуучилж өгч байна.
Мөн Мэргэжил сургалт үйлдвэрлэлийн төвүүд нийгэмд дутагдаж байгаа мэргэжлүүдээ сурталчилан, оюутнуудыг бүртгэж байна. Учир нь өнөөдрийн байдлаар Монгол улсад 40.000 гаруй ажил хайгч иргэн байгаагийн 60 гаруй хувь нь залуучууд байна. Эдгээр залуучуудыг ажилд зуучлахад ур чадвар, мэргэжлийн хувьд тохирохгүй, гологдох асуудал их байгааг албаны хүн онцолж байсан.
Иймд ажлын байр хайж буй иргэн та өнөөдөр 17.00 цаг хүртэл Чингисийн талбайд гарч буй Хөдөлмөрийн өдөрлөгт очиж Монгол улсад сул байгаа бүх ажлын байруудтай нэг дор танилцаж, бүртгүүлэн, зуучлуулж болох юм.