Category: соёл-урлаг

Халимаг улсын  Соёлын гавьяат зүтгэлтэн, Төрийн шагналт хөгжмийн зохиолч  Аркадий Манджиевын  монголчуудад зориулсан тоглолт өнөөдөр болно.

“Дээдсийн өлмийд мөргөм үү!”  хэмээх амьд шоу тоглолт өнөөдөр 19.00 цагаас Чингисийн талбайд үнэ төлбөргүй болох юм.

Тоглолтод түүний үүсгэн байгуулсан “Халимаг” хамтлаг, “Чингис хаан” хамтлагийн дуучин МУГЖ Д.  Жаргалсайхан, “Гурван бүдүүн”, дуучин Бобо зэрэг Монголын хамтлаг  дуучид  оролцохоос гадна Өвөр Монголын Торгууд дуучин Халин, Хятад улсын этник язгуур урлагийн “ Жалам хар”  зэрэг хамтлаг, дуучид урилгаар оролцох юм байна.

Зургаан сард өнөөдрийн байдлаар таван кино дэлгэцэнд гарч байгаа
бөгөөд 6 сарын эхний долоо хоногоос Тэнгис кино театрт “Улаан пальто”,
“Хан хүү нь аль вэ” кинонууд шинээр гарч эхлээд байна. Өнгөрсөн долоо
хоногийн жагсаалтын дүнгээр “Улаан пальто ” уран сайхны кино тэргүүлсэн
бол удаахад нь инээдмийн уран сайхны “Хүүгүй ломбард” уран сайхны кино
жагслаа. 

Mollywood Box Office

“Харанга” хамтлагийн бөмбөрчин Н.Пүрэвдашийн анхны тайлан тоглолт нөгөөдөр 19.00 цагт “UB palace”-ийн их танхимд болох юм байна. Тус хамтлагийнхан анх удаа бүрэн бүрэлдэхүүнээрээ цуглан  түүний тайлан тоглолтыг ийн хамтран зохион байгуулж буй аж. Тоглолт дөрвөн цаг үргэлжлэх бөгөөд үзэгчдийн хүсэлтээр дуулна гэсэн. Тодруулбал, фэнүүдийнхээ хамгийн ихээр сонсохыг хүссэн 20-30 дууг сонордуулах юм байна.

Амьд хөгжмийн гайхамшгийг жинхэнэ утгаар нь  мэдрүүлэх “Haranga and Puje Drum show” тоглолтоос бөмбөрчин Н.Пүрэвдаш орчин үеийн DJ техник  технологийн хослолоор эгшиглүүлэх өвөрмөц содон аялгууг тэнд очсон хүмүүс анх удаа үзэж, сонсох боломжтой. 

Э.ÀÍÓÆÈÍ

Гэрэл зургуудыг Г.ЛÕÀÃÂÀÄÎÐÆ

Оросын брэнд болсон хүүхэлдэйн кинонуудын нэг “Чебурашка”-г япончууд 3D-гээр дахин бүтээжээ. Уг хувилбарт 40 жилийн өмнөх Чебурашка, Гена матар хоёр яг хэвээрээ байгаа гэнэ. Харин хүүхэлдэйн киноны өнгө, дүрс сайжирч, Гена тамхи татахаа больсон аж. 

Шинэ “Чебурашка”-гийн найруулагчаар Японы кино зохиолч, найруулагч Макото Накамура, зураглаачаар “Союзмультфильм” кино студийн зургийн дарга Михаил Алдашин ажиллажээ. Зургаан жилийн хугацаанд бүтээсэн уг кино “Чебурашка ба цирк”, “Чебурашка амьтны хүрээлэнд очсон нь”, “Шапоклякийн зөвлөгөө” гэсэн гурван хэсэгтэй гэнэ. 

1966 онд “Гена матар ба түүний нөхөд” үлгэр гарснаар Чебурашка анх хүмүүстэй “танилцсан” бөгөөд үүнээс гурван жилийн дараа уг үлгэрийг хүүхэлдэйн кино болгосон юм. Чебурашка нь Орост төдийгүй дэлхий дахинд алдаршсан дүр бөгөөд 2000-аад онд япончууд түүнийг “Hello Kitty” брэндийн нэгэн дүр төрх болгон ашиглаж байжээ.

Монгол Улсын Төрийн соёрхолт яруу найрагч Ринчиний Чойномын нэрэмжит “Оюухай-2014” энэ сарын 13-15-ны хооронд Хэнтий аймгийн Дархан суманд зохион байгуулагдана. Эрх чөлөө, чөлөөт сэтгэлгээний яруу найргийг хөгжүүлэх, ном соёлын үйл ажиллагааг хөгжүүлэн дэлгэрүүлэх зорилгоор зохиогддог тус наадам анх 1993 онд зохиогдож байсан бөгөөд энэ жил ес дэхь удаагаа зохиогдох гэж байгаа нь энэ юм.

Тэгвэл тус наадамд оролцохоор эхний шатны шалгаруулалтанд 90 гаруй найрагч бүтээлээ ирүүлсэнээс хоёр дахь шатанд шалгарсан 25 найрагчийн нэрс тодорсон байна. 

Үүнд:

Б.Алтанхуяг, 

Л.Ганзул, 

Н.Минжинсайхан, 

А.Түмэнбаяр, 

Э.Хишигсүрэн, 

С.Начин, 

Б.Энхтөр, 

О.Цэнд-Аюуш, 

Б.Энхжаргал, 

М.Уянсүх, 

Д.Гансүрэн, 

А.Анхбаатар, 

Э.Гантулга, 

В.Нэргүй, 

Т.Дарханхөвсгөл, 

М.Наранболд, 

Ш.Батцэцэг, 

Г.Ишхүү, 

Б.Төгсжаргал, 

Б.Чулуунцэцэг, 

Т.Саранчимэг, 

Д.Наранцэцэг нарын 22 найрагч шалгарчээ. 

Үүн дээр Монголын Оюутны “Сүмтэй бударын чулуу” яруу найргийн наадамд эхний гурван байр эзэлсэн Г.Оргилболд, Р.Улам-Оргих, Г.Сүхбаатар нар нэмэгдэн шүлгээ унших аж.

Хосуудын хайр дурлал, атаа жөтөө, үл ойлголцолын тухай өгүүлэх “Миний хайр” инээдмийн мелодрам уран сайхны кино тун удахгүй үзэгчдийн хүртээл болох нь. Тус кино энэ сарын 16-нд “Тэнгис”, “Өргөө”, “Соёмбо” кино театруудад нээлтээ хийх аж. Киноны гол дүрүүдийг A-Capella хамтлагийн дуучин Э.Мөнхтөр болон “Ийм нэгэн дурлал” киноны дүрээр танигдсан жүжигчин Б.Баярмаа бүтээжээ. Уг кино “Single Ladies” киногоороо үзэгчдээс өндөр үнэлгээ авсан найруулагч Ц.Золжаргал, кино зохиолч А.Миеэгомбо нарын хамтарсан бүтээл юм байна.  Киноны дууг “UFO” хамтлаг, дуучин Г.Тэнүүн, залуу дуучин Ж.Оюунтүлхүүр нар дуулжээ.

 “Монгол кино HD” төслийн хүрээнд “Гарьд магнай”, “Цэц магнай”, “Тод магнай” киноны хөгжмийг дахин бичиж, үзэгчдэд хүргэхэд бэлэн болжээ.

Жил жилийн наадмаар монголчуудын хүртээл болдог монгол наадам, ёс заншил, монгол зан чанарын талаар өгүүлдэг эдгээр киноны хөгжмийг Төрийн хошой шагналт Н.Жанцанноров бичсэн.

Харин дахин бичлэгийн хөгжмийг Улсын филармонийн “Морин хуур”-ын чуулга тоглож, удирдаачаар АЖ Ц.Батчулуун ажиллажээ.

МЗЭ-ээс “Утгын чимэг” богино өгүүллэгийн наадмыг жил бүр зохион явуулдаг.

1990 оноос “Шувуун саарал” нэртэйгээр зохиогдож байсан эл наадам маань 1993 онд “Утгын чимэг” болж өнөөг хүртэл 18 удаа амжилттай зохиогдсоор ирсэн.

Энэ жилийн наадмын бүтээлийг 6 сарын 20-ны өдөр хүртэл МЗЭ-ийн 206 тоот өрөөнд хүлээн авна.

Наадамд оролцогч та бүхэн өөрсдийн бүтээлээ явуулахдаа А4 форматаар, Arial шрифтээр, үсгийн хэмжээ 12, мөр хоорондын зай 1.5-аар, 3 нүүрээс хэтрэхгүй байхаар явуулах юм байна.

Мордож буй улаан дээлтэй өвгөн Монголын их амар амгалан хэмээн яруу найрагч Цогдоржийн Бавуудоржийн “ Монголын их амар амгалан” шүлэг эхэлдэгсэн. Ийм л илчит нарны дор, ийм хөх тэнгэрийн дор, үндэс тэтгэсэн ийм л ариухан шороон дээр гишгэж яваагийн учир бид амар амгалан байхаас яахав ээ. Зургадугаар сар хөдөөдөө тэмүүлэх сэтгэлтэй хүмүүний нандин сэжмийг харин ч нэг атгана. Гүйгүүл морин нутгаадаа тэмцэх шиг бидний сэтгэлийг хөдөөх байгальдаа оччихсон айраг цагаа, хурдан морьдын хөлс ханхалсан уяан дээр аль хэдийнэ ирчихсэн байнам бус уу.

Мордож буй улаан дээлтэй євгєн

Монголын их амар амгалан

Морины хєлєєс чєдєр уйдаж

Шєнийн талд гуних

Монголын их амар амгалан

Модон тэрэгний хєх дугуй

Шинэ євсний солонго гишгэх

Монголын их амар амгалан

Молор саран 

Монголын их амар амгалан

Єндєр цагаан vvлс 

Монголын их амар амгалан

Гэсэр жангарын шарласан хуудас 

Монголын их амар амгалан

Гол мєрєн урсах

Монголын их амар амгалан

Гоолингоо

Монголын их амар амгалан

Эрдэнийн сормуусаа униарт дvрж

Адуу унтах 

Монголын их амар амгалан

Эр хvн ятгатай дуулах 

Монголын их амар амгалан

Алтай хангай

Монголын их амар амгалан

Арван тавны саран

Монголын их амар амгалан

Гучин гурван говь

Монголын их амар амгалан

Гучин гуравтай харцуул

Монголын их амар амгалан

Ганга агийн торгон суунаг

Монголын их амар амгалан

Ганган харцтай бvсгvйчvvд

Монголын их амар амгалан

Жаргаж гуних 

Монголын их амар амгалан

Зангирсан нулимс дотогшоо урсах

Монголын их амар амгалан

Хєх хєх аргалын дєл

Монголын их амар амгалан

Хєсєг нvvдэл 

Монголын их амар амгалан

Тооноор туссан наран дотор

Хvv мєлхєх

Монголын их амар амгалан

Тогоонтємєр хаан

Монголын их амар амгалан

Амар болоочийг ачсан

Цагаан тэмээ

Монголын их амар амгалан

Анирхан талын бvvвэй

Монголын их амар амгалан

Буурин дээр нялх ногоо цухуйх

Монголын их амар амгалан

Бурханы мэлмий

Монголын их амар амгалан

Богд шиг миний залбирсан

Наран, саран

Тэнгэрийн их амар амгалан

Болор биеийг минь нууцлах

Газар шороо

Дорнын их амар амгалан

Ижийгээр минь бvvвэй аялуулж

Эцгээр минь vнэг эсгvvлсэн

Дэрлээд нойрсох

Миний хатан євєр

Монголын их амар амгалан

Дэргэдээ дуудаж толгойгоо тvшvvлэх

Миний хаан vр 

Монголын их амар амгалан.