Category: соёл-урлаг

Нийслэлийн Засаг даргын дэмжлэгтэйгээр “Найрсаг Улаанбаатар” хөтөлбөрийн 2014-2015 оны өвөл цагийн нээлтэд зориулж “Монголын балетын хөгжил” сан дэлхийн алдарт “Цөмөөхэй” балетыг Монгол Улсын гавьяат жүжигчин Д.Алтанхуягийн найруулгаар энэ сарын 24-28-ны өдрүүдэд тоглох бэлтгэл ажлаа хангаж байна.

Энэ хүрээнд зохион байгуулагчид олон ажлыг хэрэгжүүлж байгаа бөгөөд “Цөмөөхэй” балетын тайлбар, үлгэрийн номыг монгол хэл дээр хэвлүүлэхэд бэлэн болжээ.

Ингэснээр хүүхдүүд “Цөмөөхэй”-н турхай үлгэр, бүжгэн жүжгийн талаархи ойлголттой болох боломжтой юм. Цаашид жил бүр уламжлал болон тоглогдох энэхүү балетын зохиолоор хүүхэлдэйн кино бүтээх төсөл хэрэгжих төлөвлөгөөтэй байгаа аж.

Энэхүү балет нь Германы нэгэн жижигхэн хотхонд илбэчин Дросселмейр хүүхдүүдэд илбэ үзүүлэн гайхашруулж байгаагаар эхлэх бөгөөд дэлхийн олон хүүхдүүдийг балетын урлагт хөтөлсөн бүжгэн жүжиг болжээ. “Цөмөөхэй” нь 1892 онд анх удаа тайзнаа амилж байсан ба өнөөдрийг хүртэл 120 жилийн түүхэн хугацаанд тив алгасан тархсаар шинэ оны баяраар үзэх ёстой уламжлал болтлоо хүрч чадсан сонгодог балет болжээ.

Нийслэлийн Засаг даргын дэмжлэгтэйгээр “Найрсаг Улаанбаатар” хөтөлбөрийн 2014-2015 оны өвөл цагийн нээлтэд зориулж “Монголын балетын хөгжил” сан дэлхийн алдарт “Цөмөөхэй” балетыг Монгол Улсын гавьяат жүжигчин Д.Алтанхуягийн найруулгаар энэ сарын 24-28-ны өдрүүдэд тоглох бэлтгэл ажлаа хангаж байна. Энэ хүрээнд зохион байгуулагчид олон ажлыг хэрэгжүүлж байгаа бөгөөд “Цөмөөхэй” балетын тайлбар, үлгэрийн номыг монгол хэл дээр хэвлүүлэхэд бэлэн болжээ. Ингэснээр хүүхдүүд “Цөмөөхэй”-н тухай үлгэр, бүжгэн жүжгийн талаарх ойлголттой болох боломжтой юм. Цаашид жил бүр уламжлал болон тоглогдох энэхүү балетын зохиолоор хүүхэлдэйн кино бүтээх төсөл хэрэгжих төлөвлөгөөтэй байгаа аж.

Энэхүү балет нь Германы нэгэн жижигхэн хотхонд илбэчин Дросселмейр хүүхдүүдэд илбэ үзүүлэн гайхашруулж байгаагаар эхлэх бөгөөд дэлхийн олон хүүхдүүдийг балетын урлагт хөтөлсөн бүжгэн жүжиг болжээ. “Цөмөөхэй” нь 1892 онд анх удаа тайзнаа амилж байсан ба өнөөдрийг хүртэл 120 жилийн түүхэн хугацаанд тив алгасан тархсаар шинэ оны баяраар үзэх ёстой уламжлал болтлоо хүрч чадсан сонгодог балет болжээ.

Нийслэлийн Засаг даргын санаачилга, НЗДТГ-ын дэмжлэгтэйгээр алдарт “Цөмөөхэй” бүжгэн жүжиг арванхоёрдугаар сард Улаанбаатар хотод тоглогдох гэж байна. Энэхүү бүжгэн жүжгийг “Бостон балет” компанийн гоцлооч, гавьяат жүжигчин Д.Алтанхуяг шинэчлэн эх орныхоо тайзнаа амилуулахаар болжээ. Арванхоёрдугаар сарын 24-28-ны хооронд тоглогдох “Цөмөөхэй” бүжгэн жүжгийн тоглолтын хуваарийг танилцуулж байна.

Найрсаг улаанбаатарын 2014 оны хамгийн гоёмсог гацуур модтой шинэ жилийг гэр бүлээрээ “Цөмөөхэй”-тэй хамт угтацгаая.

Дроссейлмер шидтэний ид шид , амттанаар дүүрэн хотхоноор дайран зочлохдоо , Та:
• Клара охин , Цөмөөхэй ханхүүгийн дүрд хувилан хамт зураг авахуулах
• Nоmad’s сүлжээ ресторан , “California” рестораны амттанаар бялхсан буланд Амтатны дагинатай уулзах
• Урлагаар саатан нүүр болон гаран дээрээ хөгжилтэй зураг зуруулах
• Худалдааны гудамжаар орж , шинэ жилийн гоёл чимэглэл , дурсгалын зүйлс авах боломжтой.

Гайхамшигаар дүүрэн “Цөмөөхэй” балетыг гэр бүлээрээ тухлан үзэж , шинэ жилийн нэгэн сайхан сонгодог үдшийг бидэнтэй хамт өнгөрүүлэхийг урьж байна.

Тоглолт:
2014 оны 12-р сарын:
24-нд 19:30
25-нд 19:30
26-нд 19:30
27-нд 13:00 , 19:30
28-нд 13:00 , 19:30 цагуудад

Утас : 99047043 , 99187820
E-mail: Mongolianballetfund@gmail.com

Энэ удаа Японы алдарт зохиолч Харуки Муракамиг дэлхийд алдаршуулсан зохиол болох “Норвегийн ой” номыг хүргэж байна. Харуки Мураками гурван жил Нобелын шагналд нэр дэвшсэн ч хараахан уг шагналыг авч чадаагүй байна.

Тобу Ватанабэ Хамбург хотын онгоцны буудалд буугаад цээж тэнэгэр алхаж явах бөгөөд Битлзийн “Норвегийн ой” дууг сонсонгоо 20 жилийн өмнөх буюу 18 насандаа эргэн очно. 18 настай Ватанабэ Токиод суралцахаар ирж, оюутны дотуур байранд амьдарч эхэлдэг. Тэрбээр Токиод ирэхээсээ өмнө нэгэн найз охинтой байсан бөгөөд түүнтэйгээ нэг удаа энгэр зөрүүлчихээд шинэ амьдралд хөл тавьж байгаа тул найз охиноосоо салаад Токиод ирдэг. Ватанабэ оюутны байранд Нагасава гэж гэж найзтай болсноор үйл явдал үргэлжилнэ. Хорвоо уулзах ёстой хүмүүсийг ямар нэгэн сэжмээр учруулдаг шиг тэр хоёрт ном уншихаас эхлээд хийх дуртай зүйлс олонтаа. Бүгд энэхүү царайлаг, толгойтой, баян айлын хүүхэд, биеэ тоосон залуутай хүн бүр найзлахыг хүсдэг ч зожиг Ватанабэг сонгосонд нь атаархах хүн олон байна.

Нэг удаа Наоко хэмээх бүсгүйн 20 насны төрсөн өдрөөр Ватанабэ охидын дотуур байранд нь зочилсноор тэдний харилцаа эхэлнэ. Ватанабэ Наоко хоёр бие биедээ гал халуун хайр сэтгэлээ өгцгөөсөн ч Наоко хэдэн өдрийн дараа усанд хаясан чулуу мэт ор сураггүй болов. Ватанабэ хаашаа явсныг нь мэдэхгүй тул гэрийнх нь хаягаар захиа бичнэ. Наокогоос хариу захидал ирж ой дундах сэтгэл мэдрэлийн өвчтөнүүдийн сувилуулдаг бөглүү нэгэн сувилалд байгаа гэдгээ хэлнэ. Ватанабэ нэг л өдөр Наокогийн хэвтэж буй сувилал руу явахаар зориг шулуудан аян замд гарлаа. Наоко өөрөөсөө нэлээд эгчмэд Рейкотой цуг нэг өрөөнд амьдарч байв. Наоко өмнө нь зулайг нь гишгэж төрсөн нэг эгчтэй байжээ. Эгч нь царайлаг, сурлага сайтай тул сургуулийнх нь хөвгүүд хөлөө хугалах шахам гүйдэг байж. Нэг өдөр ээж нь “хоолоо ид” хэмээн дуудсан ч эгч нь ирэхгүй байсан тул Наоког хоёр давхар дахь эгчийнх нь өрөө рүү явууллаа. Эгчийнхээ өрөөнд орж хаалгыг түлхтэл эгч нь цонхоор юм хараад зогсож байх ажээ. Сайн анзаарч харвал эгч нь өмнөхөөсөө нэг л өндөр болчихсон мэт харагдах агаад “Ээж хоолоо ид” гэж байна хэмээн амандаа үглэн яваад очтол эгчийнх нь хүзүүнд олс углаатай байлаа. Наозогийн эгч аль хэдийнэ хорвоогийн мөнх бусыг үзүүлжээ. Наокогийн хар багаасаа үерхсэн найз залуу Кизүки мөн ийм байдалтай хорвоогоос явсан тул сэтгэлийн хямралд орж Наоко хий юм хардаг болжээ.

Харин Наокотой цуг байдаг Рейкогийн хувьд мундаг төгөлдөр хуурч байсан тухай Наоко хуучилна. Тэрбээр төгөлдөр хуурын нэгэн тэмцээнд орохын өмнө яагаад ч юм чигчий хуруу нь хөдлөхөө байчихсан байна. Яаж ч эмчлээд нэмэргүй тулхөгжмөө түр хугацаанд ангид байх шаардлагатай болсон тухай эмч хэлнэ. Хөгжимгүйгээр амьдралаа төсөөлөхөд бэрх болсон хүнд энэ нь амиа хорлосноос өөрцгүй хэрэг байлаа. Хэсэг хугацаагаар завсарлаж байхдаа 13 настай нэгэн хөөрхөн охинд гэрээрээ төгөлдөр хуурын хичээл зааж эхэлснээр олон хүний хүлээн зөвшөөрөхгүй харьцаанд орж лесби болдог тул олны дарамт шахалтаас болж Рейко энэ сувилалд иржээ. Тэр гитар дээр олон сайхан дуу дуулсны нэг нь “Норвегийн ой” байв. Яагаад ч юм энэ дуу Ватанабэд онцгой сэтгэгдэл үлдээлээ. Ватанабэ тэдэн рүү үргэлж захиа бичиж, байр хөлсөлж тусдаа гарах гэж байгаа Наоког хоёулаа цуг амьдаръя, би чамайг эдгэрнэ гэдэгт итгэж байна гэхчлэн захидлаа үргэлжлүүлнэ. Гэвч Наокогийн бие улам муудаж, захиа ч уншиж чадахаа больсон бөгөөд Рейко өмнөөс нь захидал бичнэ. Наокогийн бие муудан ээж нь ирж эмнэлэг рүү авч явсан тухай Рейко захиа бичлээ. Нэг л өдөр Наокогийн бие илааршин сувилалдаа эргэн ирсэн баяртай мэдээ дуулдан, удаагүй байтал Наоко нас бардаг. Тэр үнэхээр Наокод хайртай байжээ. Түүний үнсэлт, тэврэлтийг дөнгөж саяынх мэт санаж байв. Гэвч тэр эргэж ирэхээс нэгэнт өнгөрсөн гэдгийг санаад уй гашууд автана.

Гадуур тэнэж явсаар Ватанабэ Токиод ирж хичээлийнхээ хажуугаар хар бор ажил амьдралаа залгуулж байв. Гэтэл нэг л өдөр Наокотой хамт сувиллын нэг өрөөнд хамт амьдарч байсан Рейко гэнэтхэн ирнэ. Тэд Наокод юу тохиолдсон талаар удтал ярьцгаав. Наоко эмнэлгээс сувилалдаа ирэхдээ Ватанабэгийн захиануудыг шатааж, амьдралаа шинээр эхэлж байна гэж Рейкод хэлснээр үйл явдал үргэлжилнэ.

Э.БОЛД

Жүжигчин Р.Анхням өнгөрсөн онд Хятадын уран бүтээлчидтэй хамтран “Чонон сүлд” кинонд тоглосон. Тэгвэл түүний тоглосон “Чонон сүлд” кино ирэх жилийн хоёрдугаар сард дэлгэцнээ гарахаар болжээ. Харин өнөөдөр энэхүү кино албан ёсны трэйлер цацагдсан байна. Ингээд та бүхэндээ Чонон сүлд киноны трэйлерийг хүргэе.

“Монгол уран бичлэг” номын нээлт өнөөдөр Монголын үндэсний музейд болно. “Монгол уран бичлэг” буюу “Mongolian Calligraphy” ном нь “Монгол бичиг үгсийн түүхэн дэх уран бичээс”, “Монголын орчин үеийн уран бичлэг” гэсэн хоёр бөлгөөс бүрдсэн байна. Мөн эртний түүх соёлын дурсгалууд болон бичиг номын дотроос монгол уран бичлэг буюу каллиграфийн үүсэл гарлыг эрэн тодруулах оролдлого хийжээ.

Монгол уран бичлэгийн үүсэл хөгжил, ололтыг тольдон үзэж болох “Монгол уран бичлэг” хэмээх энэ номыг Соёл, спорт аялал жуулчлалын яамны Соёл урлаг хөгжүүлэх сангийн тэтгэлэгээр Соёл яруу найргийн академиас эрхлэн, яруу найрагч Г.Мэнд-Ооёо өмнөтгөл үг бичиж, монгол англи тайлбартайгаар хэвлүүлжээ.

25 жилийн тэртээ Монголын ард түмнийг ардчилсан нийгэм рүү уриалан дуудсан С.Цогтсайхан агсны “амьдруулсан” “Хонхны дуу” бүтээлд Монгол Улсын Ерөнхийлөгч Ц.Элбэгдорж өнөөдөр Төрийн соёрхол хүртээлээ.

Түүх сөхвөл 1989 оны арванхоёрдугаар сарын 10-ны өдөр Хүүхэд залуучуудын соёлын төв өргөөний гадаа Монголын Ардчилсан холбоо байгуулагдсаныг зарлаж, тэр үеийн Улс төрийн товчоо, тэр үеийн Ардын их хурлын тэргүүлэгчдэд хандаж 14 зүйл бүхий шаардлага тавьж, анхны цуглааныг хийх үед “Хонх” хамтлагийн дуучин С.Цогтсайхан агсан, мөн дуучин Н.Энхбаяр нар “Хонхны дуу”-гаа дуулж, Монголд Ардчилсан хөдөлгөөн өрнөснийг зарласан байна.

Уг бүтээлд Төрийн соёрхол хүртээж байгаагийн ач холбогдлыг Монгол Улсын Ерөнхийлөгч “ХХ зууны үед хүйтэн дайн гэж байх үед нийгмийг өөрчлөхийг хүссэн маш олон дуу зохиогдож байсан. Гэхдээ “Хонхны дуу” шиг өөрчлөлт рүү уриалсан, татсан, ардчиллыг бүрэн утгаар нь гаргаж чадсан, сүлд дуу болтлоо хоногшсон бүтээл байхгүй. Өнөөдөр ч хүмүүс “Хонхны дуу”-г дуулмаар санагдах юм гэж ярьдаг. “Хонхны дуу “ирээдүйд ч ач холбогдлоо алдахгүй, хэдэн үеийг нийгмийг шинэ зүйлд дуудсан мөнхийн бүтээл байна. Энэ агуулгаар “Хонхны дуу”-нд Төрийн соёрхол хүртээж байна. Төрийн соёрхолыг бүтээлд олгодог юм шүү” гэлээ.

Төрийн соёрхолыг С.Цогтсайхан агсны гэргий Н.Наташа, хүү Ц.Түшиг, нарт гардууллаа. Дээрх арга хэмжээнд С.Цогтсайхан агсны ах С.Майнбаяр, мөн “Хонхны дуу”-г хамтран дуулсан дуучин Н.Энхбаяр нар оролцлоо. Энэ үеэр Н.Наташа, “Хонх” хамтлагийн дуучин Н.Энхбаяр нараас сэтгэгдлийг нь сонссоноо хүргэе.

“Хонх” хамтлагийн дуучин С.Цогтсайхан агсны гэргий Н.Наташа:- Ардчилсан хувьсгалын 25 жилийн ойн энэ өдрүүдэд Цогоогийн маань гэрэлт хөшөө босч, түүний зохиож дуулсан дуунд Төрийн соёрхол хүртээж байгаа нь түүхэнд мартагдашгүй үйл явдал болж байна.

“Хонхны дуу”-нд нь Төрийн шагнал хүртээж байгаа нь өөрөө их онцлогтой гэж Ерөнхийлөгч маань хэллээ. Энэ сайхан билиг дэмбэрэлтэй өдрийг тохиолдуулаад сэтгэлийнхээ үгийг хэлье. Талийгаач нөхрийг маань Ерөнхийлөгч Ц.Элбэгдорж анх энэ хувьсгалд оролцсон үеэс ойлгож, мэдэрч тусалж явсныг би их сайн мэднэ. Талийгаач маань өнгөрөөд 10 жил өнгөрсөн ч ард үлдсэн хоёр хүүхэд, гэр бүлд Цогоо маань байгаа юм шиг тусалж ирлээ. Аавынх нь оронд аав болж, хоёр хүүхдийн маань боловсролд анхаарал тавьж, анхны амьдралынхаа алхмыг гишгэхэд Ерөнхийлөгч Ц.Элбэгдорж болон Ерөнхийлөгчийн Тамгын газар тусалж, үр хүүхдийг маань тохьтой нөхцөлд амьдраасай гэж бодож Ерөхийлөгчид өгсөн хоёр өрөө байрыг бэлэглэсэнд бид билигшээж явдаг.

Хамт тэмцэж явсан журмын нөхөр нь энэ хорвоод байхгүй ч гэсэн хүнлэг сайхан сэтгэлээр ар гэрийнхэнд нь хандаж, бүтээлийг нь мөнхлөхийн төлөө сэтгэл гаргаж байгаад гэр бүлийнхнийхээ өмнөөс чин сэтгэлээсээ баярласнаа илэрхийлж, гэр бүлийнхэнд урт наслахыг хүсэн ерөөе.

“Хонх” хамтлагийн дуучин Н.Энхбаяр:-Би энэ дууг хэзээ нэгэн цагт Төрийн соёрхол авах байх гэж бодож байсан. Үүнийгээ би хаана ч хэлдэг. Энэ дуу бол үнэхээр ардчиллын сүлд дуу гэдэгтэй маргах хүн байхгүй. Энэ дууг бүтээлцэхэд “Соёл-Эрдэнэ” хамтлагийн бөмбөрчин Цолмон, даралтат хөгжимчин Батболд, даралтат гитарчин агсан Дамдинсүрэн нар өөрийн чадах бүхнээ зориулж байлаа. “Соёл-Эрдэнэ” хамтлагийн дуучин агсан Баяраа, хөгжимчин агсан Галсанбат нар биднийг бичлэг хийж байх үеэр дэм өгч байлаа. Нөхөддөө би их баярлаж байна. Баярлаж, талархаж явдгаа дахин дахин илэрхийлье гэсэн юм.

Зохион байгуулалттай гэмт хэрэгтэй тэмцэх албаныхан Говьсүмбэр аймагт нэгэн гүйцэтгэх ажиллагаа явуулсан байна.

Тодруулбал, Говьсүмбэр аймгийн Чойр хотод “Жигүүр гранд” группийн Ерөнхий захирал Д.Баттөрийн төрсөн дүү Хааны элч хэмээх Д.Дашдаваа “Гранд” нэртэй ресторанаа нээсэн байна. Ингээд нээлтийн үйл ажиллагаандаа хамтлаг, дуучдыг урьж оруулсан аж. Харин энэ үед ЗБГХТА-ныхан гүйцэтгэх ажиллагаа явуулахад “Айс Топ” хамтлагийн зарим гишүүд, “Дижитал” хамтлагийн ахлагч Баавар хочит Ш.Батбаяр болон тус хамтлагийн нэр бүхий зарим гишүүд, Д.Дашдаваа нарын 6 хүнийг хар тамхины төрлийн зүйл хэрэглэж байхад нь барьж, саатуулжээ. Тэдний нэгийг гадуур шалгаж байгаа бол бусдыг нь ШШГЕГ-ын харьяа Цагдан хорих 461 дүгээр ангид саатуулан шалгаж эхэлсэн гэх мэдээлэл байна.

Дашрамд дурьдахад, “Дижитал” хамтлагийн дуучин Ш.Батбаяр өнгөрсөн 2013 онд хар тамхины хэрэгт холбогдон, Цагдан хорих 461 дүгээр ангид саатуулагдан шалгагдаж байхдаа түлэгдэж байв. Тухайн үед хамгаалалтад гарч байсан хорихын ажилтнууд Бааварыг “Эмнэлгийн зориулалттай хорих өрөөний нийлэг дулаалгыг хуулан авч толгойгоо бүтээгээд өөрийгөө шатаахыг оролдсон гэж мэдээлсэн ч тэр өөрөө “Надад өөрийгөө шатаах шалтгаан байхгүй, миний өрөөнд хэн нэг нь санаатайгаар гал тавьсан” хэмээн мэдүүлж байгаад батлан даалтад гарсан юм. Ингээд Ш.Батбаярт холбогдох хэрэгт анхан шатны шүүхээс 3.5 жилийн хорих ял оноосон бол Давж заалдах шатны шүүх хэргийг хэлэлцээд гэмт хэргийн бүрэлдэхүүнгүй хэмээгээд хэрэгсэхгүй болгосон байдаг.

Үүнээс өмнө буюу 2006-2007 онд тэрээр мөн л хар тамхины хэргээр шалгагдаж байсан ч тухайн үед хамсаатнуудаа илчилснээр өөрөө ялаас мултарч, түүнтэй хамт шалгагдаж байсан 13 залуу 6 сараас 11 жилийн хорих ял авч байсан. Хар тамхи хил дамнуулан худалдаалсан, тээвэрлэсэн хэргээр ял сонссон тэдний дунд УИХ-ын гишүүн Ш.Сайхансамбуугийн хүү С.Наранбат, “Айс топ” хамтлагийн дуучин Манлай, Коби болон дижи Өөжий зэрэг Монголын рок попын шинэ залуу “од”-ууд байлаа. Харин хэсэг хугацааны дараа Өршөөлийн хууль батлагдсанаар тэд эрх чөлөөтэй болсон юм.

25 жилийн өмнө энэ өдөр “Хонх” хамтлаг одоогийн Улаанбаатар чуулгын гадна талбайд Ардчиллын сүлд дуу болох “Хонхны дуу”-гаа цуурайтуулж байжээ.

Тиймээс энэ өдрийг тохиолдуулан Хонх хамтлагын дуунуудыг шинэ залуу үеийн амьд хөгжмийн хамтлаг дуучид яг одоо 11.00 цагт Улаанбаатар чуулгын гадна талбайд олон нийтэд нээлттэй тоглолт хийж байна.

Тоглолтын үеэр энэ дуунд Төрийн шагнал хүртээж буйг зарлах аж.

ҮДБЭЧуулга 2014 оны 12 сарын 27, 28, 29-нд Ардын уран зохиолч, СГЗ Пунцагын Бадарч, Төрийн соёрхолт СГЗ Дамбын Төрбат нарын цомнолоор “ОРОЙН ДЭЭД” үндэсний түүхэн дуулалт жүжгийг үзэгч түмэндээ хүргэхээр ажиллаж байна.

Энэхүү бүтээлд 70 гаруй жилийн турш социалист агуулга үзэл сурталын дүнд гуйвуулагдан бүдгэрсэн 1911 оны 12 сарын 29-нд болсон эрх чөлөө, тусгаар тогтнолын төлөөх үндэсний хувьсгалын үнэн түүхийг өгүүлэх юм.

Хоёр зууны туршид харийн түрэмгийлэгчдийн эрхэнд зовж шаналж туйлдаа хүрсэн монголын ард түмэн хийгээд Чин Ван Ханддорж, Да лам Цэрэнчимэд, Түшээ гүн Чагдаржав зэрэг эрх чөлөөг эрхэмлэгч, дэвшилтэт үзэлт ноёд тайж болон YIII-р Богд Жавзандамба нар нь “ОРОЙН ДЭЭД” үндэсний түүхэн дуулалт жүжгийн түүхэн гол дүрүүд болон тодорно.

Энэ өдрүүдэд хязгааргүй их хүсэн хүлээж байсан тусгаар тогтнол, эрх чөлөөгөө олсоноор монголчуудын магнай тэнийж, сэтгэлд нь нар гийсэн бөгөөд нэг хүн мэт нэгдэн нягтарч, бүх хүн баяр баясгалангаар бялхаж байхыг урьд өмнө нь хэзээ ч харж байсангүй хэмээн тухайн үеийн гадны судлаачид, аялагчид түүхийн шаргал хуудсанаа тэмдэглэн үлдээжээ.

ҮДБЭЧуулгын шинэ уран бүтээл “Оройн дээд” нь 3 бүлэг 6 үзэгдэл бөгөөд урьд тавигдаж байсан дуулалт жүжгүүдтэй харьцуулахад харьцангуй дуурьлаг шинж чанарыг агуулсан дуучдын ур чадварыг хөгжүүлж шинэ түвшинд хүргэх уран бүтээл юм.

Энэ бүтээлд ҮДБЭЧ-ын АЖ, Хөдөлмөрийн баатар, Зууны манлай уртын дууч Н.Норонбанзадын нэрэмжит дуу анги, Үндэсний хөгжмийн их найрал, Зууны манлай бүжиг дэглээч, төрийн шагналт, Ардын жүжигчин Ц.Сэвжидийн нэрэмжит бүжиг анги зэрэг 200 гаруй уран бүтээлч ажилтан албан хаагчид, Сити дээд сургуулийн ардын дууны ангийн оюутнууд оролцож байгаа бөгөөд найруулагч зураачаар тус чуулгын ерөнхий найруулагч Д.Ганболд, Хөгжмийн зохиолчоор залуу хөгжмийн зохиолч М.Бирваа, удирдаачаар УСУдирдагч, Ерөнхий удирдаач Н.Буянбаатар, хормейстр Ц.Буян-Орших, бүжиг дэглээч Х.Хашхүү, О.Цэцгээ нар ажиллаж байна гэж Үндэсний дуу бүжгийн эрдмийн чуулгаас мэдээллээ.