Category: соёл-урлаг

Та өнөөдөр Дуурийн театрыг зориорой. Өнөөдөр тус театрт 17:00 цагаас Ж.Вердийн “Травиата” дуурийг тоглоно.

ТРАВИАТА

Гурван бүлэг, дөрвөн үзэгдэлт дуурь

• Хөгжим: Ж.Верди
• Цомнол: А.Дюмагийн Камелийн цэцэгт хатагтай зохиолоор Ф.Пиявэ бичжээ.
• Удирдаач: Н.Туулайхүү УГЗ
• Найруулагч: Ё.Цэрэндолгор УГЗ
• Зураач: Ч.Гунгаасүх АЗ
• Туслах найруулагч Е.Сарантуяа СТА
• Манай тайзнаа 1977-4-09-нд анх тавигдсан.
• Анх 1853 оны 3-р сарын 6-нд Венец хотын театрт тогложээ.

ДҮРҮҮД:

• Виолетта (сопрано) – Н. Туяа СТА
• Флора/түүний найз/ (меццо-сопрано) – Р. Доржхорлоо СТА
• Альфред Жермон (тенор) – Г.Шижирболд
• Жорж Жермон/Альфредын эцэг/ (баритон) – Э.Анхбаяр СТА
• Анина/Виолеттагийн зарц/ (сопрано) – Ш.Наранчимэг СТА
• Гастон/Виолеттагийн танил/ (тенор) – М.Даваадорж
• Барон (баритон) – Ч.Энхтайван СТА
• Маркиз Обиньи – Б.Алтанхуяг
• Гренвиль/эмч/ (бас) – С.Бат-Эрдэнэ
• Жозеф – А.Анар-Эрдэнэ

Цыган, испани бүжгүүд балетын жүжигчид, найрал дуучид дуулж, симфони найрал хөгжим хөгжимдөнө. Дуурийн үйл явдал XIX зууны үед Парис хотод болно.

НЭГДҮГЭЭР БҮЛЭГ

Парис хотынхны дунд хөнгөмсөг амьдрал, үзэсгэлэн гоо зүс царай, төрөлх ухаанаараа нэрд гарсан Виолетта Валери, ужиг өвчнөөс ангижирч эрүүл энх болсныхоо баярыг тэмдэглэхээр зочдыг урьжээ.Зочдын дунд Виолеттагийн хамгийн дотнын нөхөд болох Дуфол гүн, эмч Гренвиль, найз бүсгүй Флора нар байна.

Виолеттагийн сайн танил Гастон найз нөхөр Альфред Жермоны хамт орж ирэхэд гэрийн эзэгтэй баясгалантайгаар угтан очив. Гастон өөрийн найз Альфред түүнд ухаангүй дур сэтгэлтэй болсныг шивнэж амжина. Хажуугийн тасалгаанд хөгжим хангинаж эхлэхэд Виолетта зочдоос бүжигт уриад өөрийн нь бие таагүй байсан учир үлдэнэ. Альфред бүсгүйд ойртон оргилж хөөрсөн сэтгэлээр өөрийн хайр сэтгэлийг илчлэв.

Виолетта анхандаа тоглоом өнгөрөөх гэсэн боловч залуугийн үнэн сэтгэлээс илчлэх гал халуун дурлалын илчинд автагдсаар… Виолетта Альфредын дурлал ариун бөгөөд эргэшгүй гэдгийг ухамсарлахдаа хэзээ ч тохиолдоогүйгээр хайрлан дурлах гүн сэтгэлд уусан хайлж байгаагаа мэдэрнэ…

ОХУ-ын дизайнер Ася Козина Монгол дээлийг цаасаар урлаж, үндэсний соёлыг сурталчилж байна. Түүний Монгол дээлнүүдийг дэлхийн томоохон хэвлэлүүд онцолжээ. Ася ОХУ-ын Сургут хотын урлагийн музейд “Кукляндия” нэртэй үзэсгэлэн гаргаж, монгол хатдын хувцсаар олны анхаарлыг татсан ажээ. Тэрээр “Монгол үндэсний хувцас үнэхээр чамин. Тэдний гоёлын нарийн хийц, дүрс, хэлбэрээс уран бүтээлдээ ашигласан” хэмээн ярьжээ.

Улсын Филармони 2015 оны нэгдүгээр улиралд Монголын хөгжмийн зохиолчдын шилдэг бүтээлийн дээжээс толилуулах “Монгол уран бүтээл” төслийн үйл ажиллагааг эхлүүлж байгаа билээ. Энэ хүрээнд Морин хуурын чуулгын уран бүтээлчид энэ сарын 15-нд буюу өнөөдөр 19.00 цагт “Уран сэтгэмж” дан хөгжмийн бүтээлээс бүрдсэн тоглолтоо Улсын филармонийн концертийн танхимд толилуулах нь ээ.

Тоглолтын хөтөлбөрт Төрийн шагналт, Урлагийн гавьяат зүтгэлтэн, хөгжмийн зохиолч Б.Шаравын “Манан”, “Цагаан малгайт”, Ардын жүжигчин, Төрийн хошой шагналт, хөгжмийн зохиолч Н.Жанцанноровын “Эр хоёр загалын хүчин”, “Симфонетта”, “Бяцхан дууль”, Төрийн шагналт хөгжмийн зохиолч З.Хангалын “Адажио”, Төрийн шагналт хөгжмийн зохиолч Ц.Нацагдоржийн “Уран сэтгэмж”, “Тэмээчдийн уралдаан” зэрэг Морин хуурын чуулгад зориулан бүтээсэн дан хөгжмийн бүтээлүүд эгшиглэх юм.

“Уран сэтгэмж” дан хөгжмийн бүтээлийн концертыг Ардын жүжигчин, Төрийн хошой шагналт Н.Жанцанноров тайлбарлан үзэгчдийн хүртээл болгох ба удирдаач Д.Түвшинсайхан, Морин хуурын чуулгын уран бүтээлчид оролцох юм.

Улсын драмын эрдмийн театрын авьяаслаг дөрвөн залуу болох найруулагч Н.Наранбаатар, жүжигчин Г.Эрдэнэбилэг, С.Болд-Эрдэнэ, Г.Амгаланбаатар нар өөрсдийн амьдралаар кино хийх ажээ. Тодруулбал, тэдний байгуулсан “Драмын 4” хамтлаг энэ жил 10 нас хүрэх юм байна. Үүнтэй холбогдуулан, тэд дөрвөн найзын нөхөрлөл, хайр дурлал, амжилт, амьдралын ээдрээт бэрхшээл бүхнийг хэрхэн даван туулсан тухай сонирхолтой уран сайхны кино бүтээх гэнэ.

Мөн “Хайрын дурсамж-2” цомог гарган “VIP” театрчилсан тоглолт хийн хамтлагийнхаа төрсөн өдрийг нижгэр тэмдэглэхээр төлөвлөсөн байна. Театрчилсан “Вип” тоглолт нь чамгүй өндөр үнэтэй бөгөөд зөвхөн элитүүдэд зориулан тоглох аж.

Бүх нийтийн боловсролыг дэмжих “Хөгжим” хөтөлбөрийн хүрээнд 2015 оны нэгдүгээр улиралд “Монгол уран бүтээл” хөгжмийн уран бүтээлийн төслийг санаачлан хэрэгжүүлж байгаа билээ. Төслийн эхний тоглолт болох Морин хуур чуулгын “Уран сэтгэмж” дан хөгжмийн бүтээлийн тоглолт өнөөдөр 19 цагт болно.Тоглолтод нэрт хөгжмийн зохиолчид болох Ц.Нацагдорж Б.Шарав З.Хангал Н.Жанцанноров нарын бүтээлүүд эгшиглэх юм байна.

Тоглолт тайлбарт концерт гэсэн төрлөөр тавигдах тул урилгаар урлаг судлаач Д.Энхцэцэг хөтлөгч тайлбарлагчаар ажиллах ажээ.

Улаанбатар чуулгын уран бүтээлчид шинэ оны анхны уран бүтээлийн гараагаа этно балетаар эхлүүлэхээр болжээ. И.Ф.Стравинскийн “Ариун хаврын тахилга” этно балетыг ирэх гуравдугаар сарын 6-нд 19.00 цагт үзэгчдэд хүргэхээр болжээ.

Уг бүтээлийн хөгжмийн зохиолчоор Х.Алтангэрэл ажиллаж байгаа бөгөөд тэрээр үндэсний хөгжимд хөрвүүлжээ. Энэхүү хөгжмийг “Улаанбаатар” чуулгын “Хангарьд” үндэсний хөгжмийн найрал хгөжимчид тоглож байга аж. Харин бүжгийг “Улаанбаатар” чуулгын бүжгийн багш Д.Энхгэрэл дэглэжээ. Мөн “Ариун хаврын тахилга” этно балетыг тавихад тус чуулгын уран бүтээлчид бүрэн бүрэлдэхүүнээрээ оролцож байгаа аж.

МУГЖ С.Жавхлангийн эхнэр Г.Эрдэнэчимэг “Монголоороо” нэртэй шинэ төв нээж ажиллуулахаар болсон тухайгаа мэдэгджээ. Уг нь төв нь үйл ажиллагаагаа явуулахад бэлэн болсон бөгөөд тун удахгүй нээлтээ хийх юм байна.
Уг төвд
• Бий биелгээ
• Уртын дуу
• Монгол бичиг
• Баясуулан ариусахуйн(бясалгал) хичээлүүдийг зааж сургах юм байна.

Мэдээллийн технологи өндөр хөгжсөн өнөө үед Монголын нийт иргэд, олон нийт боломжит бүх сувгаар урлаг соёлын мэдээллийг нээлттэй хүлээн авах болсон боловч телевиз, радио, кабелийн суваг, цахим орчинд залуучуудын хүлээн авч байгаа уран сайхны хөтөлбөрийн дийлэнх хувь нь гадаадын уран бүтээлүүд болон бүх урсгал чиглэлийн дууны уран бүтээлүүд давамгайлж байх бөгөөд үндэсний уламжлалт ёс заншлыг хадгалсан, мэргэжлийн түвшинд бүтээн туурвисан монгол уран бүтээлүүдийн эзлэх хувь хэмжээ бага байгаа нь хүүхэд, залуучуудын төлөвшил, хүмүүжил, монгол соёлын үндэсний өвөрмөц төрх, ялгарах байдлыг дархлаажуулахад учир дутагдалтай байгаа билээ.

Улсын филармоноос 2015 оны нэгдүгээр улирлын үзвэрийн хөтөлбөрөө “Монгол уран бүтээл” зорилтот төслийн хүрээнд зохион байгуулж буй бөгөөд тус төсөл нь Монголын хөгжмийн зохиолчдын мэргэжлийн түвшинд бүтээн туурвисан уран бүтээлүүдийг ард иргэд, өсвөр үеийнхэнд сурталчлан таниулах, байгууллагын урын санг монгол бүтээл туурвилаар баяжуулах, хөгжмийн уран бүтээлийн эрэлт, нийлүүлэлтийг бий болгох, бүтээн туурвигчид, уран бүтээлчдийг алдаршуулах, хөгжим сонирхогч, сонсогчдын цар хүрээг өргөжүүлэх, монгол хөгжмийн уран бүтээлийг радио, телевиз, киноны зах зээл, цахим орчинд нэмэгдүүлэх, эдийн засгийн эргэлтэд оруулах, хөгжмийн мэргэжилтэн бэлтгэдэг их, дээд сургуулиудын оюутан залуус, ерөнхий боловсролын сургуулийн хөгжмийн хичээл, хөгжим сонирхогч иргэдэд мэргэжлийн дэмжлэг үзүүлэх зорилготой юм.