Blue moon арт галерейн үзэсгэлэнгийн танхимд 2015.02.06-02.15-ны хооронд “РЕАЛИЗМ” уран бүтээлчдийн нэгдсэн үзэсгэлэн дэлгэгдэж гэж байна. Blue moon арт галерейгаас идэвхитэй уран бүтээлээ туурвиж буй уран бүтээлчдийг дэмжих, тэдний идэвхийг нэмэгдүүлэх, урлагаар дамжуулж хүмүүсийн гоо сайханы таашаал, мэдлэгийн нэмэгдүүлж хөгжүүлэх, үзэгчдийг бэлдэх, Монголын дүрслэх урлагийн уран бүтээлчдийг олон улсад таниулах зорилгын хүрээнд дүрслэх урлагийн төрлүүдээр төрөлжүүлэн уран бүтээлийн үзэсгэлэнгүүдийг зохион байгуулсаар байгаа билээ.
Энэ удаагийн цуврал, сэдэвт үзэсгэлэнгээ “РЕАЛИЗМ” нэртэйгээр зохион байгуулж байгаа бөгөөд үзэсгэлэнгийн үеэр Философич Др.Др.С.Молор-Эрдэнэ Blue moon арт галерейн үзэсгэлэнгийн танхимд 2015.02 сарын 11-ны өдөр 18:30-20:00 цагийн хооронд “РЕАЛИЗМ” сэдвийн дор лекц унших аж. Уг үзэсгэлэн нь дүрслэх урлагийн хөгжлийн үндэс болсон Реализмын тухай урлагт хайртай хүмүүс болоод уран бүтээлчдэд тодорхой ойлголтыг өгөх болон нэмэгдүүлэх зорилготой юм. РЕАЛИЗМ / латин. Realis- биет, бодит/ Урлаг дахь том чиглэл. Бодит зүйлсийн уран сайхны аргаар илүү адилхан, бүрэн илэрхийлэх нь гол зорилго юм. Уг үзэсгэлэнд 56 уран бүтээлчийн 80 орчим бүтээлүүд дэлгэгдлээ.
Уг үзэсгэлэн 2015 оны 02-р сарын 06-15-ны хооронд “Blue moon” арт галерейн үзэсгэлэнгийн танхимд үргэлжлэх бөгөөд дэлгэрэнгүй мэдээллийг 89806021, 88773410 дугаарын утсаар лавлана уу
Дуурь бүжгийн эрдмийн театрын уран бүтээлчид хоёрдугаар сарын 7-ны өдөр буюу өнөөдөр 17.00 цагт Дж.Пуччинигийн ТОСКА дуурийг тоглох гэж байна. Гурван бүлэг, гурван үзэгдэлт тус дуурийн цомнолыг Ж.Жакоза, Л.Иллика нар зохиож, анх 1900 оны нэгдүгээр сарын 14-нд Ром хотын “Костанци” театр тогложээ. Ж.Пуччини тухайн үед В.Сардугийн “Флория Тоска” жүжгийг үзээд сэтгэл нь маш их хөдөлж, уг дуурийг бүтээсэн гэдэг.
Дорнод аймагт Халх, буриад, барга, үзэмчин ястан эх орныхоо зүүн хязгаарт эзний ёсоор аж төрсөөр ирсэн. Буриад зон “Алтаргана”, баргачууд “Баргажин”, үзэмчин ястан “Алтан дөрөө” наадмыг 2-4 жилийн хугацаатай тус зохион байгуулдаг. Тэгвэл Барга угсаатны соёл урлагийн “Баргажин-III” наадам ирэх зургаадугаар сарын 17-21-ний өдрүүдэд ОХУ-ын Буриад улсын Баргажин, Зурукман аймгуудад болох ажээ. Үүнтэй холбогдуулан Дорнод аймгийн ИТХ-ын дарга тогтоол гаргаж, ажлын хэсэг байгуулсан байна. Ажлын хэсгийнхэн “Баргажин-III” наадмаас өмнө зохион байгуулагч талтай холбогдон мэдээлэл солилцох, угсаатны талаарх эрдэм шинжилгээний болон урлаг соёлын арга хэмжээг өндөр түвшинд цомхон бэлтгэх, наадамд оролцогчдын аяллын маршрут, цаг хугацааг тодорхойлох асуудлуудыг онцгой анхаарах, төлөвлөгөөний дагуу ажлуудаа зохион байгуулах зэрэг ажлыг хийх юм байна.
“MIXX” хэмээх нэрэн дор хүсэл мөрөөдлөөрөө нэгдсэн залуус анх удаа Дарханд хотод аялан тоглолтоо хийхээр товоо гаргажээ. Энэ удаагийн тоглолтоо “Хаалгаа нээ” нэртэйгээр хийх аж.
Үзэгчдийг байлдан дагуулж байсан дэлгэцийн бүтээлүүд болох “Гоёлын даашинз”, “Боолын гэрээ”, “Тагнуулч аав” киноны Продюсер МУГЖ Д.Хүрэлхүүгийн 4 дэх уран бүтээл болох “Хамтран амьдрагч” УСК 2-р сарын 6нд бүх театруудын дэлгэцнээ нээлтээ хийх гэж байна. Тус кино нь бодит амьдралаас сэдэвлэн бүтээгдсэн бөгөөд олон олон чадварлаг жүжигчдийг бүрдүүлж чадсан гайхалтай уран бүтээл болсоныг дуулгахад таатай байна. Учир нь нэгэн үе нэг тайзнаас хамтдаа үзэгчдийн алга ташилтыг хүртэж байсан авъяаслаг жүжигчид болох Д.Хүрэлхүү, Г.Ундармаа нар 8 жилийн дараа дэлгэцийн уран бүтээлд хамт дүр бүтээжээ.
Хип хоп сонирхогч залуус та бүхэндээ нэгэн сайхан мэдээг дуулгахад таатай байна. Та бидний сонсох дуртай хайртай хамтлаг болох “Outlaw” хамтлаг Хайрын баярт зориулсан “Санахын нэр” VIP тоглолт хийх гэж байна. Уг тоглолтыг Outlaw хамтлаг шинэ цомогийнхоо нэрээр нэрлэсэн бөгөөд залуус та бидний тэмдэглэн өнгөрөөх дуртай Гэгээн валентины баярыг тохиолдуулан нийт Монголынхоо хосууддаа зориулан 2015.02.14- нд 20:00 цагаас Vegas night club-т зүрх сэтгэл, дурсамжинд хоногшсон тэр л дуунуудаараа Live үдшийг хамтдаа гайхалтай сайхан өнгөрүүлэхээр болоод байна.
“Галзуу хурд” цувралын гол дүрийн жүжигчин Пол Уолкер 2013 оны арванхоёрдугаар сард автын ослын улмаас нас барсан нь тус киноны цуврал долоодугаар анги гарах уу, үгүй юу гэсэн асуултыг бий болгоод байсан билээ. Гэхдээ тус киноны гол зураг авалтууд хэдийнэ хийгдсэн учраас “Галзуу хурд-7″ гарна. Гэхдээ үлдсэн зарим хэсгийн зураг авалтад талийгаачийн дүү 26 настай Коди Уолкерыг ахынх нь дүрд тоглуулахаар шийдсэн хэмээн кино багийнхан мэдэгдээд байсан юм.
Улсын филармони 2015 оны эхний улирлын үзвэрийн хөтөлбөрөө “Монгол уран бүтээл” зорилтот төслийн хүрээнд зохион байгуулахаар зэхжээ. Тус төсөл нь Монголын хөгжмийн зохиолчдын мэргэжлийн төвшинд бүтээн туурвисан уран бүтээлүүдийг ард иргэд, өсвөр үеийнхэнд сурталчлан таниулах, байгууллагын урын санг Монгол бүтээл туурвилаар баяжуулах, хөгжмийн уран бүтээлийн эрэлт, нийлүүлэлтийг бий болгох, бүтээл туурвигчид уран бүтээлчдийг алдаршуулах хөгжим сонирхогч, сонсогчдын цар хүрээг өргөжүүлэх, Монгол хөгжмийн уран бүтээлчдийг дэмжих зорилготой ажээ. “Монгол уран бүтээл” төслийн хүрээнд Морин хуурын чуулгын уран бүтээлчдийн гайхамшигт ардын дуу цуврал бүтээлийн “Торгоны хээ” тоглолт ирэх сарын 05 –нд Улсын филармонийн концертийн танхимд болох гэж байна. 
ҮДБЭЧ-ын уран бүтээлчид Монголын олон зууны тэртээх түүхийн тавцанд тодорсон домог туульсын Гоо марал, Алунгоо эхээс эхлээд төрт улсын Өүлэн эх, Бөртэ-Үжин, Дөргөнө, Сорхагтани, Чимбай, Алтан ургийн хэлхээ Самар, Мандухай зэрэг 9 хатдын түүхэн амьдралыг бүжгийн жүжгийн хэлээр үзүүлж буй “МОНГОЛЫН ИХ ХАТАДЫН ТУУЛЬС” бүжгэн жүжгээ 2015оны 2 дугаар сарын 5-нд ҮДБЭЧ-ын тайзнаа тоглохоор төлөвлөөд байна. 
Монголын урлагийн томоохон байгууллага болох Улсын Драмын Эрдмийн театрийн уран бүтээлчид энэ улирлын тоглолтоороо үзэгчиддээ түүхэн болоод эмгэнэлт, уянгын зохиолуудаа тайзнаа амьдруулан үзэгчиддээ хүргэхийг зорьж байгаа билээ. Тухайлбал АЖ.Очирбатын найруулга, СТА Ёндоншаравын найруулга “Буруугүй буруутан” уянгын драмын жүжгээ энэ сарын 23-25-ны өдрүүдэд тоглосон бол 30, 31, 2 дугаар сарын нэгний өдрүүдэд “Тамгагүй төр” эмгэнэлт драмын жүжгээ тавьж байгаа билээ.