БНХАУ-ын зохиолч Зян Рун-ы зохиолоос сэдэвлэсэн “Чонон сүлд” кино нээлтээ хийгээд удаагүй байна. Тус кинонд Монголын жүжигчин Р.Анхням тоглосон билээ. Тэгвэл тус кино Оскарын наадамд нэр дэвшихээр болжээ.
Энэ талаар кино найруулагч Аннойд Хятадын хэвлэлд өгсөн ярилцлагадаа мэдэгджээ.
Монгол Улсын аварга Д.Хадбаатарын ахуй амьдралыг харуулсан коног “Хадбаатар сан”-гаас санаачлан Төв аймгийн Угтаалцайдам сумын нутгийн зөвлөлтэй хамтран хийж байна. Киноны зураг авалт өнгөрсөн оны зунаас эхэлсэн бөгөөд ирэх наадмаар дэлгэцнээ гарах юм байна. Кинонд шоронгийн амьдрал, бөхийн ертөнц хоёр “хүчит аварга” Д.Хадбаатарын цадиг, намтрын салшгүй хэсгүүдийг харуулах аж. Мөн 1970, 1980-аад оны хооронд болж буй нь хүн ба цаг үе, нийгмийн үзэл суртал, хамгийн гол нь нэр алдар, цол гуншингийн төлөөх далд тэмцлийн ээдрээ сүлбээг илэрхийлэх хамгийн тохиромжтой цаг хугацааг үзүүлэх юм байна
Архангай аймгийн хөгжимт драмын театрын хөгжимчин, ая зохиогч Ч.Төгсбаяр маргааш Бөхийн өргөөнд уран бүтээлийн бие даасан тоглолтоо хийнэ. Тэрбээр “Элькондор” хамтлагийн дуулж олноо хүргэсэн “Бүсгүй минь”, “Тавилан”, “Хамжааргагүй дурлал” зэрэг олон хит дууг зохиосон юм. Орон нутгаас нийслэлийг зорьж ирэн хийж буй энэ удаагийн тоглолтод нь “Классик жем”, “Мотив” хамтлагууд, дуучин Ө.Уянга, Г.Хишигбаяр, Р.Дэлгэрмаа, Түмэн-Өлзий, Э.Төрмандах, Д.Ариунбаатар, Г.Чинболор нарын дуучид оролцож ая дуугаа өргөх аж.
Монголын язгуур урлагийн гайхамшгийг эх орондоо төдийгүй дэлхийд сурталчан таниулах зорилготой “Монгол мохошгүй” язгуур урлагийн есөн хамтлагийн нэгдсэн тоглолт өнгөрсөн 2014 оны хоёрдугаар сард МҮЭСТО-нд болсон билээ.
Төрийн соёрхолт, Гавьяат жүжигчин Д.Сосорбарамын санаачлагаар Монгол Улсын Ерөнхийлөгчийн ивээл дор уламжлал болон тоглосон уг тоглолт нь анх 2012 онд язгуур урлагийн таван хамтлагийг нэгтгэн “Монгол” нэрийн дор тоглосон бол 2013 онд долоон хамтлагийг нэгтгэн “Монгол төгсөшгүй” нэртэйгээр олны хүртээл болсон юм.
“Blue moon” арт галерейн үзэсгэлэнгийн танхимд энэ сарын 6-15-ны хооронд “Реализм” уран бүтээлчдийн нэгдсэн үзэсгэлэн дэлгэгдэж байна.
“Blue moon” арт галерейгаас уран бүтээлээ идэвхтэй туурвиж буй уран бүтээлчдийг дэмжих, тэдний идэвхийг нэмэгдүүлэх, урлагаар дамжуулж хүмүүсийн гоо сайхны таашаал, мэдлэгийг нэмэгдүүлж хөгжүүлэх, үзэгчдийг бэлдэх, Монголын дүрслэх урлагийн уран бүтээлчдийг олон улсад таниулах зорилгын хүрээнд дүрслэх урлагийн төрлүүдээр төрөлжүүлэн уран бүтээлийн үзэсгэлэнгүүдийг зохион байгуулсаар байгаа билээ.
Уг үзэсгэлэнд 56 уран бүтээлчийн 80 орчим бүтээл дэлгэгдлээ.
Залуучуудад зориулсан цоо шинэ бүтээл болох “Төгсгөлгүй” танго балетыг өнөөдөр 17:00 цагаас Дуурь бүжгийн эрдмийн театрын тайзнаа ганцхан удаа тоглох гэж байна.
Уг бүтээлийг тавихдаа Австри улсаас танго, вальс бүжгийн багш нарыг урьж 14 хоногийн сургалт зохион байгуулсан төдийгүй саксофон, гитар, найраг баян хуур зэрэг симфони найрал хөгжимд байдаггүй зарим хөгжмийн зэмсгийг оруулсан өвөрмөц, сонирхолтой бүтээл хийхээр уран бүтээлчидзорьжээ. Бүтээлд Монголын өнөөгийн нийгэм, тэр дундаа уран бүтээлчдийн амьдрал болон хүн төрөлхтний мөнхийн сэдэв болох үнэнч хайр сэтгэлийн тухай хүүрнэх бөгөөд хайрын танго бүжгийг сонгодог балеттай хоршуулан дэглэсэн өвөрмөц тавилттай бүтээл аж.
Тайз нь өнөөгийн хотын амьдралыг харуулсан шийдэлтэй байна гэдгээрээ онцлогтой юм. Энэхүү балетын хөгжмийг залуу хөгжмийн зохиолч Х.Алтангэрэл бичиж, цэнгээнт бүжгийн улсын уралдааны тэргүүн шагналт, УДБЭТ-ын гоцлол бүжигчин Э.Эрдэнэжаргал дэглэн найруулсан байна.
Blue moon арт галерейн үзэсгэлэнгийн танхимд 2015.02.06-02.15-ны хооронд “РЕАЛИЗМ” уран бүтээлчдийн нэгдсэн үзэсгэлэн дэлгэгдэж гэж байна. Blue moon арт галерейгаас идэвхитэй уран бүтээлээ туурвиж буй уран бүтээлчдийг дэмжих, тэдний идэвхийг нэмэгдүүлэх, урлагаар дамжуулж хүмүүсийн гоо сайханы таашаал, мэдлэгийн нэмэгдүүлж хөгжүүлэх, үзэгчдийг бэлдэх, Монголын дүрслэх урлагийн уран бүтээлчдийг олон улсад таниулах зорилгын хүрээнд дүрслэх урлагийн төрлүүдээр төрөлжүүлэн уран бүтээлийн үзэсгэлэнгүүдийг зохион байгуулсаар байгаа билээ.
Энэ удаагийн цуврал, сэдэвт үзэсгэлэнгээ “РЕАЛИЗМ” нэртэйгээр зохион байгуулж байгаа бөгөөд үзэсгэлэнгийн үеэр Философич Др.Др.С.Молор-Эрдэнэ Blue moon арт галерейн үзэсгэлэнгийн танхимд 2015.02 сарын 11-ны өдөр 18:30-20:00 цагийн хооронд “РЕАЛИЗМ” сэдвийн дор лекц унших аж. Уг үзэсгэлэн нь дүрслэх урлагийн хөгжлийн үндэс болсон Реализмын тухай урлагт хайртай хүмүүс болоод уран бүтээлчдэд тодорхой ойлголтыг өгөх болон нэмэгдүүлэх зорилготой юм. РЕАЛИЗМ / латин. Realis- биет, бодит/ Урлаг дахь том чиглэл. Бодит зүйлсийн уран сайхны аргаар илүү адилхан, бүрэн илэрхийлэх нь гол зорилго юм. Уг үзэсгэлэнд 56 уран бүтээлчийн 80 орчим бүтээлүүд дэлгэгдлээ.
Уг үзэсгэлэн 2015 оны 02-р сарын 06-15-ны хооронд “Blue moon” арт галерейн үзэсгэлэнгийн танхимд үргэлжлэх бөгөөд дэлгэрэнгүй мэдээллийг 89806021, 88773410 дугаарын утсаар лавлана уу
Дуурь бүжгийн эрдмийн театрын уран бүтээлчид хоёрдугаар сарын 7-ны өдөр буюу өнөөдөр 17.00 цагт Дж.Пуччинигийн ТОСКА дуурийг тоглох гэж байна. Гурван бүлэг, гурван үзэгдэлт тус дуурийн цомнолыг Ж.Жакоза, Л.Иллика нар зохиож, анх 1900 оны нэгдүгээр сарын 14-нд Ром хотын “Костанци” театр тогложээ. Ж.Пуччини тухайн үед В.Сардугийн “Флория Тоска” жүжгийг үзээд сэтгэл нь маш их хөдөлж, уг дуурийг бүтээсэн гэдэг.
Энэхүү дуурь Ж.Пуччинийн хамгийн хүнд драмтай дууриудын нэг бөгөөд авьяаслаг, үзэсгэлэнтэй хэдий ч сэтгэлийн хөдөлгөөн, хар ихтэй, гэнэн бүсгүй Тоска, мөрөөдөмтгий, мэдрэмтгий, шулуун шударга Каварадосси, санаа муутай, харгис Скарпья нарын дүрийг хөгжмийн аялгуугаар маш тодорхой гаргаж өгсөн нь сонсогч, үзэгчдийн сэтгэлийг ихэд татдаг байна. Ирэх сард тоглогдох уг дуурийн найруулагчаар УГЗ, Л.Эрдэнбулган ажиллаж, УГЗ, Ж.Бүрэнбэх удирдаачаар ажиллах юм байна. Харин гол дүрд СТА Б.Саруул тогложээ.
Үйл явдлыг хураангуйлан хүргэвэл Ром хотын төв дэх нэгэн сүмд зураач Каварадосси өөрийн зурсан Магдалена эх дагинын хөргийг харж, хайрт бүсгүй Тоскатайгаа зүйрлүүлэн бодлогоширно. Римийн эрх чөлөөний төлөө тэмцсэний улмаас шоронд хоригдож байгаад оргож гарсан Чезаре Анжелотти энэ сүмд нуугдсан байжээ. Каварадосси Анжелоттитай уулзаж түүнд туслахад бэлэн байгаагаа хэлнэ. Гэтэл алсад их бууны дуу нүргэлж, хоригдол оргосныг зарлана. Каварадосси, Анжелотти хоёр яаравчлан гарах гэтэл хаалга тогшиж, Тоска орж ирнэ.
Тоска Каварадоссийн зурсан хөргийг харангуут сурвалжит бүсгүй Аттавантитай төстэй болохыг ажиж хардах сэтгэл төрнө. Каварадосси сэтгэлт бүсгүйгээ тайтгаруулан зөвхөн түүнд хайр сэтгэлтэйгээ батална. Тоска тайвширч,орой учрах цагаа болзоод гарч явна. Зураач Анжелоттийг дагуулан гарна. Энэ үед Скарпъя дагуулынхаа хамт сүмд дайран орж ирээд Аттавантийн овгийн сүлд бүхий дэвүүрийг олно. Мөн эх дагина Магдалена, Аттавантитай төстэй болохыг ажина. Аттаванти бол Чезаре Анжелоттийн төрсөн дүү бөгөөд түүнийг оргоход гол үүрэг гүйцэтгэжээ…
Тасалбарыг УДБЭТ-ын касс болон www.monda.mn-р худалдаалж байна.
Дорнод аймагт Халх, буриад, барга, үзэмчин ястан эх орныхоо зүүн хязгаарт эзний ёсоор аж төрсөөр ирсэн. Буриад зон “Алтаргана”, баргачууд “Баргажин”, үзэмчин ястан “Алтан дөрөө” наадмыг 2-4 жилийн хугацаатай тус зохион байгуулдаг. Тэгвэл Барга угсаатны соёл урлагийн “Баргажин-III” наадам ирэх зургаадугаар сарын 17-21-ний өдрүүдэд ОХУ-ын Буриад улсын Баргажин, Зурукман аймгуудад болох ажээ. Үүнтэй холбогдуулан Дорнод аймгийн ИТХ-ын дарга тогтоол гаргаж, ажлын хэсэг байгуулсан байна. Ажлын хэсгийнхэн “Баргажин-III” наадмаас өмнө зохион байгуулагч талтай холбогдон мэдээлэл солилцох, угсаатны талаарх эрдэм шинжилгээний болон урлаг соёлын арга хэмжээг өндөр түвшинд цомхон бэлтгэх, наадамд оролцогчдын аяллын маршрут, цаг хугацааг тодорхойлох асуудлуудыг онцгой анхаарах, төлөвлөгөөний дагуу ажлуудаа зохион байгуулах зэрэг ажлыг хийх юм байна.
“MIXX” хэмээх нэрэн дор хүсэл мөрөөдлөөрөө нэгдсэн залуус анх удаа Дарханд хотод аялан тоглолтоо хийхээр товоо гаргажээ. Энэ удаагийн тоглолтоо “Хаалгаа нээ” нэртэйгээр хийх аж.
Тоглолт Дархан хотын хүүхэд залуучуудын театрт хоёрдугаар сарын 13-ны 16:00, 19:00 цагаас болно. Ийнхүү багагүй хугацаанд чамлахааргүй амжилт үзүүлж чадсан тус хамтлагийнхан Гэгээн хайрын баярыг тохиолдуулан “Хаалгаа нээ” тоглолтоороо залуусын хотод зочлох нээ.