Category: соёл-урлаг

Дэлхийн бүжигчдийн өдөрт зориулан тоглогдож байгаа Jazz болон Modern бүжгийн уг тоглолтын Ерөнхий найруулагчаар УГЗ С.Сүхбаатар, бүжиг дэглээчээр УДБЭТ-ын ерөнхий бүжиг дэглээч МУСТА Х.Хашхүү, МУСТА С.Цэцгээ, Д.Энхбаатар нар дэглэжээ. Улсын филармоний тайзнаа болох уг тоглолтонд Үндэсний дуу бүжгийн эрдмийн чуулгын бүжигчид болох МУСТА О.Тулга, МУСТА А.Батхүү, МУСТА Э.Ганзориг, МУСТА Т.Ариужаргал, МУСТА М.Бямбаа, МУСТА Э.Номин зэрэг уран бүтээлчид оролцжээ. Бүжгийн урлагт хайртай хэн бүхэн өнөө үдэш Улсын филармоныг зориорой.

Монгол Улсын Филармони энэ оны хоёрдугаар улирлын тоглолтоо “Баянмонгол” чуулгын “MOVIE SWING” тоглолтоор эхлүүлж “Novel melody”, “Франц хөгжмийн үдэш” зэрэг тоглолтоо тавьсан юм.

Филармонийн тайзнаа тоглогдох дараагийн тоглолт П.И.Чайковский мэндэлсний 175 жилийн ойд зориулсан Симфони оркестрын тоглолт гэнэ. Тус тоглолт ирэх тавдугаар сарын 7-ны үдэш Улсын Филармонийн концертын танхимд эгшиглэх аж.

Францын найруулагч Жан Жак Анногийннайруулсан Чонон сүлд кино энэ сарын 16-24-ны өдөр болсонБээжингийн Олон улсын кино наадмаас “шилдэг найруулагч” , “шилдэг өвөрмөц төрх” номинацийн шагнал хүртжээ. Хятадын зохиолч Зя Руныбичсэн энэхүү зохиол 2005 онд гарсан даруйдаа Хятадын төдийгүйдэлхийн шилдэг зохиолоор шалгарч 31 орны хэлээрхөрвүүлэнгарсан билээ.

Дэлхийн хамгийн алдартай шоуны нэг Got talent шоу Азид зохион байгуулагдаж байгаа бөгөөд Asia s got talent шоу нь энэ оны 3 дугаар сарын 12-ноос AXN телевизээр Азийн 20 гаруй улс оронд зэрэг цацагдаж эхэлсэн билээ.

Тус шоундоролцогчдын нэг “Хөсөгтөн” хамтлаг сая сая үзэгчдэд Монгол ардын урлагийн гайхамшгийг мэдрүүлж тэднийг бишрүүлээд авсан бөгөөд шүүгчдээс санал нэгтэйгээр “Тийм” гэсэн үнэлгээг авч хагас шигшээд шалгаран үлдсэн билээ.

Тэмцээний ялагч $100.000 ам.долларын эзэн болохоос гадна Сингапурын “The Marina Bay Sands” зочид буудалд тоглолтоо хийх эрхийг авах юм. Одоогийн байдлаар “Хөсөгтөн” хамтлаг хоёрдугаар ээлжний шалгаруулалтандаа үлдээд байгаа 23-27 ны хооронд буюу өчигдөр оройны 8:00 цагаас эхлэн санал асуулга явагдаж эхэлсэн бөгөөд 27 ныг дуустал явагдах юм. “Хөсөгтөн” хамтлагаа доорх зааврын дагуу орж саналаа өгөн дэмжицгээе

‪‎Asias Got Talent -д санал авах 3 төрлийн боломж бий.

Үүнд:
1. Малайз, Сингапур, Филлипин, Вьетнам, Тайвань, Энэтхэг, Хонг Конг, Индонез, Тайландад амьдардаг бол AGT12 гэж мессеж бичин санал өгөх ба санал өгөх дугаарыг доорхи хаягаар орон харна. http://asiasgottalent.tv/vote/
2. Фэйсбүүкийн AsiasGotTalent -н хуудсан дээрх апп -г ашиглан өгнө. https://www.facebook.com/asiasgottalent/app_1598372720404428 Энэ хаягаар нэвтрэн ороод Khusugtun гэж сонгоод саналаа өгөх бөгөөд найзуудаа бас уриарай.
3. Та ухаалаг утастай бол “Asia’s Got Talent” гэсэн апп -г утсандаа суулган Khusugtun гэж сонгоод саналаа өгөх юм. Эсвэл https://fbvotenow.asiasgottalent.tv/ энэ хаягаар өгөөрэй

Энэхүү санал хураалт нь 4-р сарын 23-ны 20 цагаас 4-р сарын 27-ны 23:59 хүртэл явагдах учраас та бүхэн саналаа идэвхитэй өгч “Хөсөгтөн” хамтлагаа дэмжээрэй

Дэлгэцийн гурав дахь уран бүтээлээрээ үзэгч олонтойгоо дахин уулзахаар сэтгэл догдлон яваа “Хувьсал” продакшины авьяаслаг жүжигчид ирэх тавдугаар сарын 08-нд бүх кинотеатрын дэлгэцнээ гаргахаар зэхсэн “Тооцоогүй тоглоом” уран сайхны шинэ киноныхоо нээлтийг тун ч өвөрмөц байдлаар хийхээр зэхжээ.

“Зэрлэг цэцэгсийн хүлэмж”, “Зүрхээр наадагч” зэрэг хоёр ч киногоороо урлагийн мэргэжилтнүүдээс өндөр үнэлгээ авч, үзэгч фэнүүдээ байлдан дагуулж чадсан “Хувьсал”-ынхан энэ удаад залуу уран бүтээлчдийнхээ авьяас чадварыг сорьж, жинхэнэ утгаараа “хувьсал” хийхээр зэхжээ. Адтай, авьяастай нь “дэндсэн” гэмээр үзэсгэлэнт жүжигчин бүсгүйчүүдийн итгэл сэтгэлийг хүлээж, өндөр хариуцлага үүрнэ гэдэг амаргүй даваа. Гэсэн хэдий ч өнгөрсөн, одоо, ирээдүй хэмээх он цагийн хэлхээсээр хөвөрч буй хүмүүний амьдралд тэд “Өнгөрсөн үеэ дээдэлж, ирээдүйгээ хүндэтгэж байж одоо цагтаа та өөрийн “Би”-гээ бүтээн хүчирхэг оршино” гэх ухаалаг сонголтыг хийсэн нь энэ.

Тиймээс шинэ залуу уран бүтээлчдээ хөхүүлэн дэмжиж “Тооцоогүй тоглоом” киногоороо үзэгч олонд чухам хэн болохоо харуулах алтан боломжийг олгожээ. Залуусын хайр сэтгэл, хүсэл мөрөөдөл хийгээд үүрэг хариуцлага гэж юу болох, амьдралын олон даваа нугачаанд хэрхэн өөрийн мөн чанарыг авч үлдэх талаар өгүүлсэн сургамжтай, сонирхол татам үйл явдлаар дүүрэн уг киноны гол дүрд жүжигчин Г.Бямбасүрэн, О.Мөнхдалай, Н.Цэнгэлжаргал, Ч.Мөнхболд нар тогложээ. “Хувьсал” продакшины ирээдүй хойч үе хэмээгдэж буй авьяаслаг залуу жүжигчдийн шинэ өнгө төрх, гайхалтай ур чадвар, уйгагүй хөдөлмөр зүтгэлийг үзэгчид фэнүүд нь “Тооцоогүй тоглоом”-оос л харах үлдлээ.

Дашрамд дуулгахад, уран бүтээлчид маань “Тооцоогүй тоглоом” киноны нээлтийн үеэр шинэхэн байрныхаа нээлтийг хийхээр төлөвлөсөн гэнэ шүү. “Хувьсал оффис”, “Хувьсал энтертайнмент”, “Хувьсал танхим” зэргээс бүрдэх энэхүү байрандаа тэд СУИС-ийн чадварлаг, туршлагатай багш нарыг урьж тогтмол бэлтгэл сургуулилтаа хийдэг юм билээ.

Оюуны өмч, зохиогчийн эрх түүнд хамаарах эрхийг хамгаалах хүрээнд жишиг тогтоох зорилгоор Монголын зохиолч, хөгжмийн зохиолч, уран бүтээлчдийн шилдэг дуу хөгжим, бүтээлийн жагсаалтыг Үндэсний Радио Телевизийн сувгуудаар олон нийтэд түгээх, мөн зохиогчийн эрх, түүнд хамаарах эрхийг хамгаалах чиглэлээр МҮОНРТ, МОСКАП, МДББҮТ, Hi-Fi Медиа групп хамтран ажиллахаар боллоо.

Энхүү хамтын ажиллагааны хүрээнд оюуны өмчийн зөвшөөрөлтэйгээр “Монголын шилдэг дууны албан ёсны жагсаалт”-ыг долоо хоног бүр тогтмол гаргаж, 2015 оны тавдугаар сарын 20-оос МҮОНРТ-ийн сувгуудаар оргил цагуудаар үзэгчдэд хүргэнэ.

Шилдэг дууны албан ёсны жагсаалтыг гаргахдаа дуу, цомгийн биет болон цахим борлуулалт, гар утасны рингтон таталт, youtube болон радио лайк, дууны стрим сонсолт, мэргэжлийн экспертүүдийн санал зэрэг олон үзүүлэлтийг харгалзана. Мөн жагсаалт үнэн зөв гарсан эсэхэд хөндлөнгийн шинжээчдийн баг хяналт тавих бөгөөд манай уран бүтээлчдийн дуу, хөгжмийн бүтээлийн борлуулалт, онлайн хандалт зэрэг олон төрлийн статистик үзүүлэлтийг хөтөлж, мэдээллийн санг бий болгох нь олон талын ач холбогдолтой гэж тус ажлыг санаачлагчид үзэж байна.

Үүнээс гадна, хөгжмийн зохиолч, зохиолч, уран бүтээлчдийн дуу хөгжим, бүтээлийг хууль бусаар ашиглах, олон нийтийн мэдээллийн хэрэгслээр хууль бусаар түгээх явдлыг таслан зогсоож, цэгцлэх чиглэлээр талууд хамтран ажиллаж, олон нийтэд зориулсан цуврал видео ролик, нэвтрүүлэг зэргийг Үндэсний Радио Телевизээр тогтмол цацаж байх талаар тохиролцоонд хүрчээ.

Энэхүү “Монголын шилдэг дууны албан ёсны жагсаалт”-ыг гаргах болсонтой холбогдуулан маргааш буюу дөрөвдүгээр сарын 24-ний баасан гарагийн 12:00 цагт МҮОНРТ-ийн Олон Нийтийн мэдээллийн төвд хэвлэлийн бага хурал болно.

Энэхүү хурал нь Дэлхийн Оюуны Өмчийг Хамгаалах Өдрийг угтан болж байгаагаараа бас онцлогтой юм. Тус хэвлэлийн бага хурлын үеэр дөрвөн талын төлөөлөл Харилцан Ойлголцолын Санамж Бичигт гарын үсэг зурах бөгөөд мэдээлэл өгч, сэтгүүлчдийн асуултанд хариулна.

Холбоо барих утас: 99884513

МУГЖ дуучин Т.Ариунаа, “Guys” хамтлаг хамтран Токио хотын Нэрима дүүргийн Хикаригаока цэцэрлэгт хүрээлэнд тоглолтоо хийх аж. Тодруулбал, ирэх тавдугаар сарын 4-5-ны өдрүүдэд “Хаврын баяр- 2015” наадам болно. Уг наадмын үеэр тэд тоглолтоо хийх юм байна.

Наадмыг Япон дахь Монгол оюутны холбоо /ЯМОХ/, Монгол улсын Элчин сайдын яам, Нэрима дүүргийн захиргаа, Монгол Улстай найрамдал, соёлоор хамтран ажилладаг Японы олон нийтийн байгууллагууд, хувь хүмүүс хамтран зохион байгуулах юм.

Наадмын үеэр Хикаригаока цэцэрлэгт хүрээлэнд монгол гэр, майхан, асар барьж, Монгол орны түүх, соёл, эдийн засаг, нийгмийн ололтуудыг сурталчилсан самбар, гэрэл зураг, уран зургуудыг дэлгэх аж. Мөн монгол дээл, япон кимоно өмсөн зураг авахуулах, шагай шүүрэх, морь уралдуулах гэх зэрэг монгол наадгай тоглуулах юм байна.

Францын нэрт найруулагч Жан Жак Анног монголчууд жүжигчин Р.Анхнямын тоглосон “Чонон сүлд” киногоор нь сайн мэдэх билээ. Тэгвэл ирэх даваа гарагт тэрбээр Монгол Улсын Ерөнхийлөгч Ц.Элбэгдоржийн урилгаар манай улсад хүрэлцэн ирэх гэж байна.

Ерөнхийлөгч Ц.Элбэгдоржоос Жан Жак Аннод илгээсэн урилгадаа “Таны бүтээсэн “Чонон сүлд” кино дэлхий дахины үзэгчдийн болон шүүмжлэгчдийн талархлыг хүлээж, танай кино багийнхан том амжилтын ард гарч чадлаа.

Эрхэм найруулагч Таны Монголын өв уламжлал, нүүдэлчин соёлыг гайхалтай мэдэрч хийж чадсан тань үнэхээр бахархууштай” гээд Франц, Монгол хоёр орны соёлын харилцаа цаашид улам батжина хэмээн найдаж буйгаа илэрхийлжээ.

Дуу хуураар хөглөгдөж ирсэн монголчууддаа зориулж рок поп болоод нийтийн дуучид, хошин урлагийхан нэгдэж нэгэн сайхан тоглолтыг хүргэхээр болжээ. Тоглолт энэ сарын сүүлээр буюу дөрөвдүгээр сарын 30-ны өдөр “Улаанбаатар палас”-ын концертын их танхимд “Сэтгэлийн эгшиглэн” нэртэйгээр та бүхэнд хүрэх гэж байна.

Тоглолтонд: МУГЖ Н.Чулуунхүү, Г.Батбаяр, Ж.Уранчимэг, МУСТА Н.Баасандорж, Л.Болдбаатар, Л.Банзрагч, Д.Бурмаа, Universe best songs-2010 нэвтрүүлгийн гранпри шагналын эзэн Б.Жавхлантөгс, Дуучин П.Баярцэнгэл, Ноён Бондгор, О.Анхбаяр, Дуучин Ж.Хишигсүрэн, дуучин Чингүүнжав, “Харш” хамтлаг, “Нисванис” хамтлаг, “Lord” хамтлаг, “Madness” хамтлаг, “Мөрөөдлийн театр”, “Fire”, “Салхит хуур” морин хуурын хамтлаг зэрэг Монголын шилдэг уран бүтээлчид оролцох нь ээ. Та бүхэн хайртай дотны хүмүүстэйгээ нэгэн үдшийг мартагдахааргүй өнгөрүүлэхийг хүсвэл дөрөвдүгээр сарын 30-ны өдөр “Улаанбаатар палас”-ыг зориорой.

Мэргэжлийн морин хуурчдын олон улсын IV уралдаан ирэх долдугаар сард Улаанбаатар хотод болно.
Мэргэжлийн морин хуурчдын дунд болсон I, II уралдаан 2002, 2007 онд Монгол Улсын Ерөнхийлөгчийн ивээл дор, төрийн их хуурч Г.Жамъянгийн нэрэмжит болон зохион байгуулагдсан бол III уралдааныг олон улсын уралдаан болгон зарлаж, 2010 онд амжилттай зохион байгуулжээ. Уралдаанд оролцогчдыг тавдугаар сарын 25-наас зургадугаар сарын 10-ныг дуустал бүртгэх ажээ.

Уралдаанд мэргэжлийн урлагийн байгууллагын хөгжимчид болон бүх шатны сургалт явуулж буй сургуулиудын оюутнууд, чөлөөт уран бүтээлчид оролцох боломжтой юм байна. Мөн уралдааны программыг хангасан морин хуур суралцагч, тоглогч, гадаадын иргэд ч гэсэн оролцох бүрэн боломжтой ажээ.
Энэхүү уралдаан нь гурван үе шаттай бөгөөд заагдсан бүтээлүүдийг тоглох юм байна.