Category: спорт

Categories
мэдээ спорт

Б.Нарантуяа шөвгийн наймд Хонгконгийн тамирчинтай өрсөлдөнө DNN.mn

Монгол Улсын нийслэл Улаанбаатар хотод снукер билярдын 15 улааны Дэлхийн цомын анхдугаар тэмцээн есдүгээр сарын 14-19-ний өдрүүдэд болж байгаа бол 6 улааны дэлхийн аварга шалгаруулах тэмцээн есдүгээр сарын 21-25-ны өдрүүдэд болох юм.

Дэлхийн цомын тэмцээнд 20 орны нийт 76 тамирчин өрсөлдөж байгаа бол манай улсаас дээрх тэмцээнд дасгалжуулагч Д.Амаржаргал, Б.Шинэбаярын удирдалага дор 16 тамирчин өрсөлдөж байна.

Энэ тэмцээний шөвгийн наймд өрсөлдөх тамирчид тодорсон бөгөөд эмэгтэйчүүдийн ангилалд Монголын тамирчин Б.Нарантуяа өнөөдөр Хонгконгийн тамирчин И Тэн Чунтай өрсөлдөнө. Ялсан нь хагас шигшээд шалгарна.

Өдгөө 38 настай И Тэн Чун нь 2018 оны ДАШТ-ий шөвгийн 16-д шалгарсан нь түүний замналын хамгийн өндөр амжилт юм. Мөн 2024 оны гуравдугаар сард болсон ДАШТ-ий үеэр Б.Нарантуяатай өрсөлдөхөд 3:2-оор манай улсын тамирчин түүнийг ялсан билээ. Тэгвэл Б.Нарантуяа нь снукер бильярдын 2023 оны ДАШТ-ий хүрэл, 2022 оны Азийн АШТ-ээс хүрэл медаль хүртэж байв гэж Биеийн тамир, спортын улсын хорооноос мэдээллээ. 

Categories
мэдээ спорт

МУГТ Б.Баасанхүүгийн нэрэмжит жүдо бөхийн өсвөрийн тэмцээн Хөвсгөл аймагт болно DNN.mn

Олимпийн мөнгөн медальт, МУГТ Б.Баасанхүүгийн нэрэмжит жүдо бөхийн тэмцээн Хөвсгөл аймагт болно

Уг тэмцээн есдүгээр сарын 20-22-ны хооронд болох бөгөөд цаашдаа жил бүр уламжлал болгон зохион байгуулах аж.

Тэрбээр Монгол Улсын аваргад гурван удаа түрүүлж, Азийн аваргаар тодорч, Их дуулга ангилалд анхны түрүүгээ аван, Дэлхийн аварга болж, “Парис-2024” олимпийн наадмаас мөнгөн медаль хүртсэн билээ.

Categories
мэдээ спорт

Дуатлоны УАШТ-д Н.Мөнхбаяр түрүүллээ DNN.mn

Монголын триатлоны холбооны 20 жилийн ойн нэрэмжит дуатлоны Улсын Аварга Шалгаруулах Тэмцээн (УАШТ) энэ сарын 15-нд Хүй долоон худагт боллоо.

Энэ удаагийн УАШТ-д нийт 62 тамирчин элит, 17 хүртэлх нас, сонирхогчдын эрэгтэй, эмэгтэй ангилалд өрсөлдөхөөр мэдүүлгээ ирүүлээд байв. Элит ангиллын тамирчид 5 км гүйж, 20 км дугуй жийж, 2,5 км гүйж аваргаа тодруулсан бол бусад тамирчид дээрх зайн талд нь хурд сорьсон юм.

Тэмцээний эрэгтэй элитийн уралдаанд марафон гүйлтийн Олон Улсын Хэмжээний Мастер (ОУХМ) Н.Мөнхбаяр (Хилийн цэргийн 0131-р анги), дугуйн шилдэг ОУХМ-уудын нэг Э.Болор-Эрдэнэ (Team Oggi) нарын хооронд маш сонирхолтой уралдаан өрнөж, биесээ удаа дараа гүйцэж түрүүлсний эцэст барианы шугамыг Н.Мөнхбаяр 1:04:39 секундээр түрүүлж давлаа. Э.Болор-Эрдэнэ түүнээс 1:05 секунд хоцорч удаалсан бол “Road Mongolia” клубийн спортын мастер Э.Ижилмөрөн 1 цаг 9 минут 35 секундээр хүрэл медалийн болзол хангажээ.

Эмэгтэй элитийн уралдаанд “Road Mongolia” клубийн А.Оюун-Эрдэнэ, “Сэлэм загас”-ын Ц.Аяс, хөвгүүдийн уралдаанд А.Амирлангуй, охидын уралдаанд “Цасан зам”-ын Н.Энхжин, “Сэлэм загас”-ын Б.Санчирмаа нар эхний байруудад шалгарлаа. Тэмцээнд төрөл бүрийн спортын ОУХМ цолтон дөрөв, спортын мастер 12 оролцсон нь тамирчдын өрсөлдөөн ямар чанга болсныг нотолно.

Монголын триатлоны холбооны 20 жилийн ойг бүтэн жилийн туршид олон төрлийн тэмцээн, үйл ажиллагаагаар баялаг тэмдэглэж байгаа билээ. Өвлийн триатлоны анхдугаар УАШТ-ийг хоёрдугаар сард Улаанбаатарт, Зуны триатлоны УАШТ-ийг Хэнтий аймгийн Цэнхэрмандал суманд өнгөрсөн долдугаар сард маш амжилттай зохион байгуулсан. Энэхүү Дуатлоны УАШТ-ий араас ирэх арваннэгдүгээр сард анх удаа танхимын триатлоны УАШТ зохион явуулахаар төлөвлөөд байна.

 

Эх сурвалж: Монголын Триатлоны Холбоо 

Categories
мэдээ спорт

Шатрын 45-р олимпиадад Монголын шигшээ багийн 10 тамирчин оролцоно DNN.mn

Дэлхийн 197 орны төлөөлөл оролцож буй тэмцээнд Монголын шигшээ багийн 10 тамирчин оролцох гэж байна. Тодруулбал,

Эрэгтэй.

  • 1-р ширээ. Олон улсын хэмжээний мастер (IM) Ганзоригийн Амартүвшин. 19 настай
  • 2-р ширээ.  FIDE мастер (FM) Сумъяагийн Чингүүн. 19 настай
  • 3-р ширээ. FIDE мастер (FM) Эрдэнийн Баасансүрэн. 21 настай
  • 4-р ширээ. Олон улсын хэмжээний мастер (IM) Мөнхдалайн Амилал. 18 настай
  • 5-р ширээ. FIDE мастер (FM) Хуягцогтын Итгэлт. 20 настай
  • Эрэгтэй шигшээ баг дундаж чансаагаараа 64-р байрт бичигдэж байна. Харин эмэгтэй баг дундаж чансаагаар 162 орноос 28-рт бичигдэж байна.

Эмэгтэй.

  • 1-р ширээ. Эмэгтэй Их мастер (WGM) Төрмөнхийн Мөнхзул. 22 настай
  • 2-р ширээ. Эмэгтэй олон улсын хэмжээний мастер (WIM) Батхуягийн Мөнгөнтуул. 37 настай
  • 3-р ширээ. Эмэгтэй Их мастер (WGM) Даваадэмбэрэлийн Номин-Эрдэнэ. 24 настай
  • 4-р ширээ. Эмэгтэй FIDE мастер (WFM) Эрдэнэбаярын Хүслэн. 16 настай
  • 5-р ширээ. Эмэгтэй Дэд мастер (WCM) Бат-Эрдэнийн Мөнгөнзул. 19 настай
Categories
мэдээ спорт

“FIBA 3×3” дэлхийн цомын аварга шалгаруулах тэмцээн маргааш эхэлнэ DNN.mn

Монгол Улсын Ерөнхийлөгчийн ивээл дор “FIBA 3×3 U23 World Cup 2024” тэмцээн нийслэл Улаанбаатар хотноо 9 сарын 11-15 өдрүүдэд зохион байгуулагдана.

Энэ удаагийн “Дэлхийн аварга шалгаруулах тэмцээн” манай улсад анх удаа болж буйгаараа онцлогтой. Сүхбаатарын талбайд болон тэмцээнд таван тивийн эрэгтэй, эмэгтэй шигшээ 40 баг оролцох юм.

Эмэгтэй шигшээ багийн бүрэлдэхүүн:

  • Ө.Индра
  • Б.Ариунцэцэг
  • Ц.Болорцэцэг
  • Б.Энхтуул

Эрэгтэй шигшээ багийн бүрэлдэхүүн:

  • А.Азбаяр
  • Г.Болор-Эрдэнэ
  • Л.Авирмэд
  • С. Биндэрьяа
Categories
мэдээ спорт

Дэлхийн нүүдэлчдийн наадамд Монгол Улсын 66 тамирчин өрсөлдөж байна DNN.mn

Казахстан улсын Астана хотод Дэлхийн нүүдэлчдийн V наадам есдүгээр сарын 8-14-ний өдрүүдэд болж байна.

Наадамд 85 орны 2500 орчим тамирчин спортын 21 төрөлд 97 багц медалийн төлөө өрсөлдөж байгаа бол манай улсаас 66 тамирчин спортын 16 (тулам булаалдах, зоос шүүрэх, морьт барилдаан, уламжлалт сурын харваа, ашыртмалы аба гюреши бөх, морьт сурын харваа, кураш бөх, казак кураш бөх, алыш бөх, модон барилдаан, шагайн харваа, оюун ухааны спорт, есөн хоргол наадгай, ширээний тоглоом наадгай, уламжлалт тоглоом, кореш бөх) төрөлд өрсөлдөх юм.

Наадмын нээлтийн ёслол өчигдөр болсон бөгөөд Монгол Улсын багийн тугчаар бүстэй барилдааны дэлхийн аварга, улсын заан Д.Анар ажиллав.

Анхдугаар наадам Киргизстан (2014 он) улсад болж байсан бол дараа нь АНЭУ (2016), Киргизстан (2018), Турк (2022) улсад зохион байгуулжээ.

Монгол Улсын баг энэ наадмаас 2014 онд долоон медаль, 2016 онд тав, 2018 онд 24, 2022 онд 10 медаль хүртэж байв.

Өнөөдөр Монголын багийн медалийн салхийг хагалж, морьт харвааны төрөлд өрсөлдсөн Нэргүйн Алтанхуяг мөнгөн медаль, морьт барилдааны төрөлд М.Наурызбек хүрэл хүртлээ гэж Биеийн тамир, спортын улсын хорооноос мэдээллээ. 

Categories
мэдээ спорт

Б.Намбардагва U20 насны ДАШТ-ээс хүрэл медаль хүртлээ DNN.mn

Бөхийн төрлүүдийн U20 насны дэлхийн аварга шалгаруулах тэмцээний эрэгтэйчүүдийн чөлөөт бөхийн 125кг-д Батбаярын Намбардагва хүрэл медаль хүртлээ.

Тэрээр эхний тойрогт хийлж, дараагийн тойрогт Японы Хосей Фүжитаг 4-0, ¼ шигшээд Хятадын тамирчныг 8-0 ялж, хагас шигшээд Бенжамин Аллен Кутерт 13-3 харьцаатай ялагдаад байсан юм.

Улмаар шигшээ барилдаанд Казакстаны бөх Алихан Хуссайновыг 4:1 харьцаатай ялж U20 насны ДАШТ-ий хүрэл медальтан боллоо.

Categories
мэдээ спорт цаг-үе

ПАРИС-2024: Монголын баг тамирчид нэг алт, гурван мөнгө, дөрвөн шагналт байрт шалгарчээ DNN.mn

Францын нийслэл Парис хотод зуны 17 дугаар паралимпийн наадам наймдугаар сарын 28-наас есдүгээр сарынн 9-ний хооронд болоход таван тивийн 168 орны 4400 гаруй тамирчин спортын 22 төрөлд 549 багц медалийн төлөө өрсөлдлөө.

Энэ удаагийн наадамд Монгол улсаас спортын зургаан төрөлд 12 тамирчин өрсөлдөж, нэг алт, гурван мөнгө, дөрвөн шагналт байрт орсон амжилтаараа 57 дугаар байрт жагсав.
“Парис-2024” паралимпын Монголын баг тамирчдын анхдагч амжилтуудыг сонирхуулж байна.
Зуны паралимпын наадамд манай улсын тамирчид нийтдээ долоон удаа оролцоход энэ удаагийнх шиг өргөн бүрэлдэхүүнтэйгээр орсон удаагүй билээ. Парисын паралимпын наадамд спортын зургаан төрөлд 12 тамирчин эрх авч өрсөлдөж, тэднээс дөрөв нь медальд хүрсэн нь түүхэн амжилт болох юм.
Паралимпын эхний өдөр таеквондогийн эмэгтэйчүүдийн 52 кг-ын жингийн К44 ангилалд тулалдсан У.Сүрэнжав аваргалсанаар паралимпын наадмын анхны алтан медальт монгол эмэгтэй тамирчин болов. Түүний хувьд ДАШТ-ээс мөнгө, “Ханжоу-2022” Азийн наадмаас медаль хүртсэн билээ.
Удаах өдөр нь таеквондогийн эрэгтэйчүүдийн 63 кг-ын жинд гавьяат тамирчин Г.Болор-Эрдэнэ мөнгөн медаль хүртсэнээр паралимпын мөнгөн медальт анхны монгол тамирчин болсон юм. Тэр үүнээс гадна ДАШТ-ээс таван алт, Ази тивээс таван алтан медальтай ба “Ханжоу-2022” Азийн наадмын аварга болсон тамирчин.
“Парис-2024” паралимпын наадмын хөнгөн атлетикийн бөөрөнцөг түлхэлтийн F40 ангилалд Ц.Баттулга 11.9 метрийн шидэлтээр мөнгөн медаль хүртсэн нь мөн анхдагч амжилт. Тэрбээр өнгөрсөн жил “Ханжоу-2022” Азийн наадмаас хүрэл медаль хүртсэн.
Паралимпын сүүлийн өдөр пауэрлифтингийн хэвтээ шахалтын 107 кг-ын жинд өрсөлдсөн Хөдөлмөрийн баатар, гавьяат тамирчин Э.Содномпилжээ цээжнээс 248 кг-ыг шахсанаар мөнгөн медаль хүртлээ. Өмнө нь “Рио-2016”-гоос хүрэл, “Токио-2020”-гоос алтан медаль хүртсэн түүний медалийн цуглуулгад мөнгөн медаль нэмэгдэж, тэр паралимпын иж бүрдэл медальтай анхны монгол тамирчин болов.

Усанд сэлэлтийн 50 болон 100 метрийн зайд уралдсан Х.Номуун паралимпын наадамд өрсөлдсөн Монголын баг тамирчдын бүх цаг үеийн хамгийн залуу оролцогч болов. Усанд сэлэлтийн 50 метрийн зайд долоо, 100 метрийн зайд зургаадугаар байрт хурдалж, улсынхаа дээд амжилтыг шинэчлэн тогтоолоо. Түүнийг олон тэмцээн, олон паралимпын наадам хүлээж байна. Монголын пара тамирчид энэ удаагийн паралимпын наадмыг бахдал дүүрэн амжилттайгаар үдэж, эх орны зүг хөлгийн жолоо залж байна.

Categories
мэдээ спорт

Уран зургийн мастер класс сургалт болно DNN.mn

Дүрслэх урлагийн салбарын хүний нөөцийг чадавхжуулах зорилгоор мэргэжлийн багш нар мастер класс сургалт зохион байгуулахаар болжээ. Тухайлбал, ОХУ-ын Урлагийн академийн гишүүн Михаил Горшунов болон В.И.Суриковын нэрэмжит уран зургийн академийн багш Лилия Устюгова нар мастер класс сургалт явуулах бөгөөд мастер класс сургалт есдүгээр сарын 5-ны өдөр буюу өнөөдөр Хүүхдийн урлах бүтээх төвд болох юм байна

Categories
мэдээ спорт

ПАРИС-2024: Паралимпийн медальтнууд эх орондоо ирлээ DNN.mn

“Парис-2024” зуны 17 дугаар паралимпын наадам ес дэх өдрөө болж байна.

Өнөөдөр таеквондогийн төрөлд алтан медаль хүртсэн У.Сүрэнжав, мөнгөн медаль хүртсэн Г.Болор-Эрдэнэ нар дасгалжуулагч Н.Эрдэнэбаатар, Д.Батнасангийн хамт эх орондоо ирсэн бөгөөд бэлтгэл сургуулилтаа хийж байсан зааландаа хүрэлцэн ирж Үндэсний шигшээ багийн бодлогын хэрэгжилтийн хэлтсийн дарга Э.Билэгт болон холбооны удирдлагууд, таеквондогийн залгамж халаа болох бяцхан тамирчдадаа хүндэтгэл үзүүлэв.

Энэ үеэр Үндэсний шигшээ бодлогын хэрэгжилтийн хэлтсийн дарга Э.Билэгт хэлсэн үгэндээ “Паралимпын наадмаас алт болон мөнгөн медаль хүртсэн тамирчин түүний дасгалжуулагч, холбооны удирдлагуудад чин сэтгэлээсээ талархал илэрхийлж байна. Танай баг хамт олон уйгагүй хөдөлмөрлөж, эв нэгдэлтэй байж, сахилга батыг маш сайн сахиж чадсанаар өнөөдрийн өндөр амжилтанд үлгэрлэн хүрлээ. Та бүхэнд дахин баяр хүргэе, Лон-Алжелесийн олимп, паралимпын наадмаас илүү олон медальтай ирэхийн ерөөл дэвшүүлье” гэв.