Энэ сарын 13-наас 19-ний өдрүүдэд Шведийн Гётеборг хотноо дэлхийн 80 гаруй орны 1600 гаруй клуб оролцсон “Gothia Cup” тэмцээн боллоо. 39 дэх удаагийн хөвгүүд, охидын “Gothia Cup” тэмцээнд Монгол Улсаас хөвгүүдийн 12 болон 16 насанд “Дэрэн” клубийн хоёр баг оролцож, өндөр амжилтыг үзүүллээ. Хүүхдийн хөлбөмбөгийн клубүүд оролцдог “Gothia Cup” тэмцээний хөвгүүдийн 16 хүртэлх насны ангилалд өрсөлдсөн Монгол Улсын “FC Deren Sumida” баг амжилттай тоглож, “В” хэсэгт Энэтхэг, Швед, Герман, Норвегийн багуудыг хожиж, хагас шигшээд шалгарсан амжилтыг үзүүллээ.
Хөвгүүдийн 12 хүртэлх насанд өрсөлдсөн “Дэрэн” баг хожигдол хүлээснээр цааш өрсөлдөх боломжгүй болсон. Харин 16 насны ангилалд өрсөлдсөн “Дэрэн” клубийн тамирчид өндөр амжилтыг үзүүлллээ. Хөвгүүдийн 16 насанд 32 улсын 190 баг оролцож, 47 хэсэгт хуваагдсан бөгөөд Монгол Улсын “Дэрэн” баг 15-р хэсэгт Шведийн хоёр, Норвегийн нэг багуудтай багтсан. Хэсэгтээ Норвегийн багийг 3-0-ийн харьцаагаар хожиж, Шведийн хоёр багт хожигдсоноор (4-1, 1-0) гурван оноогоор гуравдугаар байрт шалгарав. Энэ хэсгийг зохион байгуулагч Шведийн хоёр баг долоон оноотой тэргүүлж, “А” хэсэгт өрсөлдөх эрхийг авсан.
Хэсэгтээ гуравдугаар байрт шалгарсан “Дэрэн” баг В хэсгийн плэй-оффт дахин тоглосон билээ. “Дэрэн” баг “В” хэсгийн 1/64-т Энэтхэгийн “Phonenix Sports” клубийн багийг 5-4-ийн харьцаагаар хожиж, шөвгийн 32-т багтсан.
Цааш хасагдах шатны 1/32-т Шведийн “IFK Umeе” багийг 7-5-ийн харьцаагаар хожиж, шөвгийн 16-д шалгарсан. 1/16-ийн тоглолтод Германы “TSV Buchholz 08” багийг 2-0-ийн харьцаагаар хожиж, шөвгийн наймд шалгарлаа. Улмаар Норвегийн “IL Bjarg” багийг 3-1-ийн харьцаагаар хожиж, шилдэг дөрөвт шалгарч, “В” хэсгийн медалийн төлөөх тоглолтод тоглохоор болсон.
“В” хэсгийн шийдвэрлэх тоглолтод “Дэрэн” баг тэмцээнийг зохион байгуулагч орны “IFK Lidingц FK” клубийн багт 0-2-ийн харьцаагаар ялагдлаа. Манай багийг хожсон зохион байгуулагч орны “IFK Lidingц FK” баг нутгийн GAIS багийг 4-2-ийн харьцаагаар хожиж, “В” хэсгийн хүрэл медалийг хүртжээ.
“Дэрэн” багийн тоглолтын үр дүнг танилцуулъя.
Хэсгийн тоглолт: 33 орны 189 баг 47 хэсэгт хуваагдсанаас “Дэрэн” баг 15-р хэсэгт Шведийн хоёр, Норвегийн нэг багтай багтсан.
Долдугаар сарын 14:
Gerdskens BK – FC Deren Sumida 4 – 1
Долдугаар сарын 15:
FC Deren Sumida – Eskilstuna City FK 0 – 1
Долдугаар сарын 16:
FK Lillehammer 1 – FC Deren Sumida 0 – 3
FC Deren Sumida – Phoenix Sports 1 5 – 4 P
“Дэрэн” баг хэсэгтээ нэг хожил, хоёр хожигдол авснаар гуравдугаар байраар шалгарч, “В” хэсэгт өрсөлдлөө. Цааш “Дэрэн” баг Энэтхэгийн багийг хожиж, хасагдах шат буюу 1/64-д шалгарлаа. Улмаар:
Долдугаар сарын 17: 1/32.
FC Deren Sumida – IFK Umeе 7 – 5 P
Тоглолтын 19.50 дахь минутад 8 дугаартай тоглогч А.Тэмүүжин эсрэг багийн хаалганд эхний гоол оруулсан бол тоглолтын 21.05 дахь минутад 5 дугаартай В.Мөнхжаргал, 34.30-д А.Нармандах нар гоол оруулсан юм. Тоглолтын үндсэн цаг тэнцээгээр өндөрлөж, 11 метрийн торгуулийн цохилтоор ялагчийг тодруулах болсон байна. Ингэснээр “Дэрэн” клубын Д.Билгүүн, Б.Батмөнх, М.Жансерик, Х.Энхзориг нар цохилтоо амжилттай гүйцэтгэснээр Шведийн IFK UMEA багийг буулган авчээ.
1/16:
TSV Buchholz 08 – FC Deren Sumida 0 – 2
Тоглолтын 32.22 дахь минутад довтлогч П.Энхбаяр эхний гоолыг оруулсан бол тоглолтын 41.41 дэх минутад 8 дугаартай довтлогч А.Тэмүүжин хоёр дахь гоолыг орууллаа.
Долдугаар сарын 18:
1/8 финал.
Mеnsarps IF – FC Deren Sumida 0 – 4
1/4-ийн финал.
FC Deren Sumida – IL Bjarg 3 – 1
Хагас шигшээ тоглолт:
IFK Lidingц FK – FC Deren Sumida 2 – 0
Манай багийг хожсон зохион байгуулагч орны “IFK Lidingц FK” багийн хувьд нутгийн GAIS багийг 4-2-ийн харьцаагаар хожиж, “В” хэсгийн хүрэл медалийг хүртжээ. Ийнхүү Монголын өсвөрийн хөлбөмбөгчид дэлхийн үеийнхээ шилдэг тамирчидтай өрсөлдөж, өндөр амжилт үзүүллээ.
Шведийн Гётеборг хотноо болсон хүүхдийн хөлбөмбөгийн клубуудын Gothia Cup тэмцээнд манай улсаас “Дэрэн ФС Сумида”-гийн 12 настай болон 16 настай хөвгүүд амжилттай оролцлоо.
Америкийн сүмо бөхийн холбооноос дэлхийн шилдэг арван тамирчдын дунд халз барилдааныг зохион байгуулах гэж байна. Шилдэг тамирчид оролцсон “All star sumo” тэмцээн өнөөдөр АНУ-ын Нью-Йорк хотноо болно.
Ламын Гэгээн Лувсанданзанжанцаны мэлмий гийсний 375 жилийн ой, “Говийн бүсийн” уралдаан Засгийн газрын тогтоолын дагуу Баянхонгор аймагт зохион байгуулагдана.
Үндэсний их баяр наадмыг тохиолдуулан Москва дахь Монгол Улсын ЭСЯ-наас тус хотод оршин суудаг буриад, халимаг, тува, монголчуудын нутгийн зөвлөлтэй анх удаа хамтран долдугаар сарын 12-ны өдөр “Тал нутгийн эртний уламжлал, хүн төрөлхтөний биет бус соёлын өвийн дээжис” нэртэй “Угсаатан, соёлын бэсрэг наадам”-ыг Монгол Улсын ЭСЯ-ны төв байранд зохион байгуулсан байна.
“World Youth Cup 2014” (Gothia Cup) хөлбөмбөгийн өсвөрийн ДАШТ-ний 16 насны ангилалд Монгол улсаа төлөөлөн тоглож буй “Deren sumida FC” баг шөвгийн наймд шалгарсан тухай өмнө нь мэдээлж байсан.
ОХУ-ын спортын нийслэл Казань хотноо туялзуур сэлэмний Дэлхийн аварга шалгаруулах тэмцээн эхэллээ. Тус тэмцээнд 102 улсын 803 тамирчин өрсөлдөж байна. Монгол улсаас эрэгтэйчүүдийн хүнд сэлэмний төрөлд Б.Батхүү, Э.Дөлгөөн, Ц.Жигжидсүрэн, эмэгтэйчүүдийн хүнд сэлэмний төрөлд Б.Гэрэлмаа, А.Халиунаа, Б.Цолмон нар хүч үзэх юм.
Удахгүй Испани улсад Сагсан бөмбөгийн ДАШТ эхлэх гэж байна. Тиймээс дэлхийн улс орнууд баг бүрэлдэхүүнээ бэлтгэсээр байгаа юм. Энэ тэмцээний хамгийн хүчирхэг баг бол мэдээ АНУ. Тэгвэл АНУ-ын шигшээ баг бэлтгэлдээ доорх 19 тоглогчийг урьсан байна.