Монголын үндэсний олимпийн хорооноос олгодог дээд шагнал, спортын шилдэг тамирчид, дасгалжуулагчдыг тодруулдаг “Бөртэ чоно 2015” наадам удахгүй болох гэж байна. Энэ жил тив, дэлхийд алдраа цуурайтуулж Монгол Улсын алтан соёмбот далбаагаа мандуулж төрийн дууллаа эгшиглүүлж чадсан спортын шилдгүүдийн нэрс тодорлоо. Тэднээс шилдгийн шилдгийг спортын сэтгүүлчдийн санал асуулгаар арванхоёрдугаар сарын 25-нд тодруулж шагналыг нь гардуулна.
Өнгөрсөн оны “Бөртэ чоно”-ын эздээр шилдгийн шилдэг эрэгтэй тамирчнаар МУГТ Г.Болдбаатар, шилдгийн шилдэг эмэгтэй тамирчнаар чөлөөт бөхийн насанд хүрэгчдийн дэлхийн аварга С.Цэрэнчимэд нар тодорсон билээ.
Тэгвэл энэ оны наадамд дараахь шилдэг 15 тамирчин, дөрвөн баг, 10 дасгалжуулагчийн нэрийг дэвшүүлсэн байна.
“Бөртэ чоно” наадамд нэр дэвшигчдийн мэдээллийг та бүхэндээ хүргэе.
Нэр дэвшиж буй эмэгтэй тамирчид:
Мөнхжанцангийн Анхцэцэг (Хүндийг өргөлт). ДАШТ-ий VIII байр эзэлж, улсын дээд амжилтыг 14 удаа шинэчилсэн.
Соронзонболдын Батцэцэг (Чөлөөт бөх). ДАШТ-д түрүүлж дэлхийн хошой аварга болсон, “Иван Ярыгиний гран-при” тэмцээнд түрүүлсэн, “Рио-2016” олимпийн эрх авсан.
Отрядын Гүндэгмаа (Буудлагыг спорт). “Дэлхийн цом”-ын тэмцээний хошой алт, хошой мөнгөн медаль хүртэж, “Рио-2016” олимпийн эрх авсан.
Цэдэвсүрэнгийн Мөнхзаяа (Жүдо). ДАШТ-ээс хүрэл медаль хүртэж, Ази тивийн АШТ, “Их дуулга”, “Гран-При” тэмцээнд түрүүлсэн.
Доржсүрэнгийн Сумьяа (Жүдо). ДАШТ-ээс хүрэл медаль хүртэж, “Универсиад” наадам, “Мастерс”, “Гран-При” тэмцээнд түрүүлсэн.
Хишигдоржийн Сүнжидмаа (Сонирхогчийн сумо). ДАШТ-ээс алтан медаль хүртсэн.
Гамбагаагийн Угалзцэцэг (Бодибилдинг). ДАШТ-ий атлетик физик төрөлд алтан медаль хүртсэн.
Сүхээгийн Цэрэнчимэд (Чөлөөт бөх). ДАШТ-ээс мөнгөн медаль хүртсэн.
Нэр дэвшиж буй эрэгтэй тамирчид:
Эрдэнэбатын Бэхбаяр (Чөлөөт бөх). ДАШТ-ий хүрэл медаль, Ази тивийн АШТ-ий алт, “Алтан гран-при” тэмцээний мөнгө, хүрэл медаль хүртэж, “Рио-2016” олимпийн эрх авсан.
Жанцангийн Гантөгс (Байт харваа). Тайланд улсад зохиогдсон Олимпийн эрх олгох тэмцээнд мөнгөн медаль хүртэж, “Рио-2016” олимпийн эрх авсан.
Энхтайваны Даваахүү (Буудлага). “Универсиад” наадмаас алт, мөнгө, хүрэл медаль хүртсэн.
Батболдын Номин (Чөлөөт бөх). ДАШТ-ий мөнгөн медаль, Ази тивийн АШТ-ий хүрэл медаль хүртсэн.
Сайнжаргалын Ням-Очир (Жүдо). ДАШТ-ий хүрэл медаль, “Их дуулга”, “Гран-При” тэмцээний мөнгөн медаль хүртсэн.
Доржнямбуугийн Отгондалай (Бокс). ДАШТ-ий шагналт байрт шалгарч, Ази тивийн АШТ-ий алтан медаль хүртсэн.
Пүрэвжавын Өнөрбат (Чөлөөт бөх). ДАШТ-ээс мөнгөн медаль хүртэж, “Рио-2016” Олимпийн эрх авсан.
БАГ:
Волейболын эрэгтэй шигшээ баг. Зүүн Азийн АШТ-ий шагналт IV байрт шалгарсан.
Сагсан бөмбөгийн “Альянс-Тех Харцага” баг. Монголын үндэсний сагсан бөмбөгийн холбооны “Үндэсний Супер лиг”-т аваргалсан.
“Шайбтай” хоккейн шигшээ баг. “Challenge Cup-2015” тэмцээнээс хүрэл медаль хүртсэн.
Хөлбөмбөгийн “Эрчим” клуб. Монголын хөлбөмбөгийн холбооны “Үндэсний Хүрхрээ лиг”, “Цомын тэмцээн”, “Супер цом”-ын тэмцээнүүдэд аваргалсан.
Дасгалжуулагчид:
Одвогийн Балжинням– Жүдо бөхийн үндэсний шигшээ багийн ахлах дасгалжуулагч.
Цэндийн Баярсайхан– ДАШТ-ий мөнгөн медальт ОУХМ П.Өнөрбатын багш
Буяндэлгэрийн Батбаяр -Чөлөөт бөхийн эмэгтэй шигшээ багийн ахлах дасгалжуулагч
Зэвэгийн Дүвчин– Дэлхийн хошой аварга С.Батцэцэгийн багш
Ганхуягийн Наранбат– Сумо бөхийн шигшээ багийн дасгалжуулагч
Оюунбилэгийн Пүрэвбаатар-ДАШТ-ий мөнгөн медальт, ОУХМ Б.Номингийн багш
Цэрэнбаатарын Хосбаяр– ДАШТ-ий мөнгөн медальт С.Цэрэнчимэдийн багш
Авирмэдийн Энхээ– ДАШТ-ий хүрэл медальт, ОУХМ Э.Бэхбаярын багш
Хишигбатын Эрдэнэт-Од – ДАШТ-ий хүрэл медальт ОУХМ Д.Сумьяа, Ц.Мөнхзаяа нарын багш
Цэрэнбаатарын- Цогтбаяр Чөлөөт бөхийн эрэгтэй шигшээ багийн ахлах дасгалжуулагч