Өмнөговь аймаг бөхчүүдээ тогтмол цалинтай болголоо. Тус аймагт үйл ажиллагаа явуулдаг зургаан компани үндэсний бөх болон чөлөөт бөхийн зургаан бөхтэй хөдөлмөрийн гэрээг байгуулж, тогтмол цалинжуулж, бэлтгэл сургуулилтаа хийхэд нь хамтран ажиллахаар болов. Аймгийн бөхчүүдийн чансаа, амжилтыг ахиулах, бэлтгэл сургуулилт хийх нөхцөлийг сайжруулахаар энэ ажил цаашид үргэлжлэх аж.
Үүнээс гадна Өмнөговь аймгаас улс аймгийн цолтой бөхчүүдийг олноор төрөн гаргах, бөхийн спортыг бодлогоор дэмжих зорилгоор 2018 онд 55 сая төгрөгийн санхүүжилтыг нийгэм эдийн засгийг хөгжүүлэх үндсэн чиглэлд тусгажээ.