Улсын хэмжээнд бүх төрлийн тээврээр энэ оны эхний 9 сард 39.9 сая тонн ачаа тээвэрлэсэн нь өмнөх оны мөн үеийнхээс 1.1 (3 хувь) сая тонноор нэмэгдлээ.
Үүнд авто тээврээр тээсэн ачаа 37.8 хувиар нэмэгдсэн нь нөлөөлснийг Үндэсний статистикийн хороо мэдээлэв.
Бүх төрлийн тээврээр энэ оны эхний 9 сард 116.5 сая хүн (давхардсан тоогоор) зорчсон нь өмнөх оны мөн үеийнхээс 58.7 (2 дахин) сая хүнээр нэмэгдсэн байна. Зорчигчдын тоо нэмэгдэхэд авто тээврээр зорчигчид 56.3 (97.8 хувь) сая хүнээр нэмэгдсэн нь нөлөөлжээ. Бүх төрлийн тээврээр тээсэн ачаа энэ оны 3 дугаар улиралд өмнөх улирлынхаас 5.9 (48.1 хувь) сая тонноор, зорчигч 18.8 (65.5 хувь) сая хүнээр нэмэгдлээ.
Бүх төрлийн тээврийн орлого энэ оны эхний 9 сард 1.4 их наяд төгрөг болж, өмнөх оны мөн үеийнхээс 342.7 (33.4 хувь) тэрбум төгрөгөөр нэмэгдсэн байна. Үүнд агаарын тээврийн орлого 211.6 (2.8 дахин) тэрбум, авто замын тээврийн орлого 204.8 (65.5 хувь) тэрбум төгрөгөөр өссөн нь нөлөөлөв. Бүх төрлийн тээврийн орлого энэ оны 3 дугаар улиралд өмнөх улирлынхаас 151.9 (33.2 хувь) тэрбум төгрөгөөр нэмэгдсэн аж.