“Жудагт Монгол” холбооноос Ялалтын талбайд
“Бүх ард түмний эв нэгдэл” цуглааныг зохион байгуулж байна. Цуглаанд Монголын ахмадын холбоо, Монголын
эмэгтэйчүүдийн холбоо, Монголын ардчилсан холбоо зэрэг 50 гаруй холбоод болон
төрийн бус байгууллагууд нэгджээ.Жагсаалд
оролцогчид, Сонгуулийн хуульд өөрчлөлт оруулж саналыг машинаар тоолохгүй байх,
Монгол улсыг түүхий эд хангагч биш үйлдвэрлэгч орон болгох, баялгыг тэгш
эрхтэйгээр хүртээмжтэй хуваарилах, эх хүүхдийн амьдралын баталгааг хангах,
нийгмийн үйл ажиллагаанд иргэний оролцоо хяналтыг баталгаажуулах, цөмийн
хаягдалгүй бүс нутаг болохыг шаардсан уриа лоозон барьжээ.
“Жудагт Монгол” холбооны тэргүүн Ж.Гомбожав “Төр
засагт дуу хоолойгоо хүргэх үүднээс саналаа хэлэлцье гэсэн юм. Манай
хөдөлгөөний гишүүн биш ч биднийг дэмжих хүмүүс энэ жагсаалд оролцох эрх нь
нээлттэй байна. Та бүхэн өөрийнхөө төлөө үзэл бодлоо индэр дээрээс чөлөөтэй
илэрхийлэх эрхтэй гэлээ. Энэ үеэр УИХ-ын гишүүн Л.Эрдэнэчимэг “Монгол улсын
нийгмийн бүх л салбарт байгаа хүнд суртал, шударга бус байдлын золиос хүүхэд,
эмэгтэйчүүд, эхчүүд болж байна. Тиймээс би Монголын эмэгтэйчүүдийн холбооны
тэргүүний хувьд эхчүүд хүүхдүүд эмэгтэйчүүдийнхээ эрхийг хамгаалах, тэдний
амьдралын баталгааг хангах зорилгоор “Жудагт Монгол” хөдөлгөөнд нэгдэж байна” гэв. Мөн УИХ-ын гишүүн Г.Уянга, УИХ-ын гишүүн Л.Эрдэнэчимэг,
“Эксклюзив” компанийн захирал Г.Майцэцэг тэргүүтэй хүмүүс оролцож байна.