“Рио-2016” олимпийн наадмын эрэгтэйчүүдийн хөлбөмбөгийн аваргаар тэмцээнийг зохион байгуулагч Бразилын шигшээ баг тодорлоо. Тодруулбал, шувтаргын тоглолтод Бразилын шигшээ Германтай 1:1-ээр тэнцээд “пенальти” буюу торгуулийн 11 метрийн зайнаас цохиход 5:4-өөр хожсон аж. Германиас Нильс Петерсен “пенальти” цохихдоо хаалгачид бариулсан бол Бразилаас Неймар шийдвэрлэх тав дахь цохилтыг амжилттай гүйцэтгэснээр эх орондоо олимпийн алтан медаль авчирлаа. Энэ нь Бразил улсын хөл бөмбөгийн спортын түүхэнд анхны олимпийн алтан медаль хүртсэн амжилт ажээ.