БНХАУ-ын зах зээлд төмрийн хүдрийн үнэ хоёр өдөр дараалан буурлаа. БНХАУ төмрийн хүдрийн үнийг бууруулахыг зорьж байгаа бөгөөд үүнтэй холбоотойгоор Далянийн Таваарын бирж гүйлгээний шимтгэлийг нэмээд байна.
БНХАУ эдийн засгаа дэмжихээр дэд бүтцийн хөрөнгө оруулалтаа нэмэгдүүлнэ гэсэн хүлээлт хөрөнгө оруулагчдын дунд бий болоод байгаа юм. Үүний дараа төмрийн хүдрийн үнэ өнгөрсөн оны 11 дүгээр сараас хойш 70 гаруй хувиар өсөөд байв.
Өнөөдрийн байдлаар Далянийн Таваарын биржид төмрийн хүдрийн үнэ 5.4 хувиар буурч, тонн нь 776 юань болоод байна.