НБА-д солилцооны зах хаагдахад хэдхэн хоногийн хугацаа үлдээд байгаа билээ. Энэ хооронд НБА-д бас нэгэн өөрчлөлт гарч болохуйц эхний солилцоо хийгджээ. Тодруулбал энэ зун Крис Полыг алдаад байсан Лос Анжелес Клиппэрс сэргээн босголт хийж, удаан хугацааны тогтвортой байдлаа алдахгүйн тулд Блэйк Гриффинг явуулсан байна. Харин оронд нь Дэтройт Пистонсоос Тобаиас Харрис, Эвэри Брэдли, Бобан Марянович драфтын нэг болон хоёрдугаар тойргийн эрхүүдийг өөрийн болгосон байна.
Ингэснээр Дэтройт Пистонс Блэйк Гриффин, Андрэ Драммонд гэсэн самбарын хослолтой болж байгаа юм. Мөн хасагдах шатанд тэдэнд хэрэгтэй од тоглогчоо олж чадлаа. Харин Клиппэрсийн хувьд Гриффин, ДэАндрэ зэрэг тоглогчдыг ойрын ирээдүйд зүйгээр алдаж болох эрсдэлээс зайлсхийж ямар ч байсан роль тоглогчид болон драфтын эрхүүдийг цуглуулж чадлаа. Сүүлд гарсан мэдээллээр тэд ДэАндрэ Жордан болон Лью Уиллиамс нарыг хүртэл солилцоонд оруулахад бэлэн гэж мэдэгдээд байна.