УИХ-ын сонгуульд нэр дэвшүүлэх ажиллагаа энэ сарын 14-20-ны өдрүүдэд үргэлжилнэ.
Үүнтэй холбогдуулж Сонгуулийн ерөнхий хороо холбогдох байгууллагуудтай хамтран өнөөдөр бие даан нэр дэвшигч нарт зориулсан сургалт явуулав. Сонгуулийн мэдээллийн нэгдсэн сангийн www.e-election.mn цахим системийг ашиглаж нэр дэвшигч нь бүртгүүлэхийн зэрэгцээ баримт бичиг болон нэр дэвших хүсэлтээ илгээх боломжтой.
Мөн сонгуулийн тойргийн 801-ээс доошгүй сонгогчийн гарын үсэг цуглуулах аж. Татварын хугацаа хэтэрсэн өр төлбөртэй эсэх талаарх тодорхойлолтыг etax.mta.mn цахим системээс авна.
Хөрөнгө орлогын мэдүүлгийг meduuleg.iaac.mn цахим системд үүсгэн мэдүүлж, баталгаажуулдаг болохыг Татварын ерөнхий газар, Авлигатай тэмцэх газраас мэдээлсэн юм.