Тодруулбал, мэргэжлийн хяналтын байгууллага, цагдаагийн алба хаагч, онцгой байдлын газрын алба хаагчид Хүй долоо худаг болон Төв цэнгэлдэхэд үүрэг гүйцэтгэнэ. Иргэдийн амар тайван байдал олон нийтийн хэв журмыг сахиулахаар цагдаагийн алба хаагчид албаны бэлэн байдалд ажиллах аж.
Учир нь баяр наадмын үеэр хөл хөдөлгөөн нэмэгдэж авто замын ачаалал зарим газруудад үүсэх магадлалтай байдаг. Тиймээс цагдаагийн алба хаагчид өндөржүүлсэн бэлэн байдалд энэ бүхнийг зохицуулна.
Иймд иргэд цагдаагийн алба хаагчдын тавьсан шаардлагад хүндэтгэлтэй хандах, гол усны ойр орчимд амарч зугаалахдаа аюулгүй байдлаа хангах, мөн түргэн болцтой, амархан мууддаг хоол хүнснээс татгалзахыг, худалдан авч хоол хүнсэндээ хэрэглэхгүй байхыг дээрх байгууллагуудаас анхааруулж байна.