Шинэ жилийн баярын ширээний гол чимэг бол яах аргагүй амтат бялуу, оргилуун дарс. Үүнээс гадна мэдээж төрөл бүрийн амттан. Тэгвэл “Бөмбөгөр” худалдааны төвд дээрх хүнсний бүтээгдэхүүнүүд ямар үнэтэй байгааг хүргэе.
-Бидний өргөн хэрэглэдэг Оросын “Советски” оргилуун дарс 7000 төгрөг. Түүнчлэн хоёр гурван жилийн өмнөөс худалдаалагдаж эхэлсэн Германы “Crown” 6800 төгрөг. Харин дотоодын үйлдвэрийн шампанск 5200-6500 төгрөгийн үнэтэй байна. Хүүхдийн оргилуун дарс 3800-4500 төгрөг.
-Амтат бялуу хэмжээ, үйлдвэрээсээ хамаараад 9000-35000 төгрөгийн үнэтэй байна. Энэ жил Орос үйлдвэрийн технологиор Монголд үйлвэрлэсэн бялуу эрэлт ихтэй байгаа аж. Хэмжээгээрээ арваад хүнд хүрэлцээтэй энэ бялуу 15000-16000 төгрөг байна.
-Амтат нийслэл салатны түүхий эд болох нарийн годгор хиам 5600-6800 бол бүрэн утлагат нь 7200-9800 төгрөгийн үнэтэй байна. Төмс нэг кг нь 1000 төгрөг, лууван 1200 төгрөг.
-Ихэнх айлууд хиамаа өргөст хэмхтэй зүсч, тавагладаг шүү дээ. Тэгвэл нэг кг өргөст хэмх 4000-4500 төгрөг. Улаан лооль 5500-6800 төгрөг.
– Улаанбаатар майонез хагас кг нь 2000 бол нэг кг нь 3000 төгрөг.
Түүнчлэн 25 кг-аар шуудайлсан “Улаанбаатар” болон “Алтан тариа”-н нэгдүгээр гурил 23000 төгрөг бол будаа нэг кг нь 1800-2300 төгрөг. Харин нэг кг-аар савласан дээдийн дээд гурил 1200-1400 төгрөг бол нэгдүгээр зэргийнх 1000-1300 төгрөг, хоёрдугаар зэргийнх 760-1000 төгрөг. Хонины ястай нэг килограмм мах дунджаар 3800 төгрөг, үхрийн ястай мах нэг килограмм нь дунджаар 5200 төгрөгийн үнэтэй байна.