Олон улсын хүүхдийн эрхийг хамгаалах өдрөөр Нийслэлийн Засаг даргын захирамжаар Улаанбаатар хотын төв хэсгийн авто замын хөдөлгөөнийг зарим газарт түр хязгаарлах боллоо.
Захирамжид зааснаар Д.Сүхбаатарын талбайд “Монгол хүүхдүүд” нэгдсэн баяр зохион байгуулах болсонтой холбогдуулан Д.Сүхбаатарын талбай, Цэцэг төвийн уулзвар, Боловсролын их сургууль, Цаг уурын уулзвар, Амарын гудамж, Туушингийн баруун уулзвар, Олимпын гудамж, Гадаад харилцааны яамны уулзварын авто замын хөдөлгөөнийг 6 дугаар сарын 1-ний өдрийн 7.00-18.00 цаг хүртэл түр хязгаарлахаар шийдвэрлэсэн байна.