Засгийн газрын ээлжит хуралдаанаар Цагдаагийн ерөнхий газрын дарга Б.Билэгтийг үүрэгт ажлаас нь чөлөөлөх шийдвэр гаргаж, түүний оронд Цагдаагийн Ерөнхий газрын тэргүүн дэд дарга С.Баатаржавыг түр орлон гүйцэтгэгчээр томилсон байна. Энэ шийдвэрийг Б.Билэгт нь хууль бус гэж үзэн шүүхэд хандсан юм. Дүүргийн иргэний хэргийн I шүүхээр энэ хэргийг авч хэлэлцээд Засгийн газрын шийдвэрийг түдгэлзүүлэх шийдвэр гаргасан юм. Дүүргийн иргэний хэргийн I шүүхийн шийдвэрийг Засгийн газар эсэргүүцэн давж заалдсан юм. Харин давж заалдах шатны шүүх хурал өнөөдөр болж анхан шатны шийдвэрийг хэвээр үлдээжээ.