Арабын нэгдсэн Эмират улсын Дубай хотноо болж буй Ази тивийн аварга шалгаруулах эмэгтэйчүүдийн тэмцээнд Монголоос 5 тамирчин оролцсон билээ. Тус тэмцээнд 51 кг-ын жинд Л.Алтанцэцэг, 54 кг-д Э.Мичидмаа, 75 кг-д М.Мягмаржаргал нар хүрэл медаль хүртлээ.
Энэ сарын 21-31-нд явагдсан Ази тивийн аварга шалгаруулах тэмцээнд багийн дүнгээр Казахстаны шигшээ баг 10 жингийн 8 жинд тэргүүлж, илт давуу түрүүллээ. Харин үлдсэн 2 алтан медалийг Энэтхэг, Узбекистаны боксчид авсан байна.
Ази тивийн сонирхогчдын боксын эмэгтэйчүүдийн АШТ-ээс медаль хүртсэн баг тамирчдыг танилцуулж байна.
Казахстаны шигшээ баг 8 алт, 1 мөнгө, 1 хүрэл, Узбекистан 1 алт, 5 мөнгө, 2 хүрэл, Энэтхэг 1 алт, 3 мөнгө, 6 хүрэл, Индонез 1 мөнгө, Монгол 3 хүрэл, Тажикистан 2 хүрэл, Шри-Ланк, Филиппин, Кувейт , АНЭУ тус бүр 1 хүрэл медаль хүртсэн байна.