Author: Админ

Categories
соёл-урлаг

ГЕГ: Он гарснаас хойш 3462.9 сая ам.долларын бараа, түүхий эд импортолжээ DNN.mn

Энэ оны эхний 5 сарын дүнгээр импортоор нийт 3462.9 сая ам.долларын бараа, түүхий эд оруулсан нь 2022 оны мөн үеэс 325.6 сая ам.доллараар буюу 10.4 хувиар өссөн байна.

Импортоор нийлүүлэгдсэн барааны нийт дүнд машин механик тоног төхөөрөмж ба эд анги, цахилгаан хэрэгсэл, тэдгээрийн сэлбэг 628.1 сая ам.доллар буюу 18.1 хувь, эрдэс бүтээгдэхүүн 834.8 сая ам.доллар буюу 24.1 хувь (үүний дотор нефтийн бүтээгдэхүүн 728.6 сая ам.доллар буюу 87.3 хувь), мал амьтан, ургамлын гаралтай бүтээгдэхүүн, хүнсний зүйл 378.6 сая ам.доллар буюу 14.2 хувь, авто агаарын тээврийн хэрэгсэл тэдгээрийн эд анги 659.8 сая ам.доллар буюу 19.1 хувь, үндсэн төмөрлөг болон түүгээр хийсэн бүтээгдэхүүн 287.4 сая ам.доллар буюу 8.3 хувь, химийн болон түүнтэй холбоотой үйлдвэрийн бүтээгдэхүүн 194.9 сая ам. доллар буюу 5.6 хувийг тус тус эзэлж, эдгээр бүтээгдэхүүнд нийт дүнгийн 82.6 хувь ногдож байна

Манай улс дэлхийн 136 орноос гарал үүсэлтэй бараа импортлосноос БНХАУ-д 39.0 хувь, ОХУ-д 26.7 хувь, Япон-д 7.7 хувь, БНСУ-д 4.5 хувь, АНУ-д 3.1 хувь тус тус ногдож байгаа нь нийт импортын дүнгийн 81.1 хувийг эзэлж байна гэж Гаалийн ерөнхий газраас мэдээллээ.

Categories
цаг-тооны-бичиг

2023.6.8

Тухайн өдөр бар, туулай, бич, тахиа жилтнээ аливаа үйлийг хийхэд эерэг сайн ба үхэр, луу, хонь, нохой жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Өдрийн сайн цаг нь хулгана, бар, туулай, морь, хонь, тахиа болой. Эл өдөр эд эдлэл барагдах, хулгай, дээрмийг дарах тэргүүтэнд махаши тэнгэрээс гаслан ирэх тул хэрэг тус үл бүтнэ, үсэг зурхайд суралцах, бэрийн болон буяны үйл, дайсныг дарахад сайн. Зүүн нүд татвал үзэсгэлэн болох, баруун нүд татвал үйл өчүүхэн бүтэх, баруун чих хангинавал гоо болох, зүүн чих хангинавал сайн. Нохой уливал хааны хэрэг болох, хэрээ дуугарвал өөрийн цусыг үзэх, тагнай загатнавал гэрт үзэсгэлэн болох, бүх бие татвал эд алдах, хөлийн мах татвал сайн гэдэг.

Categories
жинлүүр

2023.06.07

Аргын тооллын зургадугаар сарын 7, Буд гариг. Билгийн тооллын 19, элдэв тэнгэртэн одтой, улаан бич өдөр. Өдрийн наран 4:54 цагт мандан, 20:48 цагт жаргана. Тухайн өдөр хулгана, луу жилтнээ аливаа үйлийг хийхэд эерэг сайн ба могой, морь жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр эе, эвээ ололцох, хамтын хөдөлмөр эхлэх, гэрээ хэлцэл байгуулах, найр хурим хийх, бэр гуйх, инж өгөх, авах, үнэт эрдэнийн зүйл авах, хараал, жатхыг буцаах, бүжиг наадам хийх, цэцэрлэг байгуулах, урлан бүтээхэд сайн. Хувцас эсгэх, шинэ хувцас өмсөх, зөвлөгөө хийхэд муу. Өдрийн сайн цаг нь хулгана, үхэр, луу, могой, хонь, нохой болой. Хол газар яваар одогсод зүүн урагш мөрөө гаргавал зохистой. Үс шинээр үргээлгэх буюу засуулбал “Сайн нөхөртэй учрах” хэмээх сайн.

Categories
эдийн-засаг

Х.Нямбаатар: “Шувуу” ажиллагаагаар 12 хүнийг авчрахаар ажиллаж байна DNN.mn

Хууль зүй, дотоод хэргийн сайд Х.Нямбаатар өнөөдөр /2023.06.07/ цаг үеийн асуудлаар мэдээлэл хийлээ.

Тэрбээр “Засгийн газраас 2023 оныг авлигатай тэмцэх жил болгон зарласан. Энэ хүрээнд 5Ш ажиллагааг хэрэгжүүлж байгаа.

Миний бие “Шувуу” ажиллагааг нь ахалж ажиллаж байна. Бид анх 92 хүний асуудлыг танилцуулсан.

Авлига, албан тушаалын гэмт хэрэгт шалгагдаж байхдаа оргон зайлсан, бусад төрлийн гэмт хэрэг үйлдээд, мөрдөн шалгах ажиллагааны явцад оргон зайлсан 92 нэр бүхий хүмүүсийг Монгол Улсад авчирч, мөрдөн шалгах ажиллагааг хэвийн үргэлжлүүлэх чиглэлээр ажиллана гэдэг зүйлийг ярьж байсан.

Энэ тоо өсч, 127 хүний нэр гарч ирсэн. Тэднийг “Шувуу” ажиллагааны хүрээнд тасралтгүй эрэн хайх ажиллагааг үргэлжлүүлэх, зарим улстай хамтран ажиллаж авч ирэх чиглэлээр ажиллаж байна.

Өнөөдрийн байдлаар авлигатай тэмцэх “Шувуу” үйл ажиллагааны хүрээнд интерполын улаан буланд 22 хүн, хөх буланд 70 хүнийг эрэн сурвалжлуулж байна. Үүнээс нийт 45 хүнийг олж тогтоосон. Таван хүнийг авчирсан. Одоо 12 орчим хүнийг авч ирэхээр бэлтгэл ажлыг хангаж байна” гэлээ.

Categories
мэдээ

Авто зам засварын төрийн өмчит 20 компанийг нэгтгэхээр боллоо DNN.mn

Төрийн өмчит компаниудыг нээлттэй болгох ажил эхэлсэн талаар ЗГХЭГ-ийн дарга Д.Амарбаясгалан хэллээ.

Тэрбээр “21 аймагт үйл ажиллагаа явуулж байгаа авто зам засвар, арчлалт(АЗЗА)-ын 20 компанийг нэгтгэх шийдвэр Засгийн газрын хуралдаанаас гарлаа. Ийнхүү тус бүрдээ 1.5 орчим тэрбум төгрөгийн үнэлгээтэй 20 авто зам засвар, арчлалтын компанийг нэгтгэж, нийт 38 тэрбум төгрөгийн үнэлгээтэй компани болгон өөрчлөн байгуулж байна. Ийнхүү нэгтгэсний дараа олон нийтэд хувьцаа гаргах шийдвэр гарсан.

Ингэж чадсанаар хэд хэдэн давуу талыг бий болгоно. Үүнд,

  1. Энэ чиглэлийн бизнес эрхэлж байгаа хүмүүс энэ компанид хөрөнгө оруулах сонирхлыг татах боломж бүрдүүлж байна6
  2. Компанийн засаглалыг сайжруулж, үр ашигтай ажиллах нөхцөл бүрдэнэ.

Төрийн өмчит компанийг нээлттэй, үр ашигтай болгох чиглэлээр Засгийн газар ийм шийдвэр гаргасан.

Жишээ дурдахад 20 АЗЗА компанийн ТУЗ гэхэд нэгэнд нь 9-10 ажиллаж байдаг. Тэгвэл 180 ТУЗ-ийн хүнээс есөн хүн ТУЗ болж цөөрч байна. Тэр хэвээрээ төсвийн хэмнэлт бий болж байна” гэлээ.

Categories
мэдээ

2024 онд нийт 1.3 сая жуулчин хүлээн авна DNN.mn

Монгол Улсын хөгжлийн 2024 оны төлөвлөгөөний бодлогын тэргүүлэх чиглэл болох “Аялал жуулчлалыг хөгжүүлэх” хүрээнд: Цар тахлын нөлөөгөөр 2022 онд Монголд ирсэн гадаад жуулчдын тоо 300 мянга болж буурсан. Аялал жуулчлалын салбарын бүтээгдэхүүний нэр төрлийг нэмэгдүүлэх, дэд бүтцийг сайжруулах хөрөнгө оруулалтыг түлхүү хэрэгжүүлж 2024 онд нийт 1.3 сая жуулчин хүлээн авна.

– Агаарын тээврээр зорчих жуулчдыг нэмэгдүүлнэ.
– Агаарын тээврийн либералчлалыг бүрэн хэрэгжүүлнэ.
– 4C, 4D ангиллын агаарын хөлөг хүлээн авах хүчин чадлыг нэмэгдүүлж аэродром, зорчигч үйлчилгээний цогцолборыг байгуулна.
– Тусгай үүргийн нислэгүүдийг зөвшөөрнө.
– Орон нутгийн нислэгүүдийг нэмэгдүүлж, тогтмолжуулна.
– Жуулчдад зориулсан бүтээгдэхүүний нэр төрлийг нэмэгдүүлнэ.
-Жуулчид автомашинтайгаа аялах боломжийг бүрдүүлнэ.
-Виз олголтыг хялбаршуулах, визгүй зорчих боломжийг бүрдүүлнэ.
-Хил орчмын болон хил дамнасан аялал жуулчлалын бүс нутгуудын хамтын ажиллагааг өргөжүүлнэ.
-Аялал жуулчлалын тусгай бүс байгуулна.
-Палеонтологийн нөөцөд тулгуурлан “Аялал, Судалгаа-Амралт”-ын цогцолбор байгуулна. /Дундговь, Цагаансуварга/
-Улирлын чанартай “Буйр нуур” усан замын боомт байгуулна.
– Аялал жуулчлалын бүс нутгийн авто замын дэд бүтцийн чанар, хүртээмжийг нэмэгдүүлнэ.
-Аялал жуулчлалын авто замын сүлжээг нэмэгдүүлэх чиглэлд 2024 онд хатуу хучилттай авто зам, авто замын их засвар, гүүр, гүүрэн байгууламжийн хөрөнгө оруулалтыг нэмэгдүүлнэ.
-200 км тутамд амрах өртөө байгуулна.
Дээрх үр дүнд хүрэхээр нийт 801 тэрбум төгрөгийн 35 төсөл арга хэмжээ хэрэгжүүлэх юм.

 

Categories
мэдээ

ЗГ: Архангай, Төв, Завхан, Хэнтий, Говь-Алтай аймаг 100 жилийн ойн баяр наадам тэмдэглэнэ DNN.mn

Ардын Засгийн газрын 1923 оны шийдвэрээр Цэцэрлэг Мандал уулын аймаг, Богд хан уулын аймаг, Хантайшир уулын аймаг, Хан Хэнтий уулын аймаг байгуулагдсаны 100 жилийн ойн баяр наадмыг Архангай, Төв, Завхан, Хэнтий аймагт 2023 оны долдугаар сарын 27, 28-нд, Хантайшир уулын аймаг байгуулагдсаны 100 жилийн ойн баяр наадмыг Говь-Алтай аймагт наймдугаар сарын 01, 02-нд тус тус тэмдэглэнэ.

Хурдан морины бүсийн уралдааныг аймаг байгуулагдсаны ойн баяр наадамтай хамтатган зохион байгуулна. Мөн аймгийн Засаг дарга нараас ирүүлсэн саналыг үндэслэн Говьсүмбэр аймгийн баяр наадмыг 2023 оны долдугаар сарын 06, 07, Булган аймгийн баяр наадмыг тус сарын 08, 09, Дорноговь аймгийн баяр наадмыг 27, 28-нд тус тус тэмдэглэхийг зөвшөөрлөө.

Categories
гадаад

“Apple” ухаалаг бугуйн цагандаа программын шинэчлэл хийнэ DNN.mn

“Apple” компани ухаалаг бугуйн цагныхаа анхны хувилбарыг танилцуулснаас хойш анх удаа программ хангамжийн шинэчлэл хийхээр төлөвлөж байна. Шинэчлэлийн хүрээнд “widget” буюу нэмэлт тоноглолууд дээр төвлөрөхөөс гадна цагны ажиллах бүтцэд томоохон өөрчлөлт хийх аж.

“Apple” компани “watchOS”-оо 2015 онд анх үндсэн дөрвөн бүрэлдэхүүн хэсэгтэй гаргасан юм. Түүнээс хойших шинэчлэлүүд нь “widget”-ийг орхигдуулаад байв. Шинээр гарах “watchOS 10” загварт “Widget” хамгийн чухал байр суурь эзэлж байгаа аж.

Мөн энэ онд болон ирэх жилүүдэд “Apple” компани эрүүл мэндийн цоо шинэ функц нэмэхээр ажиллаж байна. Тус компани “watchOS 10”-ийн шинэ стратегиа зургаадугаар сард болох Дэлхийн хөгжүүлэгчдийн чуулганы үеэр танилцуулна.

Мөн “iOS 17” үйлдлийн систем, “macOS 14”, 15 инчийн “MacBook Air”, AR/VR хосолсон төхөөрөмжөө олон нийтэд хүргэх юм.

Шинэчлэлийн хүрээнд “Apple” компани ухаалаг бугуйн цагны товчны үйлдлийг өөрчилж магадгүй байгаа аж. Өмнө нь товчлуур дарахад “home screen” нээгддэг байсан бол шинэчлэл хийснээр “widget” цэс нээгдэнэ.

Х.Солонго

Categories
америкийн-монголчууд

“The Нu” хамтлагийн шуудангийн маркийн нээлт боллоо DNN.mn

“The Hu” хамтлагийн дэлхийд гарах шуудангийн маркийн нээлтийн үйл ажиллагаа өчигдөр Чингис хаан үндэсний музейд боллоо.

“Чингис хаан” одонт “The Hu” хамтлаг нь байгуулагдсан цагаасаа хойш 2019 онд “Гэрэг” цомог, 2022 онд “Аянгын нүргээн” цомгоо гаргаж, одоог хүртэл Billboard-н шилдэг 10 дуунуудад шалгарсаар байгаа бөгөөд энэ онд шинэ цомгийнхоо ажилд ороод байгаа юм байна.

Тэд дөрвөн тивийн улсуудад очиж, Сoachella зэрэг хөгжмийн наадмаас эхлээд нийтдээ 270 гаруй тоглолтод оролцжээ.

Өмнө нь Монголбанкны Эрдэнэсийн сангаас “The Hu” нэртэй гурван төрлийн дурсгалын зоосыг гаргаж байсан юм.

3 нүүр

3 нүүр