Author: Админ

Categories
мэдээ цаг-үе

Төрийн ордны арын цэцэрлэг олон нийтэд нээлттэй боллоо DNN.mn

Төрийн ордны арын цэцэрлэг олон нийтэд  нээлттэй болжээ. Уг нь тухайн цэцэрлэгийг иргэдэд нээлттэй болгох тохижилтыг энэ оны зургаадугаар сарын 1-н гэхэд дуусгана хэмээж байсан юм.

Улаанбаатар хотын Захирагчийн ажлын албанаас өмнөх сард мэдээлэл өгөхдөө “Төрийн ордны арын цэцэрлэгийн гэрэлтүүлэг, сандал хогийн сав, 2,000 м.кв талбайд явган хүний зам, талбайн тохижилтыг хийж дууссан.

Иргэдэд зориулсан цэвэр усны системийн тоног төхөөрөмжийг угсарсан. УБЗАА-наас уг цэцэрлэгийг иргэдэд нээлттэй болгоход татгалзах зүйл байхгүй. Төрийн тусгай хамгаалалттай газраас хашааг янзлах санал гаргаад байгаа” гэж байв.

Categories
мэдээ спорт

“Гоолын баяр-2023” хүүхдийн хөлбөмбөгийн тэмцээн нээлтээ хийлээ DNN.mn

Төв аймгийн Алтанбулаг сумын уугуул Монголын Үндэсний Олипын Холбооны Ерөнхийлөгч асан, Монголын хөлбөмбөгийн холбооны Ерөнхийлөгч асан Шинжлэх ухааны Доктор (Sc.D), профессор С.Жамцын нэрэмжит “Гоолын баяр-2023” хүүхдийн хөлбөмбөгийн тэмцээн 2023 оны есдүгээр сарын 9-30-ны хооронд зохион байгуулагдаж байна.
Тэмцээнд Зуунмод сумын 4 сургуулийн 35 багийн 350 гаруй өсвөрийн тамирчин оролцож байна.
Тус тэмцээнээс өсвөрийн хөлбөмбөгчдийг сонгон шалгаруулж, БНСУ-ын Ганвон мужид 2024 онд зохион байгуулагдах Сон Хён Минийн нэрэмжит олон улсын тэмцээнд оролцуулах юм.
Тэмцээнийг Төв аймгийн БТСГ, Зуунмод сумын ЗДТГ, Дэлхийн Зөн Монгол ОУБ, Төв аймгийн хөлбөмбөгийн холбоо хамтран зохион байгуулж байна.
Categories
мэдээ нийгэм

“Барилгын салбар гамшгийн эсрэг хамтдаа” уриан дор бэлэн байдлын үзлэг хийж байна DNN.mn

“Монгол Улсын Шадар сайдын 51 дүгээр тушаалаар баталсан удирдамж, Онцгой байдлын ерөнхий газрын даргын тушаалаар баталсан “Гамшгаас хамгаалах бэлэн байдлын үзлэг зохион байгуулах, үнэлэх журам”-ын хүрээнд Онцгой байдлын ерөнхий газраас Барилга, хот байгуулалтын улсын албаны дэргэдэх Мэргэжлийн ангиудын бэлэн байдлын үзлэгийг зохион байгуулж байна.
Барилга, хот байгуулалтын Улсын албаны дэргэд болзошгүй гамшгийн эрсдэлт аюулаас урьдчилан сэргийлэх, гамшгийн голомтод үүссэн хор уршгийг арилгах, хойшлуулшгүй сэргээн босгох ажиллагаанд дэмжлэг үзүүлэх үүрэг бүхий гурван мэргэжлийн ангийг Барилга, хот байгуулалтын сайдын тушаалаар байгуулан ажиллаж байгаа юм.
“Барилгын салбар Гамшгийн эсрэг хамтдаа” уриан дор зохион байгуулж байгаа бэлэн байдлын үзлэг энэ сарын 8, 20, 21-ний өдрүүдэд үргэлжилнэ.
Өнөөдрийн тухайд гамшгаас хамгаалах алба, мэргэжлийн ангийн томилгоот 80 ажилтан, алба хаагч, 150 гаруй тусгай зориулалтын багаж, техник хэрэгсэлийг үзлэгт хамруулж, бие бүрэлдэхүүний хүн нэг бүрийн хамгаалах хэрэгсэл, гамшгийн голомтод үүрэг гүйцэтгэх багаж, техник, тоног төхөөрөмжийн бэлтгэл, бэлэн байдлыг шалгалаа
Categories
нийгэм цаг-үе

Саппорогоос Москва хорооллын гүүр хүртэлх явган хүний замыг тохижуулна DNN.mn

Энхтайваны өргөн чөлөө дагуу буюу Өнөр хорооллын урдуур, Саппорогоос Москва хорооллын гүүр хүртэлх 2.6 км явган хүний замыг тохижуулна.

Дугуйн зам, туслах зам, ногоон байгууламж, гэрэлтүүлэг бүхий иж бүрэн тохижилтыг  эхлүүлжээ. Тус ажлын гүйцэтгэгчээр Улаанбаатар зам засвар, арчлалтын газар ОНӨААТҮГ ажиллана.

Categories
мэдээ соёл-урлаг

Тайландад “Монгол цам” үзэсгэлэн аравдугаар сарын 24-нд нээлтээ хийнэ DNN.mn

Тайландын нийслэл Бангкок хотод “Монгол цам” үзэсгэлэн энэ оны аравдугаар сарын 24-нд нээлтээ хийнэ.

Бүтэн сарын хугацаанд олон улсын аялагчдын мэлмийг баясгаж, “Welcome to Mongolia” арга хэмжээг сурталчлах, монгол цамын үзүүлбэр толилуулах зэргээр Байгаль орчин, аялал жуулчлалын яамнаас хамтран ажиллах боломжтойг илэрхийлэв.

Мөн “Монгол цам”-ыг дэлхийн өвд бүртгүүлэхэд салбарын сайдын зүгээс дэмжиж ажиллахаа илэрхийллээ.

Монголын үзэсгэлэнт байгаль, ан амьтад, ахуй амьдралыг жуулчид сонирхохоос гадна өв уламжлал, зан заншлын өвөрмөц онцлогийг тусгайлан сонирхон, судлахаар зорин ирдэг. Тэдний нэг нь Тайландын алдарт гэрэл зурагчин Жатэнипат Кэтпрадит юм. Тэрбээр Монгол хүрээ цамын гэрэл зургаар дагнан олон улсад үзэсгэлэн гаргахаар ажиллаж байгаагаа танилцууллаа.

Categories
мэдээ нийгэм

Тарваган тахлаас сэргийлээрэй DNN.mn

Тарваган тахал өвчнөөс сэргийлж, эрсдэлт үйлдлээс татгалзаж, мэргэжлийн байгууллагын зөвлөмжийг дагана уу.

Categories
мэдээ нийгэм

ЭЦА: Хууль бусаар ашигт малтмал олборлох 13 үйлдлийг илрүүллээDNN.mn

Уул уурхай, ашигт малтмал хууль бусаар олборлох гэмт хэргүүдийг илрүүлэн шалгаж байгаагаа Экологийн Цагдаагийн Албанаас мэдээллээ. 

Хууль бусаар ашигт малтмал олборлох гэмт хэргийг илрүүлэх, таслан зогсоох, урьдчилан сэргийлэх чиглэлээр хяналт шалгалтын ажлыг өнгөрсөн сард зохион байгуулж, гэмт хэргийн шинжтэй 13 үйлдлийг илрүүлсэн байна.

Баянхонгор аймгийн хэмжээнд: 

  • Галуут сумын харьяат Н. Б нар нь бичил уурхайгаар ашигт малтмал олборлох талаар холбогдох бичиг баримтын бүрдлийг хангахгүйгээр сумын Засаг даргатай гэрээ байгуулж, “Далтын овоолго” гэх газарт хууль бусаар газрын хэвлийд халдсан.
  • Жаргалант сумын нутаг “Мандалын Бөөрөг” гэх газар шүүхийн шийдвэрээр нөхөн сэргээлт хийх байсан ч нэр бүхий компани олборлолтын үйл ажиллагаа явуулсан.
  • Мөн иргэн Б. Ж нар Жаргалант сумын гуравдугаар багийн нутаг Зүүн салаа гэх газарт ашиглалтын тусгай зөвшөөрөлгүй талбайд хууль бусаар ашигт малтмал олборлохыг завдаж, техник хэрэгсэл авч явж байсан.

Сэлэнгэ аймгийн хэмжээнд:

  • Ерөө сумын Бугант тосгоны Их алт-Буурал гэх газарт иргэн С нь хууль бусаар ашигт малтмал олборлох зорилгоор газрын хэвлийд халдсан.
  • Ерөө сумын Өлөнт гэх газар “У.Х” ХХК нь хууль бусаар ашигт малтмал олборлосон.
  • Ерөө сумын Бугант тосгоны 35-ын ам гэх газарт иргэн Э, Б нар нь хууль бусаар ашигт малтмал олборлох зорилгоор техник хэрэгсэл ашиглан газрын хэвлийд халдсан.
  • Ерөө сумын гуравдугаар багийн “Дунд өлөнт” гэх газарт иргэн Л, У нар нь хууль бусаар ашигт малтмал олборлох зорилгоор техник хэрэгсэл ашиглан газрын хэвлийд халдсан.
  • Мандал сумын Хэрх багийн “Ноён уул” улсын тусгай хамгаалалтай газарт иргэн Б, Г нар нь гар аргаар ашигт малтмал олборлосон.
  • Мандал сумын нутаг “Ноён уул” улсын тусгай хамгаалалтай газарт иргэн Г бусадтай бүлэглэн гар аргаар хууль бусаар ашигт малтмал олборлосон.

Сүхбаатар аймгийн хэмжээнд:

  • Түвшинширээ сумын дөрөвдүгээр багийн нутаг ”Хавцал” гэх газарт иргэн М, Б, Ц нар нь бусадтай бүлэглэн хууль бусаар ашигт малтмал олборлох зорилгоор металл хайгч ашиглан газрын хэвлийд халдсан.

Увс аймгийн хэмжээнд:

  • Увс аймгийн Бөхмөрөн сум хоёрдугаар багийн нутагт “Мөргөц” гэх газарт иргэн Б нь бусадтай бүлэглэн металл илрүүлэгч ашиглан гар аргаар ашигт малтмал олборлосон.

Дорноговь аймгийн хэмжээнд:

  • Дорноговь аймгийн Өргөн суманд үл таних этгээдүүд хууль бусаар газрын хэвлийд халдсан зэрэг болно.

Эрүүгийн хуулийн 7.5 дугаар зүйл. Хөрөнгө, орлогыг хураах албадлагын арга хэмжээ

7.5.4-д Гэмт хэрэг үйлдэж олсон эд зүйл, түүний үнэ, гэмт хэрэг үйлдэхэд ашигласан тээврийн хэрэгсэл, уналга, галт зэвсэг, зэвсэг, тусгайлан бэлтгэсэн зэвсгийн чанартай зүйл нь тухайн гэм буруутай этгээдийн өмчлөлд байсан нь тогтоогдсон тохиолдолд түүнийг хураан авч хадгалах, устгах, гэмт хэргийн хохирол нөхөн төлөхөд зарцуулна.

24.2 дугаар зүйл. Хууль бусаар ашигт малтмал хайх, ашиглах, олборлох

1.Тусгай зөвшөөрөлгүйгээр ашигт малтмалын эрэл хайгуул, олборлолт, боловсруулалт, ашиглалт явуулсан, эсхүл ашигт малтмал олборлохоос өөр зориулалтаар хууль бусаар газрын хэвлийд халдсан бол таван мянга дөрвөн зуун нэгжээс хорин долоон мянган нэгжтэй тэнцэх хэмжээний төгрөгөөр торгох, эсхүл нэг жилээс таван жил хүртэл хугацаагаар хорих ял шийтгэнэ.

Categories
мэдээ энтертаймент-ертөнц

“Инээмтгий хүн” жүжиг “Гэгээн Муза-17” наадмын зургаан номинацид өрсөлдөнө DNN.mn

Театрын урлагийн шилдэг бүтээл болон уран бүтээлчдийг шалгаруулдаг “Гэгээн Муза” олон улсын театрын наадамд “Pro” театрын бүтээл “Инээмтгий хүн” жүжиг нь зургаан номинацид өрсөлдөж байна.

Тодруулбал

  • Шилдэг эрэгтэй гол дүрийн жүжигчин төрөлд гавьяат жүжигчин Ц.Төмөрхуяг Урсусын дүрээр,
  • Шилдэг эмэгтэй гол дүрийн жүжигчин төрөлд Соёлын тэргүүний ажилтан Т.Энэрэл Деягийн дүрээр,
  • Шилдэг эрэгтэй туслах дүрийн жүжигчин төрөлд Соёлын тэргүүний ажилтан О.Итгэл нар тус тус нэр дэвшиж байна.
“Гэгээн Муза-17” олон улсын театрын наадмыг Нийслэлийн Засаг даргын ивээл дор “Монголд зочлох жил”-ийн хүрээнд Ноён хутагт Данзанравжаагийн мэндэлсний 220 жилийн ойг тохиолдуулан есдүгээр сарын 7-17-нд зохион байгуулах юм.

Тус наадамд ирсэн бүтээлүүдийг таван төрлөөр шалгаруулдаг хэдий ч энэ жил “Хөгжимт бүжгийн төрөл”-ийн шалгаруулалтад цөөн тооны бүтээл ирсэн учир дөрвөн төрөлд шалгаруулахаар болжээ.

Categories
нийгэм цаг-үе

Эргэлт.мн мэдээллийн сайтын гурван жилийн ой тохиож байна DNN.mn

Монголын анхны “Балдорж” шагналт редакц, МСНЭ-ийн “Ган үзэг” шагналт Эргэлт.мн мэдээллийн сайтын оюунлаг уншигч танд 1095 хоногийн мэнд хүргэе. “Оюунлаг ирээдүйн төлөө” уриатай Эргэлт.мн мэдээллийн сайт 2020 оны есдүгээр сарын 9-ний өдөр үүсгэн байгуулагдсан. Үүсгэн байгуулагдсан цагаасаа эхлэн Эргэлт.мн мэдээллийн сайт нь оюунлаг ирээдүйг бүтээхийн төлөө нийгмийг соён гэгээрүүлэх, танин мэдүүлэх, үнэн бодит, тэнцвэртэй мэдээллээр уншигчдыг шуурхай хангах үүргээ нэр төртэйгөөр биелүүлэн ажиллаж байна.

Эргэлт.мн мэдээллийн сайтын хамт олон нь сэтгүүл зүйн шилдэг бүтээлд олгодог “Балдорж” сангийн шилдэг төслийн уралдаанд “Ковид-19” ба монголчуудын амьдрал” төслөөрөө шалгарч, Монголын анхны “Балдорж” шагналт редакц болсон билээ. Түүнчлэн тус сайтын хамт олон нь 2021 оны шилдэг мэдээллийн сайтаар шалгарч, МСНЭ-ийн “Ган үзэг” шагналт редакц болсон юм.

Мөн Эргэлт.мн мэдээллийн сайт сэтгүүлч, уран бүтээлчдийнхээ шилдгийн шилдэг бүтээлүүдийг эмхэтгэн “ЭРГЭЛТИЙН НОМЫН САН” цуврал 10 ном бүтээж, уншигчдын хүртээл болгосон. Монголын сэтгүүл зүйн салбарт өмнө нь бие даасан чөлөөт редакц нийтлэл, ярилцлага, хөрөг, тэмдэглэл, сурвалжилга тэргүүтэй бичлэгийн бүхий л төрлөөр бичсэн бүтээлүүдийг цогцоор нь багтаасан 10 ном буюу 2600 гаруй хуудас бүхий баримт, гэрэл зураг хавсаргасан бүтээлийг нэг дор хэвлүүлж, олон нийтэд хүргэж байгаагүй. Тиймээс энэхүү “ЭРГЭЛТИЙН НОМЫН САН” цуврал нь нэг редакцаас “төрсөн” бүтээлүүдийн цуврал гэдгээрээ Монголын сэтгүүл зүйн салбарт анхдагч болсон юм.

Үүгээр ч зогсохгүй Эргэлтийнхэн гурван жилийн хугацаанд сэтгүүл зүйн бүтээлүүдийг баринтагласан “Эргэлт” сэтгүүлийн хоёр дугаарыг амжилттай гаргаж, уншигчдын хүртээл болгоод байна. Мөн тун удахгүй Эргэлт сэтгүүлийнхээ гурав дахь дугаарыг хэвлэлтэд шилжүүлэхэд бэлэн болжээ.

Эргэлтийнхний бүтээх, уншигчдаа хүргэх хүслийн сэжмээс олон олон сайн бүтээл төржээ. Үүний нэг нь гурван жилийн ойдоо зориулсан уран бүтээлийн Эргэлт сонин байлаа. Сэтгүүл зүйл бүхий л төрлийг багтаасан 40 нүүртэй Эргэлт сонин хэдхэн хоногийн өмнө “мэндэлжээ”.

Categories
мэдээ нийгэм

Энэ онд 4000 га талбайд техникийн нөхөн сэргээлт, 1500 га талбайд биологийн нөхөн сэргээлт хийнэ DNN.mn

БОАЖЯ-наас 2020 онд улсын хэмжээнд уул уурхайн олборлолтын улмаас эвдэрч орхигдсон газруудын тооллогыг зохион байгуулж, Засгийн газрын 2020-2024 оны үйл ажиллагааны хөтөлбөрийн 5.1.8-д “Уул уурхайн олборлолтын улмаас эвдэрч олон жил орхигдсон 8000 га талбайг нөхөн сэргээнэ” гэсэн зорилтыг тусгасан.

Энэ зорилтын хэрэгжилтийг хангах хүрээнд Монгол Улсын Шадар сайд, Байгаль орчин, аялал жуулчлалын сайд, Уул уурхай, хүнд үйлдвэрийн сайд, Хууль зүй, дотоод хэргийн сайд нарын “Нэгдсэн арга хэмжээ зохион байгуулах тухай” хамтарсан тушаалыг гаргаж, салбар дундын ажлын хэсгийг Байгаль орчин, аялал жуулчлалын дэд сайд ахалж, аймаг, нийслэл бүрт нөхөн сэргээлтийн ажлыг эрчимжүүлэх дэд ажлын хэсгүүд байгуулан ажлын төлөвлөгөө гарган ажиллаж эхэлсэн юм.

“Нөхөн сэргээлт-2024” арга хэмжээний хүрээнд 2020, 2021, 2022 онд нийт 6286 га талбайд техникийн нөхөн сэргээлт, 2085 га талбайд биологийн нөхөн сэргээлтийг хийлгүүлсэн байна.

398.7 ГА ТАЛБАЙД ТЕХНИКИЙН НӨХӨН СЭРГЭЭЛТИЙГ БҮРЭН ХИЙЛГҮҮЛЛЭЭ

БОАЖЯ-ны Хүрээлэн буй орчны бодлого зохицуулалтын газраас 2023 онд 4000 га талбайд техникийн нөхөн сэргээлт, 1500 га талбайд биологийн нөхөн сэргээлт хийлгүүлэх зорилт тавин ажиллаж байгаа бөгөөд 2023 оны эхний нөхөн сэргээлт хийгдсэн газруудыг хүлээн авах ажлыг эхлүүлээд байна.

Тухайлбал, БОАЖЯ-ны Хүрээлэн буй орчны бодлого зохицуулалтын газрын дарга Б.Буяннэмэхээр ахлуулсан ажлын хэсэг, Сэлэнгэ аймгийн БОАЖГ, “Оюу толгой” ХХК-тай хамтран Байгаль орчин, аялал жуулчлалын сайд, Сэлэнгэ аймгийн Засаг дарга, “Оюу толгой” ХХК-ийн 2022 онд байгуулсан гэрээний хүрээнд Сэлэнгэ аймгийн Ерөө сумын Ялбагийн хөндий нэртэй газарт хариуцлагагүй бичил уул уурхайн улмаас эвдрэлд оруулсан байсан нийт 398.7 га талбайд техникийн нөхөн сэргээлтийг бүрэн хийлгүүлж үүрэг даалгаврын биелэлтээр орон нутагт актаар хүлээн авах ажлыг зохион байгууллаа.