Сүхбаатар дүүргийн ЗДТГ-аас санаачилсан “Хүүхдийн хүчирхийллийн эсрэг хамтдаа” сургалт зөвлөгөөн Хүүхдийн урлан бүтээх төвд боллоо. Энэхүү сургалтанд иргэд болон хүүхэд гэр бүлтэй хамгийн ойр ажилладаг 20 хорооны нийгмийн ажилтан, хэсгийн ахлагч, ЕБС-ийн нийгмийн ажилтан, цэцэрлэгийн арга зүйчид болон СӨХ-ны ажилтнууд оролцов. Тус зөвлөгөөн нь хүүхдүүдийг хүчирхийллийн аливаа эрсдлээс урьдчилан сэргийлэх, эрхээ хэрхэн хамгаалах, холбогдох хууль тогтоомжийн талаар мэдлэг, мэдээлэлтэй болох ялангуяа гэр бүлийн, хүүхэд, эмэгтэйчүүдийн эсрэг бүх төрлийн хүчирхийллийг таслан зогсооход хамтын ажиллагаагаа нэмэгдүүлэх зорилготой болж байна.
Зөвлөгөөнд Сүхбаатар дүүргийн Засаг даргын Тамгын газар, Гэр бүл, хүүхэд залуучуудын хөгжлийн хэлтэс, нийслэлийн Цагдаагийн газрын Гэмт хэргээс урьдчилан сэргийлэх хэлтэс, Хүчирхийллийн эсрэг үндэсний төв, дүүргийн Улаан загалмайн хороо, “Лантуун дохио” ТББ, “Сайн үйлс” ТББ-ууд хамтран оролцож, мэдээлэл, судалгаа шинжилгээ, хийж хэрэгжүүлж буй ажлаа танилцуулж, цаашид хийх ажлынхаа талаар зөвлөлдсөн юм.
“Хүүхдийн хүчирхийллийн эсрэг хамтдаа” зөвлөгөөнийг нээж Сүхбаатар дүүргийн ЗДТГ-ын дарга Н.Энхболд үг хэлэв. Тэрбээр “Бид хүчирхийллийн тухай мэдээллийг эмзэглэж хүлээж авахаас илүүтэй урьдчилан сэргийлэх, хамгаалах бодит ажлуудыг хийх ёстой. Сүхбаатар дүүрэг гэр бүлийн хүчирхийлэлд өртсөн хохирогчийг хамгаалах байрны асуудлыг шийдвэрлэж, 2018 оны төсөвтөө суулгасан. Энэхүү зөвлөгөөнөөс Хүүхдийн эсрэг хүчирхийллийг таслан зогсоох уриалга гарна. Уриалгыг бүх шатны байгууллагууд үйл ажиллагаандаа мөрдлөг болгох нь үр дүн юм” гэдгийг онцоллоо.
СБД-ийн ЗДТГ-ын Нийгмийн хөгжлийн хэлтсийн дарга Д.Тунгаагаас энэ талаар тодруулав.
-Сүхбаатар дүүргийн тамгын газрын зүгээс Хүчирхийллийн эсрэг хамтдаа сургалт зөвлөгөөнийг зохион байгуулж байна.
Эцэг эхчүүд Гэр бүлийн хүчирхийлэлтэй тэмцэх тухай хууль, Хүүхдийн эрхийг хамгаалах тухай хуулинд чухам юу тусгасан байдгийг мэддэггүй. Эцэг эхчүүд болон удирдах ажилтнууддаа сургалт хийж, хуулиа хэрэгжүүлэх хэрэгтэй байна. Эхний ээлжинд мэдлэг мэдээллийг нь өгье дараа нь энэ хүмүүстэйгээ ажиллая. Ямар ч мэдээлэлгүй хүмүүс өнөөдөр юу хийж чадах вэ, хандлагаа өөрчилж байж үйл ажиллагаагаа засна. Ийм учраас энэхүү сургалт зөвлөгөөнийг хийж байгаа юм.
Бид хүүхдийн эсрэг хүчирхийлэл мэдэгдэхүйц буурах бодит үр дүнгийн төлөө ажиллахыг хичээж байна. Сүхбаатар дүүргийн Засаг дарга Х.Болормаа дүүргийн хүүхдийн төлөө зөвлөлийн дарга юм. Энэ хүн хүчирхийлэлд өртсөн хохирогчдыг хамгаалах байрыг санаачлан санхүүжилтийг нь шийдээд 2018 онд энэхүү ажлыг эхлүүлэх гэж байна. Хохирогч гэрээсээ гараад хаана очих, хэнд хандахаа мэдэхгүй байсан бол одоо очих газартай боллоо. Энэ бол том алхам. Мөн хүүхдийн тусламжийн 108 утас ажиллаж байна. Бүх төрлийн үйлчилгээг эндээс авна. Хамгаалах байран дээрээ ирээд эрхээ хамгаалуулах боломжтой болж байна гэв.
Б.АМАРТҮВШИН
ШУА-ны академийн Палеонтологи, Геологийн хүрээлэнгийн нээлттэй хаалганы өдөр Хүннү Молд боллоо. Энэхүү өдөрлөгийн хүрээнд тус хүрээлэнгийн номын үзэсгэлэн худалдаа болж “Үлэг гүрвэлийн гайхамшиг” үзэсгэлэнг үнэ төлбөргүй үзүүлэв. Мөн Монгол орноос олддог палеонтологийн олдвор, Үлэг гүрвэлийн тухай баримтат киног үзүүлсэн юм. Өдөрлөгийг нээж ШУА-ны Палеонтологи, Геологийн хүрээлэнгийн эрдэмтэн нарийн бичгийн дарга доктор Н.Тунгалаг үг хэлэв.
Монголын сурагчдын холбоо өнөөдөр багш нарын хугацаагүй ажил хаялтын талаар байр сууриа илэрхийллээ. Тэд МҮЭХ, багш нарын эрх ашгийн төлөө тэмцэж байгааг ойлгож байгаагаа мэдэгдэж, хүүхдүүдтэй холбоотой асуудалд мөн адил дуу хоолойгоо хүргэж ажиллана гэсэн юм. Мөн хүүхдүүдийн язгуур эрх ашгийг харгалзан үзэхгүйгээр хугацаагүй ажил хаяж байгааг анхаарч, хүүхдийн эрхийг нэн тэргүүнд тавьж ажиллахыг хүслээ.
“Утааны эсрэг ээж аавууд” ТББ хоёр дахь жилдээ жагсаж байна. Энэ нь тус байгууллагын гурав дахь удаагийн жагсаал юм. Тэд нийслэлийн удирдлагуудад 13 шаардлагыг хүргүүлсэн аж. Үндсэн хоёр шаардлага нь утааг бууруулах, хүүхдийн нэгдсэн эмнэлгийн тоог нэмэх юм. Энэхүү шаардлагуудыг иргэдээс ирсэн санал хүсэлтээс үндэслэн гаргасан ажээ.
Багш нарын цалин нэмэгдүүлэх түр хороо болон Монголын боловсрол, соёл шинжлэх ухааны ҮЭ-ийн холбоо гурван сарын турш багш нарын цалинг нэмэгдүүлэх асуудлаар тэмцсэн. Ийнхүү тэд ажил хаялтын тэмцэлд шилжиж үр дүнд нь гурван яамтай гэрээ хэлэлцээрт сууж арав хоногын турш цалин нэмэгдүүлэх талаар хэлэлцсэн байна. Хэлэлцээрийн ширээнд Аж үйлдвэрийн яам, Боловсролын яам, Сангийн яам, Монголын ҮЭ-ийн холбоо болон “Багш нарын цалин нэмүүлэх түр хороо”-ны тэргүүлэгч нар оролцсон аж. Энэхүү хэлэлцээрийн үр дүнгийн талаар “Багш нарын цалин нэмүүлэх түр хороо” мэдээлэл хийлээ.
ГУРВАН САРЫН ТЭМЦЭЛ НААШТАЙ ҮР ДҮНГ ГАРГАЖ ЧАДЛАА
ЗГ-аас төрийн албан хаагчдад олгох 300 мянган төгрөгөөөс гадна, багш нарын улирал бүр авдаг 45-н хувийн урамшууллыг нэг хүнд 36 хувь байхаар тогтоож ялгаваргүй шууд олгохоор болсон гэх хуралдаан шийдвэрийн талаар “Багш нарын цалин нэмүүлэх түр хороо”-ны дэд зохицуулагч Б.Бат-эрдэнээс тодруулав.
“Боловсрол: Чанар, санхүүжилт, хариуцлага” иргэний нийгмийн чуулган энэ сарын 1, 2-нд Чингис хаан зочид буудалд боллоо. Найм дахь удаагаа зохиогдож буй энэхүү чуулганд иргэний нийгмийн төлөөлөгчид өргөн хүрээтэй сэдвээр хэлэлцүүлэг өрнүүлдэг. Энэ удаагийн чуулганд боловсролын салбарын эрдэмтэн, судлаачид болон иргэний нийгмийн байгууллагууд оролцсон юм. Чуулганы үеэр судлаачид улсын төсвийн 20-иос доошгүй хувийг боловсролын салбарт зарцуулах шаардлагатай гэж үзэж байв. Мөн боловсролын салбарын санхүүжилт буруу зарцуулагдаж байгаа талаар хэлэлцсэн. Энэхүү хэлэлцүүлэгт аналистийн үүргийг гүйцэтгэсэн эдийн засагч Х.Батсуурьтай ярилцлаа.
Монголын мэргэжлийн анчдын холбоо болон Хандгайтын байгаль хамгаалах газар хамтран бэртсэн ан амьтдыг асран хамгаалах түр байр байгуулж өнөөдөр нээлтээ хийлээ. Ан амьтдыг арчилж хамгаалаад эргүүлээд байгальд нь тавих зорилготой энэхүү газар нь ойролцоогоор 20 гаруй сая төгрөгийн төсвөөр сарын хугацаатай баригдаж дууссан. Энэхүү байгууламж нь зэрлэг ан амьтан байлгах гурван тасалгаатай бөгөөд нэг удаадаа дөрвөөс таван буга, хоёроос гурван чоно, арваас хорь орчим шувуу байлгах хүчин чадалтай аж. Нээлтийн үеэр “Амьтны эрх хамгаалах сан”-гаас тэдэнд араатан амьтан зөөвөрлөх тор болон 500 мянган төгрөг хандивласан юм. Мөн Монголын уран дархны “Түмэн эрдэнэс” нэгдсэн холбоо дархчуулынхаа хийсэн бүтээлийг дуудлага худалдаанд оруулж олсон орлогоо хандивлахаар боллоо.
Бэртсэн ан амьтдыг асран хамгаалах түр байрыг санаачлагч Монголын мэргэжлийн анчдын холбооны тэргүүн Д.Гэрэлээс энэ талаар тодруулав.
