Дэлхийн хөлбөмбөгийн аварга шалгаруулах тэмцээнд хоёрдугаарт байрт шалгарсан Аргентины үндэсний шигшээ багийг Буэнос Айрэс хотын нисэх онгоцны буудалд хүрэлцэн ирэхэд фанатууд нь баярлан угтжээ. Аргентины ерөнхийлөгч Кристина Фернандез тамирчдад халуун алга ташилтаар баяр хүргэлээ. Хөлбөмбөгийн багаараа 40 сая Аргентинчууд бахархаж, баярлаж байх хооронд аваргын цомыг авч чадаагүйд уурлаж хилэгнэсэн фанатууд чулуу шидэж, гудамжны гэрлийг хагалан, театрын барилгыг эвдэлсэн хэрэг гарсан байна. Тус улсын үндэсний аюулгүй байдлын албаны мэдээлсэнээр 70 гаруй хүн гэмтэж бэртсэний 15 нь цагдаагийн алба хаагчид гэнэ. Мөргөлдөөнд оролцсон 120 хүнийг баривчилсан байна.
Categories