АНУ-ын ерөнхийлөгч Д.Трамп өнгөрсөн баасан гаригт ОХУ-ын ерөнхийлөгч В.Путинтэй утсаар холбогджээ. Тэдний яриа бүтэн цаг үргэлжилсэн агаад удирдагчид хоёр орны гадаад бодлогын асуудлыг хөнджээ. Ийн ярилцахдаа талууд Венесуэлийн хямралын талаар байр сууриа илэрхийлжээ. Д.Трамп твиттертээ “Оросын төрийн тэргүүн В.Путинтэй удаан, сайхан яриа өрнүүллээ” хэмээн жиргэсэн байна. Хоёр орны удирдагч хамгийн сүүлд өнгөрсөн оны арванхоёрдугаар сард Буэнос-Айрэс хотноо болсон Их-20 уулзалтын үеэр албан бус яриаг өрнүүлсэн юм.