Иргэний Зориг Ногоон намын /ИЗНН/
Улс төрийн Зөвлөл энэ сарын 2-ны өдөр хуралддаа. Хуралдаанаар тус нам
АН-тай нэгдэх эсэх асуудлаарх гишүүдийн хэлэлцүүлгийн явцыг хэлэлцэв.
Одоогоор Нийслэлийн таван дүүрэг, 6 аймгийн намын байгууллагууд
хэлэлцүүлгээ хийгээд байна. Бусад орон нутгийн намын байгууллагууд 3-р
сарын 5-ны дотор хэлэлцүүлгийг хийж саналаа ирүүлэх юм. Энэ сард болох
Үндэсний Хорооны хурлаар намын Их хурлын товыг зарлана. АН-тай нэгдэх
эсэх асуудлаарх эцсийн шийдвэрийг намын Их Хурлаас гаргах юм.
Гишүүдийн хэлэлцүүлэг, намын Их хурлаар асуудлыг хэлэлцэх зэрэг нь
Улс төрийн намын тухай хууль болон ИЗНН-ын дүрмийн шаардлагын дагуу
хийгдэж байгаа үйл ажиллагаа билээ. Улс төрийн Зөвлөлийн хурлаас
гишүүдийн хэлэлцүүлэг нам дотор нээлттэй ил тод байдалд гишүүдийн
идэвхтэй оролцоотойгоор үргэлжилж байна гэж үзлээ.
Улс төрийн Зөвлөл гуравдугаар сарын 9-ний өдөр намын гишүүд
залуучуудын дунд улс орны хөгжлийн зангилаа асуудлуудаар хэлэлцүүлэг
явуулахаар шийдвэрлэв.