Панамын хуулийн фирмээс алдагдсан оффшор дансны тухай асуудал дэлхий нийтийн анхаарлын төвд байгаа. Учир нь оффшор дансны асуудалд 10 гаруй улсын төрийн тэргүүн, улс төрч, бизнесийн хүрээнийхэн холбогдоод байгаа юм. Манай УИХ-ын зарим гишүүн, бизнесийн хүрээний эрхмүүд оффшор данс эзэмшдэг болох нь нийтэд ил болсон.
Тэгвэл УИХ-ын дарга З.Энхболд телевизийн нэвтрүүлэгт оролцохдоо “Би оффшор данс эзэмшигчдийн эсрэг байр суурьтай байна. Манай нам оффшор дансны асуудалд нэр холбогдсон хүмүүсийг УИХ-ын сонгуульд нэр дэвшүүлэхгүй. Бусад намыг ч бас ингээсэй гэж уриалъя. Тиймээс С.Баярцогтыг УИХ-ын сонгуульд нэр дэвшүүлэхгүй” хэмээн нэр цохон хэлжээ.