1. Өдрийг эрч хүчтэйгээр эхлүүл
“Эрт босвол нэгийг дуулна” гэдэг. Үр бүтээмжтэй байх талаар зөвлөмж, нийтлэл болгон л эрт босохыг чухалчилдаг. Мэдээж орой нь хангалттай эрт орондоо орсон байх ёстой. Ямартай ч сэрсэн даруйдаа шууд босож сурах хэрэгтэй. Босонгуутаа өдрийг эрчимтэй эхлүүлэх ямар нэг зүйл хийгээрэй: дасгал хөдөлгөөн хийх, гэрээ цэвэрлэх зэрэг. Ингэж өдрийг эхлүүлэх нь тэр өдрийн хэмнэлийг тогтоодог.
2. Ажиллах шаардлагатай байгаа бол цагаа төлөвлөж аль болох бага цаг ажилла
Амралтын өдрүүдэд амжуулах ёстой ажлуудаа болж өгвөл түр хойш нь тавь. Нэг мэдсэн Бямба гарагийн оройн 9 цагт дуусаагүй сууж байж магадгүй. Ажилдаа анхаарлаа хандуулах 1-2 цагийг яс гаргаад түүнийгээ дуусмагц ажил дууссан үгүйгээс үл хамааран нэгдэхийн өглөө хүртэл нөүтбүүкээ унтрааж сурах нь чухал. Ингэж чадахгүй байгаа бол зарим хүмүүс нөүтбүүкээ цэнэглэгч кабельгүйгээр нь авч яваад, баттерей нь дуусч унтрахаар нь ажлаа завсарладаг. (Мэдээж таны нөүтбүүк удаан барьдаг баттерейтэй байвал өөр зүйлээр цагаа баримжаалаарай)
3. Жижиг сажиг ажлаа амжуул
.png)
Үнэндээ ажлын өдрүүдэд хүмүүсийн хамгийн ихээр санаа зовоодог зүйлс нь өдөр тутмын хувийн жижиг сажиг ажлууд байдаг. Тэгвэл энэ амралтын өдрүүдийг энэхүү хийж амжаагүй жижиг зүйлсийг бүгдийг нь дуусгахад ашигла. Цаашид иймэрхүү ойр зуурын ажлуудыг, жишээ нь шүдний эмнэлэгт цаг авах гэх мэт 5 минутын дотор л хийж болох ажлуудыг тэр дор нь тухайн бүрт нь бүрэн хийж, дуусгаж сурах хэрэгтэй. Ингэснээр жижиг сажиг ажлууд овоорч, ажлын тань бүтээмжээс хойш татахаас сэргийлэх болно.