УИХ-ын чуулганы нэгдсэн хуралдаанаар ЗГХЭГ-ын даргад нэр дэвшиж буй Л.Оюун-Эрдэнийг томилох эсэх асуудлыг хэлэлцэж байна. Хэлэлцүүлгийн шатанд гишүүд асуулт тодруулга авч байна.
А.Ундраа “Танд би итгэхгүй байна. Яагаад итгэхгүй байна вэ гэвэл: Бид ард түмний тодорхой хэсэг дээр очиж нэр дэвшээд явж байгаа. Олон хүний өмнө очиж нэр дэвшиж байгаа учир олон хүний өмнө хариуцлага хүлээдэг. 2020 онд сонгууль болно. Телевизийн цэнхэр дэлгэц үзээд сууж байгаа залуучууд биднийг үзэн ядаж зэвүүцэж байна. Та бүхэн худлаа ярьдаг, шударга бус байдаг тул хүмүүс итгэхгүй байна. Би ч гэсэн итгэхгүй байна. Таны намтартаа бичсэн Орос хэлтэй, Англи хэлтэй гэсэн зүйл тань үнэн эсэхэд эргэлэж байна. Та бүхэн намтар түүхээ үнэнээр нь хэлдэг байгаасай гэж хүсч байна. Сургуульд сурч боловсрох цаг зав байгаагүй байж ч болно. Энэ бүхнээ ил тод хэлэх хэрэгтэй. Би өөрийн үзэл бодол, санал эргэлзээгээ хэлэх эрхтэй учраас хэлж байна”.
Л.Болд “Би итгэж байна. Л.Оюун-Эрдэнэ гишүүнийг сайн танихгүй л дээ. Гэхдээ сүүлийн хэдэн сар шударга ёсны төлөө хамтарч ажиллахдаа үнэн сэтгэлээсээ, хийх ёстой ажлаа тууштай хийж, тэмцэж чадаж байгааг харсан. Өөрчлөлтийн эхлэл тавьж чадна гэж харж байна”.