Сурагчдын амралт эхлэхтэй холбогдуулан иргэдийг цэвэр агаарт цагийг ая тухтай өнгөрөөх амралт, жуулчны баазууд руу хүргэх нийтийн тээвэр явуулах маршрут, хугацаа, төлбөрийн талаар НЗДТГ-аас санал авч эхэллээ.
Тодруулбал Тэрэлж, Дугуй цагаан, Скай ресорт цанын бааз, Хандгайт, Найрамдал зуслан, Жаргалантын амны жуулчны бааз руу автобус явуулах маршрутыг гаргажээ.
Харин автобусаар үйлчлүүлэх төлбөрийг үнэгүй эсвэл 500-5,000 төгрөгийн хооронд байхаар тооцоолжээ.
Иргэд https://forms.gle/7TPNiNBtpuxL26QB7 хуудсаар орж саналаа өгч, дэмжвэл эдгээр амралт, жуулчны бааз руу автобус үйлчилгээнд явах юм.