Засгийн газрын хуралдаанаар Цэцэрлэгийн хүүхдийн хоолны зардлын хэмжээг шинэчлэн тогтоох тухай тогтоолын төслийг хэлэлцлээ. Үүнтэй холбогдуулан Боловсрол, шинжлэх ухааны сайд Л.Энх-Амгалан мэдээлэл өглөө.
Тэрээр “Цэцэрлэгийн хүүхдийн хоолны тариф 2475 төгрөг байсныг 3000 төгрөг болгож байна. 24 цагийн цэцэрлэгийн хоолны мөнгө 3600 төгрөг байсныг 4100 төгрөг болгосон. Тарифын нэмэгдлийг ирэх есдүгээр сарын 1-нээс мөрдөж эхэлнэ. Хоолны материалын үнийг нэмсэн гэж ойлгох хэрэгтэй.
Цаашид сургуулийн хүүхдийн үдийн хоолны мөнгийг үе шаттайгаар нэмэгдүүлнэ.
107 сургууль түрээсийн гал тогоотой байсан. Энэхүү түрээсийн гал тогоог халаад, сургууль өөрийн гэсэн гал тогоотой байх санхүүжилтийн асуудлыг шийдэж өгсөн. Мөн л ирэх есдүгээр сарын 1-нээс ажиллана.
Мөн төрийн өмчийн сургуулиудад хоол зүйчдийг бэлдэж егч байгаа. Япон, Солонгос улсын санхүүжилтийг авч ШУТИС-ийн харьяа хоол үйлдвэрлэлийн үндэсний төвийг байгуулна” гэлээ.