Гуравдугаар сарын 29 болон 30 -нд хоёр авто машин шатсаныг ОБЕГ-ын алба хаагчид унтраалаа. Тодруулбал,
Өвөрхангай аймгийн Зүүнбаян-Улаан сумын Дэвшил багийн “Ар задгай” гэдэг газар “Приус-30” загварын суудлын автомашин шатжээ. Уг суудлын автомашин Улаанбаатар хотоос Говь-Алтай аймгийн чиглэлд 1 зорчигчтой зорчиж явсан байна. Иймд тус аймгийн Онцгой байдлын газрын Гал түймэр унтраах, аврах 12 дугаар ангийн алба хаагчид очиж 20 минут ажиллаж унтраажээ. Гал гарсан нөхцөл шалтгааныг тодруулахад Улаанбаатар хотоос Баянхонгор аймгийн чиглэлд зорчиж явсан иргэн Б-ын “Супергреат” загварын ачааны автомашины араас мөргөсний улмаас шатсан байна. Ослын улмаас Говь-Алтай аймгийн Есөнбулаг сумын харьяат иргэн Л /25 настай, эрэгтэй/, Г /32 настай, эмэгтэй/ нар гэмтсэн байсан тул Өвөрхангай аймгийн Бүсийн оношлогоо эмчилгээний төвд хүргүүлжээ.
Булган аймгийн Хангал сумын Сөрт багийн “Амын даваа” гэдэг газар иргэн Ч-ийн “Нөт” загварын автомашин шатжээ. Иймээс тус аймгийн Онцгой байдлын газрын Хялганат тосгон дахь Гал түймэр унтраах, аврах 50 дугаар ангийн алба хаагчдыг очиж 4 минут ажиллаж унтраасан байна.