Дэлхийн урлагийн салбарт Ази уран бүтээлчид ид хүчээ авч байгаа билээ. Энэ үед бид өнгөлөг видео клип, хүчтэй хоолой, өвөрмөц өнгө аясаараа хөгжмийн ертөнцөд шуугиан тарьж байгаа K-Pop хамтлагийг сонирхуулж байна.
BLACКPINK: YG Entertainment-ийн анхны эмэгтэй хамтлагаас хойш долоон жилийн дараа debut хийсэн хамтлаг юм. “YG Entertainment”-ийн зүгээс мэдэгдэхдээ тэд царай, дуулалт болон бүжиглэх чадвараар нь дүгнэж, олон орноос шалгаруулалт авч сонгосон хэмээсэн байна. Одоогоор “YG Entertainment”-ийн хамгийн залуу хамтлаг юм. 2018 онд гаргасан “Ddu-du Ddu-du” гэх дуу нь 24 цагт хамгийн их хандалт авсан уран бүтээлийн чартад 4-т жагссаж байжээ.
BIGBANG: K-Pop хөгжмийг Ази төдийгүй дэлхийн тавцанд гаргасан Өмнөд Солонгосын алдарт Big Bang хамтлаг нь 2006 оны наймдугаар сарын 29-нд анх удаа тайзан дээр гарч байжээ. Мөн 2020 онд Хөгжмийн хамгийн том фестивалиудын нэг болох “Coachella” наадамд “The Hu” хамтлагтай хамт оролцож байсан юм.
T-ARA: 2009 оны зун зургаан гишүүнтэйгээр байгуулагдсан. 2013 он гараад “Bunny Style!” гэсэн шинэ япон дуугаа олон нийтэд хүргэсэн байна. Харин есдүгээр сард Etv телевизийн урилгаар Монголд ирж байсан юм. Монгол ирэхдээ “No9” дууныхаа клипийг хийсэн билээ. Аравдугаар сард “Number Nine” дуугаар “Again” цомгоо гаргаж байв.
SUPERJUNIOR: 2005 оны арваннэгдүгээр сарын 6-ны өдөр S.B.Entertainment-тай гэрээ байгуулснаар 12 гишүүнтэйгээр уран бүтээлээ гаргаж байсан. Түүнчлэн Өмнөд Солонгосын Super Junior хамтлагийн гишүүн Кангин хамтлагаа орхиж буйгаа зарлаад удаагүй байх үеэр хамтлаг Саудын Арабт тоглолтоо хийжээ. Тэдний тоглолт Ойрхи Дорнодод зохион байгуулагдсан K-pop урсгалын анхны тоглолт болсон аж.
BTS: 2020 оны сүүлийн хагасын байдлаар 20 сая гаруй цомог борлуулсан бөгөөд Өмнөд Солонгосын түүхэн дэх хамгийн их борлуулалттай уран бүтээлчид юм. Тэдний Map of the Soul: 7 цомог нь 4,332,207 хувь борлогдсоноор Өмнөд Солонгосын хамгийн их борлуулалттай цомгийн рекордыг эзэмшдэг. Тус хамтлагийн “Dynamite” дуу нь Youtube дээрх хоногийн дотор хамгийн их хүн үзсэн үзэлттэй дуугаар шалгарсан. Үзэлт нь 101.1 сая байдаг бөгөөд хамгийн хурдан хугацаанд +700 сая үзэлт хүрсэн юм.
MAMAMOO охидын хамтлагийн гишүүн HWASA: Түүний ‘María’ цомог Spotify дээр 100 сая stream давсан байна. Энэ дуугаа 2020 оны зургадугаар сарын 29-нд гаргасан бөгөөд үзэгчдийн сонсох дуртай дууны нэг болжээ.
EXO: Солонгос, Хятад нийлсэн нийт 12 гишүүнтэйгээр уран бүтээлээ эхэлж байсан. Эксо-М Мама дуу нь Хятадын Sina Album чартад хоёрдугаарт бичигдэж байсан бол Солонгос хувилбар Gaon Album чартын тавдугаарт бичигдсэн юм. Харин Billboard World Albums чартад 12 дугаарт бичигдэж байсан нь маш том амжилт байлаа.
GOT7: Өмнөд Солонгос Улсын хөвгүүдийн хамтлаг болох GOT7 нь 2014 оны нэгдүгээр сарын 16-нд “Girls Girls Girls” гэх дуугаараа JYP энтертайнментийн дэмжлэгтэйгээр K-POP ертөнцөд хөл тавьж байв. Хамтлагийн ахлагч JB болон Jinyoung хоёр хамтдаа “JJ PROJECT” гэх нэртэйгээр 2012 онд дебут хийж байсан аж.
TWICE: 2015 оны дөрөвдүгээр сарын 29-нд “JYP” албан ёсны хэвлэлийн хурал хийж, SIXTEEN төслийн хүрээнд охидын шинэ хамтлаг гаргах болов. TWICE хамтлаг анхны цомгоо 2015 оны аравдугаар сарын 20-нд “The Story Begins” нэртэйгээр гаргаж байсан.
ASTRO: 2015 онд “Fantagio Entertainment”-ийн дор байгуулагдсан тус хамтлаг зургаан хүний бүрэлдэхүүнтэй байгуулагдаж байв. Jinjin, MJ, Cha Eunwoo, Moonbin, Rocky, Yoon Sanha гишүүд юм.