“Хот тохижилтын газар” ОНӨААТҮГ нь нийслэлчүүдийнхээ эрүүл аюулгүй, цэвэр цэмцгэр орчныг бүрдүүлэхийн төлөө ажиллаж байна.
Өнөөдөр /2021.01.16/ 11:00 цагийн байдлаар нийслэлийн зургаан дүүргийн 111 гудамж, нийт 186.1 км авто зам болон явган замын цэвэрлэгээ, төвлөрсөн хогийн цэгүүдийн хогийг дарж булах нийтийн бие засах газрын үйлчилгээнд нийт ажилчид цагийн хуваарийн дагуу ажиллаж байна.
Дээрх ажилд хог тээврийн дөрөв, үйлчилгээний дөрөв машин, задгай 6 тоннын нэг, цасны камаз зургаа, механизм 4 нийт 19 тээврийн хэрэгсэл ажилласан. Зам талбайд үүсэх хальтиргаа гулгаатай хуваарьт газруудаар есөн тонн давс, 30 тонн бодис цацаж нийт үлдэгдэл 271 тонн давс мөн бодисын үлдэгдэл 1924 тонн байна. Одоогоор Цагаан даваа, Нарангийн энгэр, Морингийн давааны хогийн цэгийн үйл ажиллагаа хэвийн явагдаж байна.
