ЗГ хуралдаж хөл хориог 14 хоног сунгалаа. Үүнтэй холбоотойгоор Ерөнхий сайд У. Хүрэлсүх салбар бүрийн сайд нарт даалгавар өглөө.
Богино хугацаанд цар тахлыг хумих, бүх хавьтлыг шинжилж, бүх нийтийн ариутгал халдваргүйтлийг хийх, хүнсний хангамжийг хэвийн байлгах, эмзэг бүлгийн хүмүүст хоол хүнс хүргэх, дотуур байрны оюутан сурагчдыг хүнсээр, витаминаар хангах, эм эмнэлгийн хэрэгслийн хангамжийг хэвийн байлгах,
Банкны бүх төрлийн зээлийн эргэн төлөлт, түрээсийн харилцааг хойшлуулах талаар Сангийн сайдад үүрэг чиглэл өглөө.
Үүнтэй холбогдуулан салбар дундын үйл ажиллагааг уялдуулан зохицуулах, нэгдсэн удирдлага, зохион байгуулалт, зохицууулалтаар ханган ажиллах эрхийг Монгол Улсын Шадар сайд, Улсын Онцгой комиссын дарга Я.Содбаатарт олголоо. Мөн их дээд сургуулийн оюутны дотуур байранд байгаа оюутны нарийвчилсан судалгааг дахин гаргаж, оюутныг хоол хүнс, ариутгал, эрүүл мэндийн бүтээгдэхүүнээр хангах зардлыг цэцэрлэгийн хоол, ЕБС-ийн үдийн цайны зардлын хэмнэлтээс зарцуулахыг БШУ-ны сайдад зөвшөөрлөө.
Засгийн газрын ээлжит бус өргөтгөсөн хурал Төрийн ордны “Б” танхимд үргэлжилж байна гэж Засгийн газрын Хэвлэл мэдээлэлтэй харилцах хэлтсээс мэдээллээ.