Венесуэлийн төв банк шинэ мөнгөн дэвсгэрт гүйлгээнд гаргаж байгаагаа зарласан байна. Тус улс нь нэг жилийн хугацаанд хоёр дахь удаагаа мөнгөн дэвсгэртээ шинэчилж байгаа нь энэ юм. Өнгөрсөн онд Ерөнхийлөгч Николас Мадуро мөнгөн тэмдэгтийнхээ арын таван орон буюу таван тэгийг хасах шийдвэр гаргаж байсан аж. Өчигдрөөс 10,000, 20,000, 50,000-тын дэвсгэртүүдийг шинээр гүйлгээнд гаргаж байна. 50,000 боливар нь найман ам.доллартай тэнцэж байгаа бөгөөд хөдөлмөрийн хөлсний доод хэмжээ сард 40,000 боливар аж.