ЗГХЭГ-ын дарга Л.Оюун-Эрдэнэ өнөөдөр болсон Засгийн газрын хуралдаанаас гаргасан шийдвэрийг танилцууллаа. Тэрбээр мэдээллийнхээ үеэр Засгийн газрын өнөөдрийн хуралдаанаар “Эрдэнэт” үйлдвэрийн талаар авсан зарим арга хэмжээний тухай буюу 2016 оны 32 дугаар тэмдэглэлийг нууцаас гаргасан тухай мэдэгдлээ.
Энэхүү тэмдэглэлийг нууцаас гаргаж шалтгааны талаар ЗГХЭГ-ын дарга Л.Оюун-Эрдэнэ “2016 оны ёсдүгээр сарын 9-ний Засгийн газрын хаалттай хуралдсан энэхүү 32 дугаар тэмдэглэлээр, тухайн үеийн аж үйлдвэрийн сайд Д.Эрдэнэбат танилцуулга хийж, Монгол Улсын Засгийн газар хөрөнгө оруулалтын боломжгүй учраас Эрдэнэт үйлдвэрийн давуу эрхээсээ татгалзаж, Монголын зэс корпорацид худалдах тухай танилцуулгыг хийсэн байна. Хуралдаанд танилцуулахдаа өмчлөлийн хувьд Худалдаа хөгжлийн банк Д.Орхон захирал, Монголын зэс корпорациас Эрдэнэбилэг захирал нарыг дурдсан байна. Хуралдаанд Орхон, Мөнхбаатар, Пүрэвтүвшин нар оролцсон. Энэ хуралдааны тэмдэглэлийг тодорхойгүй шалтгаанаар нууцын зэрэглэлд байсныг нууцаас гаргаж байна.
Нууцаас гаргаж байгаа материал нь Худалдаа хөгжлийн банк, Монгол зэс корпораци нь хоорондоо удирдлага болон санхүүгийн хувьд хамааралтай гэдгийг нотлож байгаа юм. Тухайн үеийн Засгийн газрын хуралдаан дээр Худалдаа хөгжлийн банкны Орхон захирлын биечлэн хэлсэн үг нууцын зэрэглэлтэй материалд тэмдэглэгдсэн үлдсэн байна” гэлээ.