Categories
гадаад мэдээ

​БНХАУ-д бензин, дизель түлшний жижиглэнгийн үнийг бууруулжээ

БНХАУ-д өчигдрөөс эхлэн бензин болон дизель түлшний жижиглэнгийн үнийг бууруулсан тухай тус улсын Хөгжил, өөрчлөлт шинэчлэлийн улсын хороо мэдэгдлээ. Энэ удаагийн үнийн бууралт нь 2014 оноос хойших хамгийн том хэмжээний бууралт болж байна.

Хятадын үнийн зохицуулалтын хороо дэлхийн зах зээл дээрх нефтийн үнийн өөрчлөлтийг тооцож, бензин болон дизель түлшний тонн тутмын үнийг 375 юань, 365 юаниар буулгаж байна.

Хэрвээ дэлхийн зах зээл дээрх түүхий нефтийн үнийн хэлбэлзэл 50 юаниас дээш давж, ажлын 10 хоногт шинээр тогтсон үнэ хэвээр хадгалагдах тохиолдолд Хятадын дотоод зах зээлд бензин болон дизель түлшний үнэд зохицуулалт хийдэг юм байна.

Leave a Reply

Your email address will not be published. Required fields are marked *