Сонгинохайрхан дүүргийн 32-р хороонд мал амьтны гоц халдварт шүлхий өвчин гарчээ. “22”-ын товчоо орчимд мал аж ахуй эрхэлдэг иргэн Т-гийн үхрээс шүлхий өвчний шинж тэмдэг илэрсэн бөгөөд одоогийн байдлаар шүлхийн шинж тэмдэг бүхий үхрийг устгалд оруулж, холбогдох арга хэмжээг авч эхлээд байгаа юм байна. Шүлхийн сэжиг илэрсэн бүсэд өнөөдрөөс эхлэн дөрөвдүгээр сарын 25 хүртэл хөл хорио тогтоожээ. Сонгинохайрхан дүүрэг рүү нөөцөд байсан шүлхийн вакциныг илгээсэн гэж албаны хүмүүс мэдээлжээ.