“Пёнчан-2018” 23 дугаар өвлийн олимпийн наадмын уран гулгалтын хосын төрөл болж өндөрлөлөө.
Спорт сонирхогчдын анхаарлын төвд байсан тэмцээнд Германы хос болох Алена Савченко болон Бруно Массо нар 235.90 оноо авч олимпийн аварга болжээ. 2017 онд Ньбелхорны цомын тэмцээнд мөнгөн медаль зүүж байсан олимпийн наадмаас анхны алтан медалиа авчээ.
Харин Хятадын хос болох Суй Вэньзин болон Хань Цун нар 235.47 оноогоор мөнгөн медаль зүүжээ. Суй Вэньзин 2017 онд дэлхийн аварга шалгаруулах тэмцээнд мөн алтан медаль хүртэж байсан юм.
Канадын хос Меган Дюамель, Эрик Рэдфорд нарын үзүүлбэр 230.15 оноо авч хүрэл медалийн тавцанд зогсчээ.
Энэ төрөлд олимпийн эрх авч оролцсон 2017 оны дэлхийн аварга шалгаруулах тэмцээний хүрэл медальт Хойд Солонгосын Рюм Тэ Ок, Ким Жү Сик нар 193.63 оноогоор аравдугаар байр эзлэсэн юм.