Будапешт хотноо үргэлжилж байгаа жүдо бөхийн ДАШТ-ий энэ өдөр эмэгтэйчүүдийн 63 кг-д АТАШТ-ий мөнгөн медальт, ДЗАШТ-ий хүрэл медальт Б.Мөнгөнчимэг, Ази тивийн АШТ-ий хүрэл медальт, улсын хошой аварга Б. Ганхайч нар хүч үзэх бол эрэгтэйчүүдийн 81 кг-д ОУХМ О.Ууганбаатар барилдана.
Эмэгтэйчүүдийн 63 кг-д 47 тамирчин барилдах бөгөөд ОУХМ Б.Мөнгөнчимэг Дэлхийн аварга, ДАШТ-ий хошой мөнгөн медальт, олимпийн мөнгөн медальт Францын Клариссе Агбегньенугын тэргүүлж буй “Д” хэсэгт орж, эхний тойрогт Энэтхэгийн тамирчинтай барилдана. Харин ОУХМ Б. Ганхайчын хувьд олимп, дэлхийн аварга Австрийн Тина Тристинъякийн тэргүүлсэн “А” хэсэгт орж эхний барилдаанаа Киргизийн тамирчинтай хийх юм. Түүнийг ялвал БНСУ-ын жүдоч хүлээж байгаа.
Эрэгтэйчүүдийн 81 кг-д ДАШТ-ний V байрын шагналт, Азиийн хошой мөнгөн медальт ОУХМ О.Ууганбаатарын жинд нийт 66 тамирчин хүч үзэх бөгөөд манай бөх эзэн орны залуу тамирчин Атиллаа Унгваригийн тэргүүлсэн “Д” хэсэгт орсон. Тэрбээр эхний тойрогт хийлж, дараагийн тойрогт Хятад, БНСУ-ын жүдочдын ялсантай хүчээ сорино.