Нийслэлийн цагдаагийн газрын Мөрдөн шалгах газрын алба хаагчид бүлэглэн дээрэм хийдэг 15 настай гурван этгээдийг илрүүлэн мөрдөн шалгах ажиллагаа явуулж байсан бол өчигдөр буюу 2017 оны 08 дугаар сарын 30-ны өдөр Сүхбаатар дүүрэг дэх цагдаагийн нэгдүгээр хэлтсийн алба хаагчид дээрэмдэх хэрэг бүлэглэн үйлддэг 16-20 насны таван этгээдийг баривчлан шалгаж байна.
Тэд “Чи манай дүүг зодсон хүүхэд мөн байна, чамайг нүүрэлдүүлнэ” гэж насанд хүрээгүй хүүхдүүдийг дагуулан байрны орц болон эзэнгүй газар аваачиж гар утас, эд зүйлийг нь дээрэмддэг ажээ. Тэд 20 гаруй гэмт хэрэг үйлдсэнээ хүлээсэн байна. Энэ төрлийн гэмт хэрэгт өртөж хохирсон иргэд Сүхбаатар дүүрэг дэх цагдаагийн нэгдүгээр хэлтэст хандах хэрэгтэй гэнэ.
Нийслэл хотод оны эхний найман сард 438 дээрмийн хэрэг бүртгэгджээ.